Redestabal

Aus Wikipedia
Zur Navigation springen Zur Suche springen
indianisches Redestabal

S Redestabal (engl.: Talking-Stick) is a symbolischa Gengstond, dea wo joahhundatelong im indianischn Gmoarot vawendt woan is, um de Gspächskuitua z feadan. Weas Redestabal ghoidn hod, hods Recht ghobt zum Redn, oi ondan hom aufmeaksom zuahean miass.

Bei wichtign Berotungsrundn hod da Haiptling s Redestabal gnumma und hod z redn ogfongt. Wia ra fiati woa, hod a s Redestabal noch voan ghoidn und wea wos song hod woin, hod si s Redestabal gnumma. So is weida ganga, bis jeda dro woa, dea wo wos z song ghobt hod.

Beschreiwung[VE | Weakln]

S Redestabl hod de Bedeitung vo am Kuitgengstond ghobt und is entsprechend reschpektiat woan. Es is in da Regl aus kostboan Wuazlhoiz gmocht woan und is symobolisch gschmickt gwen. A Odlafeda hod am Redna Muat, Weisheit und Woaheit valiehn. A Stickl Hosnfej am End hod Heazlichkeit und Weame gem. A blaua Stoa hod en Redna an an Grossn Geist eainnat. A Muschl hod en ewign Wexl in da Wejd symbolisiat. A Bischl Biffehoa am Redestabal hom Mocht und Kroft valiehn. Schmuckstoana in via vaschiedanen Foam hom de Vabindung mitn Kosmos symolisiat: gejb fian Sunaufgong (Ostn), rod fian Sununtagong (Westn), weiß fian Schnee (Noadn) und grea fia de Eadn (Sidn).[1]

Bei mongn Stämm hod de Friednspfeifn, s Pfeifntomahawk, a Feda oda a Muschl de Funktion vom Redestabal iwanehma kena.

Da Hiata vom Redestabal woa moast da Medizinmo.

Moderationstechnik heit[VE | Weakln]

De Methode dass nua dea redn deaf, dea wo an bestimmtn Gengstond (z.B. an Boi) in da Hond hoid, wead heit a in da Moderationstechnik eigsetzt.

Beleg[VE | Weakln]

  1. Carol Locust: The Talking Stick

Literatua[VE | Weakln]

  • Manitonquat: Der Weg des Kreises, Biber-Verlag, 2000
  • Virginia Coyle, Marlow Hotchkiss: The Way of Council, Bramble Books: Las Vegas, 1996

Im Netz[VE | Weakln]