Muich

Der Artikl is im Dialekt Sidostobaboarisch gschriem worn.

Milli (in andre Gengdn sogd ma aa: Mülli, Müch oda a oafach nua: Mil, dt.: Milch) nennd ma des weiße Zeig, wos aus'm Eita vo de Kia aussakimmd. Milli wead gmoikn, heitzdog nimma vo da Hond, sondan mid da Meichmaschiin.

Milliwirtschoft

D Milliwiatschoft is a wichtiga Stondfuaß vo de Bauan im boarischn Raum. In de Beag hod's mid da Oimwiatschoft a zentroie Bedeitung fia d'Landschoft.

Milliprodukte

De meistn Leit tringan d'Milli zan Kafää oda in da Fruah in'd Koanfleiks. Ma ko owa aa an Haffa ondre Sachan aus Milli mocha:

An Budan
A Budamilli
A Gschdeglde
An Jokuat
An Kaas
An Kefir
A Juchdn (Molke)
An Rahm
An Tschottn

De Milliprodukte wean gressdnteis in da Moikarei oda da Kaasarei heagstejd. Monche Bauan dean owa aa sejba Buddan oda Kaasn.

Friahra und heitzdog

Friahra is ma no oft jedn Dog mid da Millebitschn zan Baua gonga und hod duat a frisch gmoichane Muich griagd. In da Eiropäischn Union is des owa seit 1984 weng da Gsetzgebung nimma so oafoch, wei de Bauan bloß no a gloans bissl Muich sejba vakaffa deafn. Insgsomt is de Gschicht mid da Muichwiatschoft scho recht vazwickd, ma brauchd ois Muichbaua zan Beispui aa a Muichkontingent.