Laktaši

Laktaši
Лакташи

Basisdaten

Stoot:

Bosnien und Herzegowina

Entitet:

Republika Srpska

Koordinaten:

44° 54′ N, 17° 18′ OKoordinaten: 44° 54′ 26″ N, 17° 18′ 7″ O

Heh:

125 m. i. J.

Flächn:

387 km²

Eihwohna:

24.966 (2013)

Dichtn:

65 Einwohner je km²

Vuawoi:

+387 (0) 51

Postloatzoi:

78250

Struktua und Vawoitung (Stand: 2012)

Bürgermeister:

Milovan Topolović (SNSD)

Hoamseitn:

www.laktasi.net

Laktaši (kyrillisch Лакташи) is a Stod und de zuaghearige Gmoa im Noadn vo Bosnien-Herzegowina. Administrativ gheat se seit'm Bosnienkriag zua Republika Srpska.

Geografie

Laktaši liegt uma 19 Kilometa neadli vo Banja Luka am Fluss Vrbas. Laktaši hod umarah 5000 Eihwohna und is da Haptort vo da gleichnomign Gmoa (Opština Laktaši) mid uma 35.000 Eihwohna.

Ortstei

Aleksići, Bakinci, Aleksandrovac, Boškovići, Bukovica, Čardačani, Ćetojevići, Devetina, Dovići, Drugovići, Glamočani, Jablan, Jakupovci, Jaružani, Kadinjani, Kobatovci, Koljani, Kosijerovo, Kriškovci, Krnete, Laktaši, Ljubatovci, Maglajani, Mahovljani, Malo Blaško, Milosavci, Miloševci, Mrčevci, Papažani, Petoševci, Rajčevci, Riječani, Slatina, Šeškovci, Šušnjari, Trn und Veliko Blaško.

Trn woar scho 1991 da greßte Ort vo da Gmoa und is ois unmiddlboa Voaoat vo Banja Luka in de 2000a Joar vo oam Baubuum eafosst. Es san zoireiche neie Wohnhaisa und Gweabebautn.

Demografie

Noch da Voikszejung 1971 hom in Laktaši 25.997 Menschn glebt, dovo:

21.986 Serbn (84,57 %)
2.731 Krowodn (10,50 %)
341 Bosniakn (1,14 %)
84 Jugoslawn (0,32 %)
855 ondane (3,47 %)

Noch da Voikszejung 1971 hom in Laktaši 29.910 Menschn glebt, vo dena

24.438 Serbn (81,70 %)
2.584 Krowodn (8,63 %)
1.491 Jugoslawn (4,98 %)
506 Bosniakn (1,69 %)
und 891 (3,00 %) ondane woarn.

Heit wohna fost ausschliaßli Serbn in da Opština Laktaši (95,7 %).^[1]

Spoat

Da Fuaßboiklub FK Laktaši hod bis zua Saison 2009/2010 in da Premijer Liga, da hächstn Spuiklass vom Lond, gspuit.

Vakeah

Autoboh

Ob 2004 is on da Autoboh vo Banja Luka in Richtung Gradiška und Krowozien baut worn.^[2] Da easchte Obschnitt vo Banja Luka bis zum Laktaša Ortstei Mahovljani, in dem se da Flugplotz Banja Luka befindt, hod urspringli im Septemba 2006 featiggstejt wern soin, da Restobschnitt bis Ende 2008. De Earichtung vo da uma 45 Kilometa longa Autoboh hod rund 71 Milliona KM kostn soin (rund 36 Milliona €). Da Baufuatschritt hod se owa imma wieda vazegat, unta ondam duach'n Bau vom Tunnl im Ortstei Klašnice sowia vom umstrittna Tunnl im Zentrum vo Laktaši. Seit da Featigstejung vom Teiobschnitt, dea Laktaši umgeht, wern de Deafa entlong vo da Streckn Gradiška–Banja Luka sowia de Stod Laktaši sejbst vom Duachgongsvakeah entlosdt. A weitane Entlostung soi mid da Eaeffnung vom neien Autobohgrenziwagong noch Krowozien eafoing.

Persenlichkeitn

Milorad Dodik, President vo da Republika Srpska; geboan 1959 in Laktaši

Im Netz

Commons: Laktaši – Sammlung vo Buidl, Videos und Audiodateien

Beleg

↑ Agencija za statistiku Bosne i Hercegovine: Popis stanovništva, domaćinstava i stanova u Bosni i Hercegovini, 2013. Rezultati popisa. (pdf, 19,7 MB) Sarajevo, Juni 2016; S. 61
↑ Putevi RS: Autoput Gradiška - Banja Luka

[1] Agencija za statistiku Bosne i Hercegovine: Popis stanovništva, domaćinstava i stanova u Bosni i Hercegovini, 2013. Rezultati popisa. (pdf, 19,7 MB) Sarajevo, Juni 2016; S. 61

[2] Putevi RS: Autoput Gradiška - Banja Luka

[1]

[2]