Schmoiznudl

Aus Wikipedia
Wexln zua: Navigation, Suach
Auszogne mit Zugga

A Schmoiznudl, aa Auszogne, Fensda-Kiache, Nockade, Kiachl, Bauankrapfa, gnennt, is a Gebäck aus am Geamdoag, des wo in hoassm Fett aussabocha wead (schaug Schmoizbeckarei).

A Schmoiznudl is im Prinzip wiara siaßa Geamdoag fian Krapfa, blos wead dea Doag iwam siadadn Fett iwan Handruckn zua na flachn, dellafeamign Scheim zong, wobei da ejssane Rand wesntlich dicka bleim soit wia des innare. Nochm Bocha, eigentle eha "frittian", soit dea Doag ringsrum schee hejbraun und locka aufganga sei und in da Middn a ganz an dinne Scheim vo an reschn Doag sei, de wo aa vo da Foarb hea vui hella is wia da Ring aussnrum.

Schmoiznudln hoaßns, weis friacha imma in Schmoiz aussabocha worn san.

Zum Gschmoch und Neaweat[VE | Weakln]

Je feina des Fett im Gschmoch is, desto bessa schmeckt so a Schmoiznudl. Wichtig an am Fett zum Aussabocha von Gebäck is zum andan a no, wia hoass dass wead, ohne vabrennt zum schmecka. Deszweng wean Schmoiznudln heidzdog vo de Beck fost nia ned mid am echtn Schmoiz bacha, sondan mit am neitrai schmeckadn Ej oda ana Pflanznfettn.

De Schmoiznudl is duach ian moast recht hochn Fettghoit und weis fost imma mit Zugga ogricht wead, a recht noahrhofte Speis. Se is in Bayern a recht beliabte Zwischnmoizeit im Biagoartn oda fia untawegs.

Extras[VE | Weakln]

In Noadbayern gits "katholische" und "evangelische" Kejchla, de wous bacha hom. De katholischn Kejchla han rund, assn homs an dickn Rond, inna hans gonz dinn, de evangelischn han vejereckad, gwejbt und inwende hoi.