Obaitalien

Aus Wikipedia

Koordinaten: 45° 30′ N, 10° 30′ O

Reliefkarte: Italien
marker
Obaitalien
Italien
Obaitalien

Obaitalien oda Noaditalien (dt.: Oberitalien oda Norditalien, (italienisch: Nord Italia, Alta Italia oda Italia settentrionale, Settentrione) is a neadliche Tei vo Italien, on den sidli Middlitalien oschliaßd.

Geografie[Werkeln | Am Gwëntext werkeln]

Geografisch eastreckd se Noaditalien vo da Gstod vo da Adria im Ostn iwa de Ebenen vom Po, im Noadn und Westn de Oipn naff meisd bis on an Oipnhaptkomm und im Sidn in an Apennin. Im Westn grenzd Frankreich, im Noadn de Schweiz und Östareich, im Ostn Slowenien, und im Sidostn San Marino on Noaditalien.

Obaitalien umfosst drei Landschoftsraime:

Afn Oipnraum, zu dem aa da Mont Blanc on da franzesischn Grenz ghead, ko se da Ausdruck Obaitalien aa beziang, jedoch nehma de Tiaflända ois greßde Tiafebene vo Italien und Sideiropa de hoibe Fläch vo Noaditalien eih. Wia beim Ausdruck „Obare“ Adria is do owa primea „Noadn“ gmoand.

Amtliche Statistikn untatein Noaditalien in de zwoa Makroregiona Noadwestitalien und Noadostitalien.

Gschicht und Wiatschoft[Werkeln | Am Gwëntext werkeln]

In da Antike hods in Noaditalien ondas ois in Siditalien kaum griachische Kolonisazion gem. Fias Remische Reich woa Noaditalien znächsd Gallia cisalpina. Seitm Middlloita wead Noaditalien vo bemerknsweatn Handlsstädt prägd, de se ausgehnd vom Veronesa Bund im Lombardenbund geng Kaisa Barbarossa zammgschlossn hom. In jena Epoche san in Noaditalien oanige Grundlong vo da Betriebswiatschoftsleah und vom Bankwesen, wia de doppede Buachfiahrung easchoffn worn.

De Groußregion guid ois s Heaz vo da italienischn Wiatschoft. Ums Joar 2010 hods olladings beim Bruttoinlandsprodukt pro Kopf koan Grenzvalaff zwischn Noaditalien und Middlitalien gem, sondan zwischn Regiona in Noaditalien greßare Untaschiede ois in Middlitalien und Siditalien.[1]

Schau aa[Werkeln | Am Gwëntext werkeln]

Beleg[Werkeln | Am Gwëntext werkeln]

  1. Ralph Bollmann: Wie eine Währungsunion Italiens Süden verarmen ließ. Frankfurter Allgemeine Zeitung. 22. Septemba 2012. Abgerufen am 14. Septemba 2014.