Bessin (Frankreich)

Aus Wikipedia
Hofn vo Port-en-Bessin-Huppain
Gstod ba Arromanches

Bessin is a Landschoft in da Normandie in Frankreich. Se entsprichd'm Siedlungsgebiet vo da kejtischn Bajocassa, dean Nama se aa im Ortsnam Bayeux, 'm zentroin Ort van Bessin, findd. Bekonnd is da Bessin fia sei hochweating Muichprodukte, wia de Isigny-Budan.

Gschicht[Werkeln | Am Gwëntext werkeln]

Im Joar 924 hod Kini Rudolf vo Burgund an Normanne Wilhelm I. mid'm Bessin blehnd, so doss's za oam Tei vo da spadan Normandie worn is.[1] Es entsprichd'm friahan Bistum Bayeux (heit Bistum Bayeux-Lisieux) und is seit da Franzesischn Revoluzion Tei van Département Calvados.

Im Zwoatn Wejdkriag hod om so gnenndn D-Day on de Stränd van Bessin de Londung vo de Alliiatn stottgfundn (nua Utah Beach is in da bnochboadn Hoibinsl Cotentin, in da Landschoft Plain), wos heit in zoihreichn Museen dokumentiad wead. Es gibd aa große amerikanische, britische und deitsche Soidotnfriedhef.

Beleg[Werkeln | Am Gwëntext werkeln]

  1. Reallexikon der Germanischen Altertumskunde Bd. 21, De Gruyter 2002. S. 366.