Karntnarisch

Karntnarisch oda Karntnerisch nennt ma de boarischn Dialekte, wo in Karnten gredd wean. Gonz Karnten gheat zomma mit am gresstn Tei vo Tirol, am Soizburga Lungau und am Tei vo da Steiamoark zua siidboarischn Dialektgruppn.

Karntnarisch wead oft in Oba-, Middl- und Untakarntnarisch eiteit. Dazua gibts in Karnten Grenzgebiete, wo Tirolarische und Soizburgische Dialekte gredd wean.

Grammatik

Konjugation (Beispui)

a) ba Wortstejung Pronom+Verb (i siag)
b) ba Wortstejung Verb+Pronom ('siag i)
c) Konjunktiv I

hom	sein'	lebm	sogn'	doa	genga	segn'	miassn	woin	kemma	wissn	kenna
a)
i hob/hon	i pin	i lep	i sok	i tua	i geh	i siach	i muass	i wüll	i kimm	i was	i konn
du host	du pist	du lepst	du sokst	du tuast	du gehst	du siakst	du muasst	du wüllst	du kimmst	du wast	du konnst
er hot	er is	er lep	er sok	er tuat	er geht	er siacht	er muass	er wüll	er kimmp	er was	er konn
mia hom(a)	mia sein	mia lem	mia sogn	mia tan	mia gehn	mia segn	mia miassn	mia wolln	mia keman	mia wissn	mia kinan
es hopts	es seits	es lepts	es sokts	es tats	es gehts	es sekts	es miassts	es wollts	es kemps	es wissts	es kints
se homt/homp	se seint	se lemt	se sognt	se tant	se gehnt	se segnt	se miassnt	se wollnt	se kemant	se wissnt	se kinant
b)
hob i/hon i	pin i	lep i	sok i	tuari	geh i	siach i	muass i	wüll i	kimm i	was i	konn i
host	pist	lepst	sokst	tuast	gehst	siakst	muasst	wüllst	kimmst	wast	konnst
hot a	is a	lep a	sok a	tuat a	geht a	siacht a	muass a	wüll a	kimmp a	was a	konn a
homma	samma	lemma	sogma	tamma	gemma	segma	miassma	wollma	kema	wissma	kima
hopts	seits	lepts	sokts	tats	gehts	sekts	miassts	wollts	kemps	wissts	kints
hom se	sein/sant se	lem se	sogn se	tan se	gehn se	segn se	miassn se	wolln se	keman se	wissn se	kinan se
c)
i het	i war(at)	i lebat	i sogat	i tat/tet	i gangat	i segat	i miassat	i wellat	i kamat	i wisat	i kantat

2. Person Sg.: -st
3. Person Sg.: -t; ba Verben af -ben und -gen entfoit s -t (ar lep, ar schreip, ar sok, ar ziak)
1. Person Pl.: -n; ba Verben af -ben: -m; ois vasteakte Form aa -ma (mia segma, mia gemma)
2. Person Pl.: -ts
3. Person Pl.: -nt

Bei der Wortfolge Verb+Pronom (zum Beispiel in Fragen) fällt bei der 2. Person Singular sowie bei der 1. und 2. Person Plural das Personalpronom weg, außer es wird besonders hervorgehoben oder betont (zum Beispiel "gemma mia heit fuat?", "seits es aa kronk?")

Vagangaheit:

i hob/hon ghop
i pin gwesn
i hob/hon glep
i hob/hob gsok
i hob/hon geton
i pin gongan
i hob/hon gsegn
i hob/hon miassn
i hob/hon wolln

Sprochbeispui

Bua, iss nit so vül Tschatschlwerch, is jo nit guat fia di Zehnt! (Tschatschlwerch moant do Siassigkeitn, vo Tschatsch = weatloses Zeig)
Roak uma dege Maukn! (roak = reichn, Maukn = Quetschn)
Aufe auf de Olm, traust di zuawe zu de Nuggalen?
Muckefuck? Nit de Blattlan ... aus de Oachln sölba! So hods unsa Urli imma darzöhlt. Und noacha no a Goaßmülch eine ... pfui Teifl!
Mitn noign Göld seind de Pappmschloußar aa a Trum toirar worn.
De is lei a Gache! Pass auf mit dea is nit zum spüln!
Hee, oltar Sacklpickar! (Gruass unta Habaran; Sacklpickar = Depp)
Kriagst a Uaringl, dass da di Eigalan ausakuman! (Uaringl moant do Watschn)
Ma hob i mi jetz owa vakuzt! (vakuzt = vaschluckt)

Lexik

A poar Beispui ausm bsundan karntnarisch, siidboarischn Vokabular:

Buachaner - Hoarta Hund ('Kerl aus Hoarthoiz')
Duttlkraxn - BH
Kloazn - drickade Birna, oids, hagas Mandal (vgl. 'Zwetschgnmandal')
Mauchalan - Griachal
Puschkawetl - Bleamestrauss ('kloana Busch')
Reindling - Kuchn in Reindlform
Seichale - kloans Sieb
Tirgntschuatsch - Gugaruzkoibm
Tschack - kastriata Goassbock
Tscherfl - Schuah (vo slow. 'cevelj' = Schuah, vom frz. 'chevre' = Goass -> goassledane Schuah)
Tscherflgöld - Drinkgöd (= 'Weggöd, fias Renna')
Tscherfltaxi - per pedes
umetschinkln - gmiatle schlendan
urassn - vaschwendn

Schau aa

Literatua

Matthias Lexer: Kärntisches Wörterbuch. 1862 (Digitalisat)
Arnulf Pichler-Stainern: Südbairisch. Valog Johannes Heyn, Klognfuat (2008) ISBN 978-37084-09292-5

Im Netz