Fluss

Aus Wikipedia
Wexln zua: Navigation, Suach

A Fluss (Plural: Fliss) is oiwei a Siaßwossa, des wos rinnd und recht broad und long is. Des is da Untaschiad zum Bachal. Owa aus am Bachal ko a Fluss wean, wonn nua gnua aundane Bachal dazuakemma und so meah Wossa do is.

Da Fluss is wichtig fia'd Ekologie. Easchtns wei aa a Wossaspeicha is, zweitns wei ma'n zum Umanondafoahn nehma ko, drittns fia'd Fiisch und aundane Viecha zan Wohna. Fian Mensch is a nu wichti, wei ma domid a Elektrizität mocha ko, und zwengam Transport. Außadem homd se oft am Ufa vo de groußn Fliss vaschidane Kuituan entwicked. Des ko deszweng gwen sei, wei duadn da Bodn recht fruchtboa woa, und wei ma afm Wossa weid umanonda kemma is, wos guad fian Hondl woa. Wos affoid, is, doss Fliss eigadli imma gaunz oide Nama homd, de ma heit goa nimma vastehd. Bei a poa hod ma den Nam a eihdeitschd. Meistns hoda si da neiche Nam owa'n Sinn vom oidn Nam ghoidn.

Da zweitgreßte Fluss vo Eiropa is de Donau. De fongt in Sidwestdeitschland im Schwoazwoid au, fliaßd donn duach Bayern, bei Bassa rinnds donn gmoasom mim Inn und mid da Ilz noch Östareich eini und vo duadn iwa Ungarn, Serbien und Rumänien eini ins Schwoazze Meea.