Griachische Mythologie

Unta da Griachischn Mythologie vasteht ma oi Gschichtn vo de Gedda und Hejdn vom antikn Griachaland.

In im antikn griachischn Gschichtsvastendnis geht de historische Zeit bis in de Zeit vo de Mythen zruck. De mythischn Hejdn wean ois Menschn vo friaan Zeitn afgfosst, de wo no mit de Gedda no peasenle vakeat san.

De Gedda vom Schepfungsmythos

Im Ofang wors Chaos (Unordnung); do aussa san de easchtn Gedda keman:

de Nocht (Nyx) und de Finstanis (Erebos)
de Eadn (Gaia), wo in jungfrailicha Gebuat an Himme (Uranos), s Mea (Pontos) und de Beag (Ourea) gschoffa hod
de Untawejd (Tartaros)
de Liab (Eros)
de Luft (Aither)