Loch Ness
| Loch Ness | ||
|---|---|---|
| ||
| Loch Ness vom östlichen Ende aus gesehen | ||
| Geografische Log | Great Glen, Highland, Schottland | |
| Zuaflüss | River Oich, Foyers, Moriston, Enrick, River Farigaig | |
| Åflüss | River Ness → Moray Firth → Nordsee | |
| Gressane Ortschaftn am Uafa | Fort Augustus, Drumnadrochit | |
| Ortschaftn am Uafa | Inverness | |
| Datn | ||
| Koordinaten | 57° 18′ 36″ N, 4° 26′ 24″ W | |
| ||
| Hechn üwan Meeresspiagü | 16 m | |
| Flächn | 56,4 km² | |
| Seebreadn | 1,5 km | |
| Volumen | 7,4 km³ | |
| gresste Diafn | 230 m | |
| durchschnittliche Diafn | 132 m | |
|
Bsundaheitn |
- Wosserreichsta See vo olla britischn Insln | |
Loch Ness [ˌlɒx ˈnɛs] (schottisch-gälisch: Loch Nis [ˈlɔx ˈnɪʃ]) is a Siaßwossasee im schottischn Hochlaund. Es liegt in da Council Area „Highland“ vielleicht zehn Kilometer sidwestlich vo Inverness im Great Glen. Gmessn aun da Owaflechn vo 56,4 km² is Loch Ness nachn Loch Lomond da zweitgreßte See vo Schottlaund. Wegn seina Tiafn hoda um Häusa des greßte Wossavoluman vo olle schottischn Seen.
Bschreibung
[Werkeln | Am Gwëntext werkeln]
Loch Ness hod de tippische laung auszaahte Fuam vo an See, der wos in da Eiszeit durch Gletscher entstaundn is. Des haaßt, ea is zirka 37 km lang, owa im Duachschnidd 1,5 km braat.
Am End vo da Eiszeit, vua ziaka 12.000 Joa woa da See woahscheinlich no a Meearesbucht. Wia owa des Gletschaeis vaschwundn is, isses Laund leicht wuan, hod si ghom, und da Zuagaung zum Meea woa oogschniddn.
De greßte Tiafn vom See is 230 m.[1] A poa Messungan haum sogoa a Tiafn vo 247 m und aa 325 m aufzaagt, owa da nehmans au, doss des aafoch Sterungan von de Sonarmessgeräte woan.[2].
Noch Loch Morar mid 310 Meta Tiafn is Loch Ness jenfois da zweittiafste See vo de britischn Inseln, hod owa mid seine 132 m de greßte duachschniddliche Tiafn.
Aundas ois bei de aundan schottischn Lochs is da greßte Täu vom See richtig tiaf. Rö-ö hod knopp de Hööftn (47,7 %) von da Seeflechn a Tiafn vo meah wia 152 m. Grodamoi auf 13,6 % is des Wossa ned tiafa ois wia 30 m, beim Loch Lomond san des 68 % und beim Loch Morar sogoa 42 %.
Duach de Ologarungan, de wos da Fluß Foyers eineschwabbt, täut si Loch Ness ungefeah in da Middn in zwaa tiafe Beckn. Jez Joah woxn de Ologarungan am Grund um aan Müllimeta au.
Seah tippisch san no de stäu ofollatn Wänd vom See. Es gibt a poa Stöön, da is des Wossa fuffzehn Meta vom Ufa weg scho dreiafuffzg Meta tiaf, des Ufa foit oisa in an Wingl vo 75° oo.
Seit 1822 is Loch Ness innan Kaledonischen Kanäu (eng.Caledonian Canal) integriat. Des is a Vabindungseweg zwischn dem Atlantik und da Noadsee ois Oschneida, wäu ma sunstn jo um gaunz Schottlaund umadum foahn miassat, wo aa des Weda ned so bsundas is. Fian Bau vo dem Kanäu haums den Wossastaund um drei Meta ghom, wegn dem is natialich aa da See greßa wuan.
Es gibt im See nuara aanzige natialiche Insl, und de is im Delta vom Fluß Foyers. Im Sidwestn vom See gibz no Cherry Island, des is aa 4000 Joa oida kinstliche Insl aus da Bronzezeit. Sowos haaßt duatn Crannóg. Von dera Insl is owa heit wengan hechan Wossastaund nua mea aa klaans Stickl zum segn. A aundas Crannóg, wos Dog Island ghaaßn hod, is deswegn komplett unta Wossa.
Beleg
[Werkeln | Am Gwëntext werkeln]- ↑ J. Murray, L. Pullar: Bathymetrical survey of the fresh-water lochs of Scotland. Part XIII - Lochs of the Ness Basin (Seite nicht mehr abrufbar; Suche in Webarchiven) (PDF; 954 kB), Geographical Journal, 30 : 62-71 (1907)
- ↑ lochnessinvestigation.com: FAQ: Have you ever investigated the depression known as "Edward's Deep"?" (Memento des Originals [1] vom 24. Aprü 2015 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis., abgerufen am 27. Mai 2010
