Travertin

Travertin is a Koichstoa mit Poan. Meistns is a göblich oda braun. Es gibt owa aa rodn und beign Travertin.

Travertin hoaßt "Stoa aus Tivoli". Des kummt dohea, wei da Stoa duachs antike Rom populär woan is. Fost de gaunze antike Stod is aus Travertin aus Tivoli (bei Rom) baut gwesn. Am Colosseum und aundan Segnswiadigkeitn kaunstas no imma segn.

Da Travertin wiad a Quöökoich gnennt, wei a an Siaßwossaquöön entstäht. Während de aundan Koichstoana aus Oblogarunga vo Meeresviecha (Muschln etc.) entstandn san, entstäht da Travertin duach a kemische Ausfällung (wia de Tropfstoana).

Travertinsoatn

Travertin entstäht iwaroi auf da Wöid. Owa net iwaroi is da Travertin ois Natuaweakstoa vawendboa.

Travertin aus Deitschland

Travertin aus Thüringen (Bad Langensalza, Weimar etc)
Travertin vo da Schwäbischen Alb (Cannstatt, Gauingen, Sonderbuch)

Travertin aus Italien

Travertino Romano (Remischa Travertin, aus Tivoli bei Rom)
Travertino Toscano (Travertin aus da Toscana)

Weidare Lända

Tiakischa Travertin aus Anatolien (Tiakei)
Peasischa Travertin aus Iran

Galerie

Travertinterrassn bei Pamukkale, Tiakei
Travertinterrassn vo Mammoth Hot Springs, Yellowstone National Park, Wyoming, USA
De Parisa Kiach Sacré-Cœur de Montmartre aus Château-Landon-Travertin
Mühlhäusa Marienkiach aus Travertin
De greßte Buagaunlog vo Middleiropa, de Zipsa Buag, is aus Travertin baut wuan

Literatua

Dietmar Reinsch: Natursteinkunde. Eine Einführung für Bauingenieure, Architekten, Denkmalpfleger und Steinmetze, Enke, Stuttgart 1991, ISBN 3-432-99461-3

Im Netz

Commons: Travertin – Sammlung vo Buidl, Videos und Audiodateien

Remischa Travertin aus Italien