Leopold-Wandl-Preis

Da Leopold-Wandl-Preis is a östareichischa Literatuapreis, dea wos vo an Komitee zua Pflege vo da Mundoatdichtung vagem wuan is, des vo da Stod Grein eigricht wuan is. Den Preis hots vun 1989 bis 2012 gem und ea is fia Gedichte und Prosa vagem wuan. Zü is de Belebung vo da Voikskuitua und de Feadarung vo da Mundoatdichtung. De Valeihung hot traditinö im historischn Stodheata Grein stottgfundn.

Gwinna vom Leopold-Wandl-Preis

De foigendn Autorn hom in 1. Preis gwunna:

• 1989 Hans Ratzesberger (Linz)
• 1990 Christine Tippelreiter (Scheibbs)
• 1991 Anna Six (Braunau)
• 1992 Wilhelmine Öhreneder (Schleißheim)
• 1993 Gregor Riegler (Mauthausen)
• 1994 Hans Dieter Mairinger (Sankt Georgen an der Gusen)
• 1995 Hedwig Grininger (Rohrbach)
• 1996 Romana Weixlbaumer (Linz)
• 1997 Elfriede Grömer (Sankt Pantaleon)
• 1998 Gabi Bauer (Pasching)
• 2000 Günther Lainer (Linz)
• 2002 Hermann Hinterhölzl (Rohrbach)
• 2004 Edeltraud Wiesmayr (Vöcklabruck)
• 2006 Gregor Riegler (Mauthausen)
• 2008 Christine Kaltenböck (Sierning)
• 2010 Silvia Rhom (Sankt Johann am Wimberg)

Gedicht-Beispui

16. Leopold-Wandl-Preis, vom 25. Septemba 2010

1. Preis:

Silvia Rhom, St. Johann am Wimberg
Im Foigendn de easchtn Strophn vom Siega-Gedicht:

D’LEBENSFREID

Bloßfuaßi iwa d’Wies geh,
en da Fruah
ban Greidlsuacha
firn Tee.

Gschpirn,
wia de dungön Schuitan
weit wern und da Puis
zan ziadan aufaungt.

S’Lem eisaung
wiara Regnbogn,
der doschded mit
ausbroate Orm.

Austro-Boarische Schreibweis 2010

Vo de Dialekt-Autorn (aus Österreich und Bayern), de wos 2010 de easchtn 10 Plätz belegt ham, wiad a afoche, vaständliche Schreibweis bevorzugt. Nua ana vo de 10 Preisträga, da Ochtplatziate, vawendd a anzigs zuasätzlichs Sondazeichen.

Literatua

• Herbert Scheiböck: Schätze der Volkskultur. In: Oberösterreichische Nachrichten vom 29. August 2008. (Online, PDF-Datei)

Im Netz

• stelzhamerbund.at Gedichte