Homo Erectus

Aus Wikipedia
Homo erectus

Homo-erectus-Skelett vom Turkana Buam

Zeidraum
Pleistozän
1,9 bis ?[1] Mio. Jor
Fundort
Systematik
Altweltaffen (Catarrhini)
Ibafamij: Menschenartige (Hominoidea)
Famij: Menschenaffen (Hominidae)
Tribus: Hominini
Goddung: Homo
Oart: Homo erectus
Wissnschoftlicha Nama
Homo erectus
Dubois, 1892

Da Homo erectus is a Oat aus da Gattung Homo. Aus eahm hod si in Afrika da Homo Heidelbergensis ausbüt und vo dem schtaummt daun in Eiropa da Neandatola o. Und in Afrika hod se daun schpoda a iwan Homo Erectus und iwan Homo Heidelbergensis da Homo sapiens ausbüt, den wos mia ois „modeanan Mensch“ bezeichnen. An da syrischn Middlmeeaküstn und in Eirpoa san se da Neandatola und da Homo Sapiens, dea a ois da Cro Magnon Mensch bekaunnt is, begegnt. Za dera Zeid hod owa in Sidostasien nu da Homo Erectus glebd. Ea und da Neandertaler san owa nochand ausgschtuarm. Und alloani da Homo sapiens hod iwalebd.

Do ma heid vü genauare Untasuachungsmethodn hod kau ma a de Fund weid bessa und genaua bschtimma und zeidli genaua eiuadna.

Nochm Richard Leakey woa a da Homo erectus „da easchte, dea wos des Feia vawendt hod, ea woa da easchte, dea wos des gmoaschoftlige Jagan zu aana Grundlog vo seine Eanährung gmocht hod, und ea woa da easchte, dea wos iwahaupt aufrecht wiaraa modeana Mensch rennan hod kenna“.[2] Owa beim aufrecht Renna hod se da Leaky girrt. Den Heid woaß ma, doss des a schau da Homo Ergaster kenna hod.

Seit de 1890a-Joa haums vüü Fossülien vom Homo erectus in Asien gfundn. Äussa haums a gaunze Wäu glaubt, doss da modeane Mensch aa durtn aus irgndwöche offnoatige Vuafoahn entstaundn is. Und des trotz dem, doss da Charles Darwin scho 1871 augnumman hod, doss da Mensch si ehaa in Afrika entwicklt hod und von do ausbraat, wäus duatn de Schimpansn und Gorillas dahaam san, mid denan ea jo gaunz eng vawaundt is.[3]

Ausm sööbign Grund haumsasi joarelaung gweaht, den Gschroppn vo Taung, aan Australopithecus africanus-Fund, den wos 1924 gmocht haum, zu da Auhnanreihe vom modeanan Menschn zum zööhn. Den Fööhla haums eascht iwarissn, ois da Louis Leakey 1964 gaunz oide hominine Fossülien ois Homo habilis an de Basis von da Gattung Homo stöön haum kennan.[4]

Da Nauman[Werkeln | Am Gwëntext werkeln]

Homo is ogleit vom lateinischn homo [ˈhɔmoː], wos sovüü wia „Mensch“ haaßt. Und erectus kummt aa vom Lateinischn, vo erigere (dt.„aufrichten“). Äussa haaßt des Gaunze Homo erectus sowos wia „der aufgerichtete Mensch“.

Beleg[Werkeln | Am Gwëntext werkeln]

  1. 1,0 1,1 Ausm Homo erectus haum so unobhängig vonanaund swoi da Homo heidelbergensis, da Neandertaler, da Homo sapiens und woascheinlich aa da Homo floresiensis entwicklt. Aan „Aussterbezeitpunkt“ kaun ma dahea ned augem.
  2. Richard Leakey: The origin of humankind. Phoenix, a division of Orion Books Ltd., 1995, S. XIV
  3. Charles Darwin: The Descent of Man, and Selection in Relation to Sex. John Murray, London 1871, Band 1, S. 199: „In each great region of the world the living mammals are closely related to the extinct species of the same region. It is therefore probable that Africa was formerly inhabited by extinct apes closely allied to the gorilla and chimpanzee; and as these two species are now man's nearest allies, it is somewhat more probable that our early progenitors lived on the African continent than elsewhere.“
  4. Bernard Wood: Fifty years after Homo habilis. In: Nature. Band 508, Nr. 7494, 2014, S. 31–33, doi:10.1038/508031a