Rindviech

Der Artikl is im Dialekt Südostobaboarisch gschriem worn.

A Rindviech mid Glockn und Herndl

A Kaibe zuzlt am Eita vo da Kua

S Rindviech (Weiwal: Kuah, Mandal: Stia oda Ox, Plural: Kiah) is d domestiziade Foam vom Auaox. D Domestikation is voa umara 10.500 Joar bassiat. Da Auaox is im 17. Joarhundad ausgstoam.

Rindviecha hand Viecha, wo im ganzn boarischn Raum auf de Wiesn stengan, Groos fressn und zwoa moi am Doog Muich gem. De Muich kimmt ausm Eita ausse, an des da Baua oda de Bairin d'Meichmaschin onehengd. A junge Kua, wo no koa Muich net gebt, hoaßt ma Kaibe, wanns a Stia wead, aa Stiakaibe. Und wenn a Kaibe scho b'samd wern ko, dann nennd mas Koim. Wenn de dann scho a Bäbal griagt, dann is a Koah. D'Rindviecha ghern zu de Spoviecha.

Grod in de Beag drin wern de Kiah und de Kaiben im Summa auf'd Oim auffetriem und dann im Hiachst, wanns koid wead, wieda obe ins Toi. Des nennt ma dann Oimotrieb. Zua deara Ogelegnheid wean de Kiah, so wias da Brauch is, mit bunte Bandln und Krona gschmickt, de Senna ziagn eanane bestn Trachtngwanda oo, und olle gfrein se, doss koan wos schlimms bassiert is und de Kiah iban Summa vom guadn Oimgroos schee schwaa worn san.

Literatua

• Florian Werner: Die Kuh. Leben, Werk und Wirkung, Goldmann Valog, 2011. ISBN 978-3-442-47305-2

Im Netz

 Commons: Hausrind – Sammlung vo Buidl, Videos und Audiodateien

• Aussteabende Rassn vo Rindviechan – (Vieh-ev)
• Listn vo Rindviecha-Rassn – (Oklahoma State University / englisch)
• Fotogalerie mit Buidl vo vaschiedanen Rassn vo Rindviechan
• Rindviecha in da Landschoftspfleg – (LEL BW)