Burg zu Burghausen

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
Burg zu Burghausen
De Haptburg vo Siden

De Haptburg vo Siden

Entstehungszeit: vor 1025
Burgntyp: Hähenburg, Kammlog
Erhoidungszuastand: Dahoidn
Rang/Stand: Grafn, Heazeg
Bauweisn: Quada
Oat: Burghausen
Geografische Log 48° 9′ 22″ N, 12° 49′ 44,3″ O48.15611666666712.828975420Koordinaten: 48° 9′ 22″ N, 12° 49′ 44,3″ O
Hächn: 420 m i. NN
Burg zu Burghausen (Bayern)
Burg zu Burghausen
.

De Burg zu Burghausen obahoib vo da Oidstod vo Burghausn is mit 1051 Meta de lengste Burgolog vo Eiropa. Se hod seggs Burghef und is bis af wenge Ausnahma aus Travertin-Quadan baut woan. A groußa Tei vo de Bautn stammt aus da Zeit, wo de Burg de Residenz vo da niadaboarischn Linie vo de Wittelsbacha (1393–1505) gwen is.

Ogfanga hods bscheidn; des easchte Bauwerk am Burgberg: a bfesgigts Hoizhaus, dees im sibbdn (7.) Jahrhundert vo de Bayrischn Heazeg baut worn is. Ab da Middn vom dreizenndn (13.) Joarhundat is aus na Burg bis in de zwoadde Hoifdn vom 15. Joarhundad de lengsde Burgolog vo Eiropa. Da Presnitzer Ulli und seine vierdausnd (4000) Schbäzln ham vo 1479-89 auf da gresstn Baustäi vo Eiropa gorbat, bis de Burg 1490(de Tiakn san grod voa Wean gschdanndn) mid ihren seggs Hef, de wo olle duach Woigrobn, Zugbrückn, und Torgebaide vonnannad drennd worn, fiate wor.

1809 war da Kaiser Napoleon in Burghausn. Vo eam stammt da Ausspruch "Stadt unter der Erde", ois a auf da Burg gstandn is und afd Stod obegschaud hod. Übanacht hod er 4 Nächt in Burghausn im Taufkirchen Palais, weil de Östareicher damois de oide Soizach Bruggn abgrissn ham und er mid seim Heer ned so schnoi nachekemma is. Über a Pontonbruggn isa nachad mit 4 Dog Vaspadung hinterher. De Burghauser warn danach fast am Verhungan, wei de Franzosn eana ois weggessn ham. Nur durch de Huifn von de umliegendn Deafa (ganz voran Triftern) hams ibalebt.

Im driddn Hof siggn ma Zinnaspitzn in Schwoibmschwanzform, von de Burghausa ois "Schwurfinga" bezoachned.

Da letzde "Hexnprozess" hod do sibbzehnoanafuffzge stodgfundn.

Im Prechtl- Tuam hod vo sibbzennoanasechzg bis achzenhunddadsex da Burghausa Schoarfrichda und neinzensechzen da Rainer Maria Wilke gwohnt.

Heidzdogs is de roazade Wohnonlog vo uma hunddadfuffzg Leid bewohnt, hod a Museum, a Theadaakademie und an kloan Fuasboiblodz.

Da Till Schweiger hod do an Tei vo seim "Oanahoib Ridda" draad, und de Sofia Loren und de Audrey Hepburn und da Oskar Werner worn aa scho do und ham draad.

Literadua[VE | Weakln]

  • Brigitte Langer: Burg zu Burghausen. Amtlicher Führer der Bayerische Verwaltung der Staatlichen Schlösser, Gärten und Seen, Minga 2004.

Im Netz[VE | Weakln]

 Commons: Burg zu Burghausen – Oibum mit Buidl, Videos und Audiodateien