Ortlergruppe
| Der Artikl is im Dialekt Siidtiroularisch gschriem worn. |
Die Ortlergruppe oda Ortler-Alpen (oftramål Ortlergruppm odr Ortler-Ålpm, italienisch: Gruppo Ortles-Cevedale) isch a Gebirgszug in die Ost-Ålpm. Heachschter Punkt und nômensgebend isch der Ortler (3.905 m), gleichzeitig aa heachster Punkt vo Tiroul und 'n boarischspråchign Raum. Die Gruppe kheart groaßteils zu Siidtiroul und Trentino (Welschtiroul), stuckweis aa zèr Lombardei und zu Graubünden. Es isch dor heachste Gebirgszug in die Ost-Ålpm nôch dor Bernina-Gruppe in dor Schweiz.
Untertoalung
[Werkeln | Am Gwëntext werkeln]
]
- Umbrailgruppe
- Ligg haupsächlich af Schweizer Seit, im Minschtertoul, heachster Gipfl isch dor Piz Umbrail (3.033 m)
- Fallaschkåmm (oder aa Tschavalatschkåmm)
- Ligg zwischen Stilfser Joch und Taufers im Minschtertoul, entlång dor Grenz zwischen Siidtiroul und Graubünden; heachschter Gipfl isch die Reatlspitz, (roh. Piz Cotschen, deu. Rötelspitze), 3.026 m hoach, schun mittelt in dor Schweiz.
- Haupkåmm (oder aa Krischtallkåmm)
- Der Haupkamm verlâft von Stilfser Joch nôch Oschtn bis Ultn, a Toul sidöschtlich vo Meran. Die heachschten Gipfl zem sein aa gleichzeitig die heachsten vo dor gånzen Gruppe:
- Ortler (3.905 m)
- Kîni (deu. Königsspitze, 3.851 m)
- Monte Cevedale (3.769 m)
- Monte Zebrú (3.735 m)
- Palòn de la Mare (3.703 m)
- Dor Haupkamm verlâft die gånze Sidseit von Vinschgau entlång.
Gschichtliches
[Werkeln | Am Gwëntext werkeln]Die Stilfser-Joch-Strouß, dej schun 1826 gebaut g'wort'n isch, isch die zwoatheachschte Strouß und gleichzeitig heachschte Påss-Strouß (2.757 m) in Eiropa.
Dor earschte Dreitausender, af den jemals a Kriag g'fiahrt g'wort'n isch, wår 1915 dor Monte Scorluzzo (3.094 m) in dor Nähe ven Stilfser Joch.
Die Earschtbesteigung ven Ortler wår im Jåhr 1804. Die meischten Earschtbesteigungen in der Ortlergruppm ståmmen von Weaner Geograf Julius Payer, zsåmmen mit 'n Suldner Bergfierer Johann Pinggera in die 1870er.