New York (Bundesstoot)

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
New York
Flag of New York.svg Seal of New York.svg
Koatn vo da USA, New York aussaghom
Bundesstoot vo da USA
Hauptstod: Albany
Fläche: 141.299[1] km²
Einwohna: 24.856.210 (2008) (137 E./km²)
Mitglied seit: 26. Juli 1788
Zeitzone: Eastern: UTC-5/-4
Häxta Punkt: 1.628 m (Mount Marcy)
Durchsch. Häh: 305 m
Tiafsta Punkt: 0 m Atlantischa Ozean
Gouverneur: David Paterson[2]
Post / Amt / ISO NY / / US-NY
[[Datei:|268px|center|]]

New York [nuː jɔːɹk] is a Bundesstoot in de Vaeinigtn Staatn. Zamm mit New Jersey und Pennsylvania wird New York zu dena Middlatlantikstootn grechnet.

New York hod a Flächn vo 141.299 Quadratkilometa und is mit 19,3 Muilliona Einwohna (Stand: 2006) noch Kalifornien und Texas beväikarungsmäßig da drittgrässte Bundesstaat vo de USA.

New York hod an offizielln Beinam Empire State (Reichs-Staat). Des kimmt ogeblich vo George Washington, 1. US-Präsident, der vo da wirtschoftlichn Macht und vum Reichdum vum Bundesstaat New York schwaa beeindruckt wor.

De Haptstod vo New York is Albany; de grässte Stod is New York City. S'Gebiet außahoib vum Stodgebiet vo New York City wird Upstate New York gnennt. De grässtn Städt z Upstate New York san Buffalo, Rochester, Syracuse, Albany, Schenectady und Utica.

Eadkunde[VE | Weakln]

Gresste Städd[VE | Weakln]

  • Stod New York (8.008.367 Einwohna)
  • Buffalo (282.865 Einwohna)
  • Rochester (212.481 Einwohna)
  • Yonkers (197.126 Einwohna)
  • Syracuse (143.101 Einwohna)
  • Albany (94.226 Einwohna)
  • New Rochelle (72.985 Einwohna)
  • Mount Vernon (68.321 Einwohna)
  • Schenectady (61.125 Einwohna)
  • Utica (59.684 Einwohna)

Gschicht[VE | Weakln]

Im 17. Joahundat hom Niedalända in da Region Handlspostn fia Pejz vo de Irokesn, Delawarn (Lenape) und andare Indianastämm oglegt. Da erschte Postn wor Fort Nassau (1614, in da Nächn vo Albany). Weidane Handlsplätz worn Fort Amsterdam (1625, heit: New York City), Beverwijck (1647, heit: Albany) und Esopus (1653, heit Kingston).

1621 is de niedaländische Kolonie Nieuw Nederland grindt worn. 1664 is d Kolonie durch Annexion in Bsitz vo da englischn Krone kemma und in New Jersey und New York toalt worn. Da Nam New York kimmt vum Herzog vo York (späda Kini Jakob II.), dea wos de Kolonie vo seim Bruada, Kini Karl II., gschenkt kriagt hod.

1788 hod New York ois 11. Staat an Vatrog fia de amerikanische Union ratifiziat und wor damit oana vo de 13 Kolonien, de wos de USA grindt hom. D erschte Hauptstod vo da USA is 1789 New York City worn.

Sport[VE | Weakln]

New York hod vui guade Sportvareine. D Buffalo Bills spuin in da National Football League und d New York Knicks in da National Basketball Association. Drei Eishockey-Club san in da National Hockey League: D Buffalo Sabres, d New York Islanders und d New York Rangers. Zwoa Baseballvareine spuin in da Major League: D New York Mets und d New York Yankees.

Z Lake Placid hom 1932 und 1980 Olympische Wintaspui stottgfundn. Lake Placid is damit oana vo nur drei Ortn, de wos de Wintaspui zwoamoi austrogn hom, sowia aa Inschbruck und St. Moritz.

Beleg[VE | Weakln]

  1. http://www.census.gov/population/www/censusdata/density.html
  2. spiegel.de: Blinder wird neuer Gouverneur New Yorks

Im Netz[VE | Weakln]

 Commons: New York – Sammlung vo Buidl, Videos und Audiodateien