Steiamoak

Der Artikl is im Dialekt Steirisch gschriem worn.

Laundesflaggn	Laundeswobbm
Steiamoak Steiermark


Basisdatn
Landeshauptstod:	Graz
Greßte Stod:	Graz
ISO 3166-2:	AT-6
Hoamseitn:	http://www.steiermark.at/
Politik
Laundeshauptmaun:	Hermann Schützenhöfer (ÖVP)
Regiarnde Partein:	ÖVP und SPÖ
Sitzvateilung im Laundtog (48 Sitz):	SPÖ 15 ÖVP 14 FPÖ 14 Grüne 3 KPÖ 2
letzte Woi:	31. Mai 2015
näggste Woi:	voraussichtlich 2020
Bevejkarung
Eihwohna:	1.231.865 (Staund: 1. Jenna 2016)
- Rang:	4. von 9
Bevöikarungsdichtn:	75 Eihwohna/km²
Sprochn:	Deitsch, regional: Slowenisch
Geografie
Flächn:	16.400,75 km²
- dovo Laund:	16.253,43 km² (99,1 %)
- dovo Wossa:	147,61 km² (0,9 %)
- Raung:	2. von 9
Hechsta Punkt:	2.995 m (Hocha Dochstoa)
Diafsta Punkt:	200 m (Mur beim Austritt aus da Steiamoak)
Vawoitungsgliedarung
Bezirke:	1 Statutorstod 12 Bezirke 1 Politische Expositur
Gmoana:	287
- dovo Städt:	35
- dovo Moaktgmoana:	122

De Steiamoak, aumtlich: Steiermark (slowejnisch: Štajerska), is a Bundeslaund vo da Republik Östareich. As is es zwoatgresste Bundeslaund, waumma noch da Flächn gehd. Es grenzt an Owaestareich, Niadaestareich, Soizbuag, Buagnlaund und Karntn, und im Siidn an Slowenien. De Laundeshauptstod vo da Steiamoak is Graz, de zwoatgresste Stod vo Estareich.

Gschicht[Weakln | Am Quelltext weakln]

1180 is de Steiamoak von deran Bindungan zua de Herzogtima Bayern und Karntn gläst wurn und is söba a Herzogdum woan. Kurz drauf hot mas de Babenberga und späda de Habsburga ois Herzogdum untastöt. Va durd weg is des gaunze Laund sche laungsaum, aba sicher imma klana wurn, wal im 13. Joarhundat hot da Ottokar in Traungau obgebn und Piiten haums a weggnaumman. Nochn Erstn Wödkriag haums daun de Untersteiamork ans daumolige Jugoslawien hergebn miaßn, aba seit daumois is de Steiamork so, wie sie is.

Eadkunde[Weakln | Am Quelltext weakln]

Des Bundesland Steiamoak hod a Flächn vo 16.400,75 km² und is damit s zwoatgresste Bundesland vo Östareich. Se hod a 145 km lange Außngrenz mit Slowenien.

De Steiamoak is in mehrare Regiona gliadat. Noch da Flächn is de Obasteiamoak am greßtn, de wos vo de neadlichn Laundesgrenzn bis zan Steirischen Raundgebiage sidlich vo da Mur-Miaz-Fuachn reicht. De Weststeiamoak liegt sidlich davo und westlich vo da Mur. De Oststeiamoak liegt estlich vo da Mur und siüdlich vom Wechsel und vo de Fischbocha Oipn. Zwischn Ost- und Weststeiamoak liegt de Laundeshauptstod Graz. De regionale Eiteulung vo da Steiamoak is nua vaständlich, waun ma waß, dass friacha no a Untasteiamoak gebm hod. Des woa s gmischtsprochige deitsch-slowenische Gebiet mit da Hauptstod Marburg. Des Gebiet si nochm 1. Wödkriag zu Jugoslawien kumma und gheat heit zu Slowenien.

De Steiamoak wiad aa de „Greane Moak“ oda s „Greane Heaz vo Estareich“ gnennt, weu rund 61 % vo da Bodnflächn bewoidet is und a weidans Viatl vo Wiesn, Weidn sowia Obst- und Weingäatn eignumma wiad. Da Haupfluss vo da Steiamoak is de Mur.

De Steiamoak hod owa aa an Aunteu an de Oipn: en Ennstoi mit dean schroffn Föisn va de Neadlichn Koikoipn, vom Dochstoa bis zan Nationalpark Gesäuse, und weida de Gebirgsplateaus zwischn Hochschwab und Rax. Weida en Südn de Niedan Tauan, Gloanoim, Seetola Oipn, Stuboim und Koaoim. De Obasteiamoak und de oststeirische Thermenregion san wichtige Tourismusgebiet.

Statutarstod[Weakln | Am Quelltext weakln]

Landeshauptstod Graz

Beziak[Weakln | Am Quelltext weakln]

Beziak	Vawoitungssiitz	Fläche (km²)	Einwohna (1.1.2013)	Kfz-Kennzeichn (auslaufande)
Bruck-Mürzzuschlag	Bruck an der Mur	2.155,82	101.245	`BM (MZ)`
Deutschlandsberg	Deutschlandsberg	0863,49	060.437	`DL`
Graz	Graz	0127,58	265.778	`G`
Graz-Umgebung	Graz	1.100,71	144.316	`GU`
Hartberg-Fürstenfeld	Hartberg	1.219,52	089.183	`HF (FF, HB)`
Leibnitz	Leibnitz	0681,50	077.674	`LB`
Leoben	Leoben	1.099,69	062.027	`LE, LN`
Liezen	Liezen, Gröbming	3.270,37	079.040	`LI, GB (BA)`
Murau	Murau	1.384,58	028.939	`MU`
Murtal	Judenburg	1.675,38	073.343	`MT (JU, KF)`
Südoststeiermark	Bad Radkersburg	1.064,22	089.160	`SO (FB, RA)`
Voitsberg	Voitsberg	0678,60	051.778	`VO`
Weiz	Weiz	1.070,48	088.051	`WZ`

Aungrenzende Gebietskeapaschoftn[Weakln | Am Quelltext weakln]

Owaöstareich	Niedaöstareich
Soizburg		Buagnland
Karntn	Slowenien

Panorama vo da Noadoststeiamoak vom Ringkogl

Steirische Kuchl[Weakln | Am Quelltext weakln]

De bekauntaste steirisch-kulinarische Spezialität is woascheinli s Kernöi. Bsundas bekaunt san an no weit iwa s Land ausse: Es Vahockate,^[1] de Käfabauln, da Schücha, da Steirische Junka und de Schogglad vo da Schokoladenmanufaktur Zotter. De Steiamoak is aa a Laund vo de Biabraua, bekaunt san: es Murauer, es Schladminger, es Puntigamer, es Reininghaus und es Gösser Bia.

Zua den berihmdn typisch steirischn Moizeitn zöht a da Sterz. Ea wiad auf vaschiedanste Oat gmocht und wiad oft scho in da Fruah midn Kafää gessn (voa oim da Polenta) genauso wia ois Hauptmoizeit oda zua Suppn gessn. Im sea bekauntn Voiksliad "Da Steirische Brauch" (in Gstanzlfoam) wiad vom (...) Tiaknsterz mit ana Schwaummsuppn drauf (...)" gsunga.