Grea

Aus Wikipedia
Grea
Farbcode: #00AA00

Grea (dt.: grün) is a Foab. Physikalisch gseng is Grea a Liacht vo na Wejnläng vo 520 bis 565 nm.

Grea ko vui Bedeitunga hom. Zum oana san fosd olle Pflanzna grea, wos doda dro liegd, doss de olle Chlorophyll enthoidn, wos wichtig fia de Sauastoffsynthese is. Nachad ko grea no symbolische Bedeitunga hom. Zwengs seina Bedeitung in da Pflanznawejd weads aa vo vui Öko-Organisationa wia Greenpeace oda de vuin greana Bardein af da Wejd heagnumma, wiar aa vo da deitschn, de wo se aa de Greana nennd.

Foabnleah[Werkeln | Am Gwëntext werkeln]

Giftgrea
Farbcode: #00FF00
Olivgrea
Farbcode: #6B8E23

Grea is a Grundfoab vo da Additivn Foabmischung (nem Roud und Blau). Ba da subtraktivn Foabmischung eareichd ma Grea duach Mischung vo de Foabn Cyan und Gejb. De Komplementarfoab vo Grea is Magenta bzw. Roud.

Bedeitung vo Grea[Werkeln | Am Gwëntext werkeln]

  • Grea wead ois Foab vo da Natua ogseng und domid ois Symboj fia Woxtum, Harmonie, Frische und Fruchtboakeit.
  • In da Heraldik stähd Grea fia Woxtum und Hoffnung
  • Grea ko a fia Ofenga stäh (vgl. im Englischn: greenhorn, green pea)
  • Grea is de Foab van Islam und kimmd desweng in vuin Flaggn voa
  • Grea wead aa mid Gejd assoziiad. Des kimmd vo de Amerikanischn Dollar, de wo greenbacks gnennd wean.
  • Grea is aa de Symbojfoab fia "in Oadnung" (vgl.: Ampen, ba Grea deafsd geh)
  • Dunklgrea wead ofd mid Gier, Eifasucht und Ambizion assoziiad
  • Gejbgrea ko Gsundheit und Heilung bedeidn
  • A gonz blosses Gejbgrea ko Kronkheit, Soargn, Neid und Eifasucht bedeidn
  • Olivgrea is de traditioneje Friednsfoab

Literatua[Werkeln | Am Gwëntext werkeln]

  •  Eva Heller: Wie Farben wirken. Farbpsychologie, Farbsymbolik, Kreative Farbgestaltung. 3. Auflage. Rowohlt, Reinbek bei Hamburg 2006 (1. Aflog 1999), ISBN 978-3-499-61960-1, S. 71–85.

Im Netz[Werkeln | Am Gwëntext werkeln]

 Commons: Grea – Sammlung vo Buidl, Videos und Audiodateien