Département Meurthe-et-Moselle
| Meurthe-et-Moselle | |
|---|---|
 |
 |
| Region | Grand Est |
| Prefektur | Nancy |
| Untaprefektua(n) | Briey Lunéville Toul |
| Eihwohna | 733.469 (1. Jén. 2018) |
| Dichtn | 140 Einw. pro km² |
| Flächn | 5.246 km² |
| Arrondissements | 4 |
| Kantone | 23 |
| Gmoana | 592 |
| President vom Départementrod |
Mathieu Klein[1] |
| ISO-3166-2-Code | FR-54 |
As Département Meurthe-et-Moselle [mœʀtemɔˈzɛl] is's franzesische Département mid da Oadnungsnumma 54. Es liegd im Noadostn van Land in da Region Grand Est und is noch de Fliss: Meurthe und Mosl bnennd. De Haptstod (Präfektua, frz.: préfecture) is Nancy, Untapräfektuan san: Briey, Lunéville und Toul.
Geografie[Werkeln | Am Gwëntext werkeln]
As Département grenzd: im Noadn on de bejgische Provinz Luxnbuag und on Luxnbuag, im Noadostn ons Département Moselle, im aissastdn Sidostn ons Département Bas-Rhin, im Sidn ons Département Vosges und im Westn ons Département Meuse.
Woppn[Werkeln | Am Gwëntext werkeln]
In Goid a rouda Schrägrechtsboikn blegd mid drei gstimmldn süwane Odla, begleitd vo zwoa blaun schrägrechts liengdn Wejnleistn.
Des is's Woppn van oidn Herzogtum Lothringen, in dessn Zentrum se's Département bfindd, eagänzd um de beidn blaun Wejnleistn, de de Fliss: Meurthe und Mosl symbolisian.
Gschicht[Werkeln | Am Gwëntext werkeln]
As Département is om 7. Septemba 1871 mid de via Arrondissements: Briey, Lunéville, Nancy und Toul grindd worn.
As Elsass und voa oim da deitschsprochige Tei vo Lothringen woa ois Foige van Deitsch-Franzesischn Kriag ois „Reichsland“ om neigrinddn Deitschn Reich ogschlossn worn; hiavo betroffn woa voa oim da gressde Tei van Départements Moselle und de Arrondissements: Sarrebourg und Château-Salins van Département Meurthe. De ba Frankreich vabliemna Gebiete vo de zwoa Départements san no im gleichn Joar zan neien Département Meurthe-et-Moselle zammglegd worn.
De heitige Grenz zwischn de Departements: Moselle und Meurthe-et-Moselle woa vo 1871 bis 1919 de Stootsgrenz zwischn Deitschland (Deitsches Koasareich) und Frankreich (Dritte Franzesische Republik). Ois Deitschland ois Foige van valoana Easchtn Wejdkriag 1919 gmäß'm Versailla Vatrog 's Gebiet van Reichsland wieda n Frankreich zruckgem hod miassn, hod da franzesische Stoot de 1871 zongne Grenz zwischn de Départements beib'hoidn.
Städt[Werkeln | Am Gwëntext werkeln]
De bevejkarungsreichsdn Gmoana van Département Meurthe-et-Moselle san:
| Staod | Eihwohna (2018) |
Arrondissement |
|---|---|---|
| Nancy | 104.885 | Nancy |
| Vandœuvre-lès-Nancy | 30.009 | |
| Lunéville | 18.027 | Lunéville |
| Toul | 15.470 | Toul |
| Pont-à-Mousson | 14.434 | Nancy |
| Laxou | 14.300 | |
| Villers-lès-Nancy | 14.558 | |
| Longwy | 14.730 | Briey |
| Dombasle-sur-Meurthe | 9.694 | Nancy |
| Maxéville | 9.740 |
Vawoitungsgliedarung[Werkeln | Am Gwëntext werkeln]
As Département Meurthe-et-Moselle hod sa se bis 2014 in 4 Arrondissements mid 23 Kantonen und 592 Gmoana gliedad:
| Arrondissement | Kantone | Gmoana | Eihwohna 1. Jenna 2018 |
Fläch km² |
Bevejkerungs- dichtn Einw./km² |
Code INSEE |
|---|---|---|---|---|---|---|
| Briey | 6 | 128 | 167.254 | – | – | 541 |
| Lunéville | 3 | 164 | 77.709 | 1.450,74 | 54 | 542 |
| Nancy | 16 | 188 | 419.876 | 1.509,34 | 278 | 543 |
| Toul | 5 | 112 | 68.630 | 1.143,05 | 60 | 544 |
| Département Meurthe-et-Moselle | 23 | 592 | 733.469 | 5.245,90 | 140 | 54 |
Vaändarunga[Werkeln | Am Gwëntext werkeln]
- Vo 1926 bis 1943 woa's Arrondissement Toul afgläsd.
- 1997 is de Ortschoft Han-devant-Pierrepont ausm Kanton Spincourt (Arrondissement Verdun) van Départements Meuse in an Kanton Longuion (Arrondissement Briey) van Départements Meurthe-et-Moselle eihgliedad worn.
- Afgrund vo ana Woihrechtsändarung 2014 is da Neizuaschnitt vo de Kantone ob 2015 nädig worn. Stott da bishea 44 Kantone is's Département etzad in 23 Kantone untateid, wobei diesn etzad ned meah notwendig jeweis nua Gmoana vo om oanzing Arrondissement zuagoadned san.
Vakeah[Werkeln | Am Gwëntext werkeln]
Duachs Département Meurthe-et-Moselle fiahd de Schnejfoahstrecke LGV Est européenne mid'm 1510 m longa Moslviadukt ba Vandières.
Sengswiadigkeitn[Werkeln | Am Gwëntext werkeln]
- Da Place Stanislas in Nancy (Wejdkuituaeabe)
- As Schloss Lunéville
- De Kathedraoi Saint-Étienne in Toul
- De Basilika St-Nicolas in Saint-Nicolas-de-Port
Im Netz[Werkeln | Am Gwëntext werkeln]
Commons: Département Meurthe-et-Moselle – Sammlung vo Buidl, Videos und Audiodateien- Département Meurthe-et-Moselle (franzesisch)
- Präfektur des Départements Meurthe-et-Moselle (franzesisch)
- Literatur zum Département Meurthe-et-Moselle im Katalog der Deutschen Nationalbibliothek
Beleg[Werkeln | Am Gwëntext werkeln]
- ↑ meurthe-et-moselle.fr (Memento des Originals [1] vom 1. Nóvémber 2016 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. obgrufaa om 29. Aprui 2015.
Koordinaten: 48° 41′ N, 6° 10′ O