Musen

De Musn danzn midn Apollon

De Musn (Oazoi: Musä; (griachisch Μοῦσαι, Oazoi: Μοῦσα, Mousa; dt.: Musen) san in da griachischn und remischn Mythologie de Schutzgeddinna vo Wissnschoft und Kunst. De Ibaliefarung vo de uns heit bekanntn nein olympischn Musn kimmt vom Hesiod.

Im heitign Boarisch, ko si "Musn" scheazhoft aa af a Peason beziagn, de wo an inspiriad.

De Musn

Es gibt vaschiedane Ibaliefarunga vo Musn. Ba Homer in da Ilias und da Odyssee san de Musn beispuisweis Geddinna ohne Nama.

De nein olympischn Musn

Da Hesiod (6. Jh. v. Kr.) hod in seina Theogonie de Zoi vo d Musn af neine festglegt. Noch eams sans de Dechda vo da Mnemosyne, da Geddin vo da Dainnarung, und vom Zeus, en Geddavodan. Desweng weans Mnemoniden oda olympische Musn gnennt.

De genaue Zuaoadnung za an Emblem und ana Domäin is oba eascht vui spada bassiad.

Buidl	Boarisch	Griachisch	Woatsinn	Emblem	Domäin
	Kalliope	Καλλιόπη	« de mid da scheenan Stimm »	Schreibtofe, Schreibgriff	Epische Dichtung, Rhetorik, Philosophie, Wissnschoft
	Euterpe	Εὐτέρπη	« de wo an Freid mocht »	Aulos, a Doppefletn	Lyrik und Fletnspui
	Melpomene	Μελπομένη	« de wo melodisch is »	eanste Theatamaskn, Weinlaabkranz	Tragedie
	Thalia	Θάλεια, Θαλία	« de wo bliaht »	lustige Theatamaskn, Efeikranz, Krummstob	Komedie
	Erato	Ἐρατώ	« de wo liab is »	Soatninschtrument, Kithara	Erotische Dichdung
	Polyhymnia, Polymnia	Πολυύμνια, Πολύμνια	« de wo an Haffa Hymnen singt »	Schleia	Gsang, Hymne
	Terpsichore	Τερψιχόρη	« de wo danzt »	Leia	Korlyrik
	Klio	Клио	« de wo berihmt mocht »	Papiaroin, Schreibgriffe	Gschichtsschreibung
	Urania	Οὐρανία	« de wo himmlisch is »	Himmeskugl, Zoagstob	Astronomie

Galerie

• 
  Terpsichore
• 
  Erato
• 
  Clio
• 
  Thalia
• 
  Polyhymnia
• 
  Kalliope
• 
  Apollo und de Musn
• 
  Euterpe
• 
  Parnassus
• 
  Urania und Melpomene

Nochwiakung

De Heiligtima vo de Musn hoassn Museion, do draus is as boarische Woat Musäum entstandn. So wia ra as Woat Musi, vo de Geddina obgloadt is; es moant oafoch "de Kunst vo de Musn".

A Mensch, dea wo an bsundas inspiriad, ko aa Musä gnennt wean. Uaspringle ois Peasonifiziarung vo ana Geddin gmoant bzw. ois ia Weakzeig.

Schau aa

• De zehnte Musä
• De leichte Musä