Segam & Andi B.

Aus Wikipedia
Zur Navigation springen Zur Suche springen
Der Artikl is im Dialekt Stiftländer Oberpfälzisch gschriem worn.

Segam & Andi B. is a Noad-Obapfäiza HipHop-Duo, des des wo auf Boarisch schreibt und reimt.

Weadegang[Weakln | Am Quelltext weakln]

„Oberpfalz des san mir!“ Des is haargenau des, um wos in die Liadla vom stiftländer Rap-Duo Segam & Andi B. gejht. Wer ejtzat an des HipHop-Zeich denkt, wej’s momentan vo iberall her blährt, daischt se gscheid. Denn dej zwej Nordbayern rappen gschmeidig in Oberpfälzer Mundart und bejn mit ihra Musikapelln da „Grejmfettgäng“ 100-prozente selbergmachte Musi. Mit ghere Wortwitz bringa’s die Eigenheitn vo da allerschejnsten Sprouch af dera Welt in ihra vullsten Pracht und Blejh zur Geltung und des gwieß niard ner für gstandne Oberpfälzer. Segam & Andi B. san desweng a Schmankerl für alle Freind vo an zinftigen bayerischen Dialekt und a gouden Rap-Musi gleichermaßen. Wal ihre Texte a ner in Mundart ghaltn san, daugt ihre Musi Jung und Old.

2009 homs fir ihra Muse an Kulturpreis vom Bezirk Oberpfalz in da Kategorie "Popularmusik" krejgt, der mit 3.500 Euro asgschriem woar. „Als Botschafter ihrer Sprache begeistern sie mit Songs über Oberpfälzer Eigenheiten und Alltäglichkeiten“, hout die Jury gmoint.

Hinter Segam & Andi B. stenga da Mages Mario und da Bauer Andi. Ihre Musi serng die zwoa Rapper als Spagat zwischen bayrischer Tradition und a gouden Rapmusi, fir dej sa se ja eigentlich ghert, dass a sur gmacht is, wej ma a wirklich red. Bei da „Grejmfettgäng“ san dabei, d'Jahreis Saskia (Schepperkisten), da Schwan Robert (Bassgeing), da Rüth Michael (Elektroklampfen), da Geiger Wolfgang (grouße Blechhupen) und da Geiger Benedikt (kloine Blechhupen). Live hoizen’s da af jedam Festl richtig ei - des glabst.

Wal die Musiker a as unterschiedliche Gruppen und Musirichtungen kumma, gehm’s jedam Liedl sei bsondars Gschmackl. 2008 hom Segam & Andi B. – nu ohne Kapelln - ihr easchts Album „Yo, wir san dou!“ assa broucht. Im Herbst 2010 is dann as zwoate „Bei uns daham“ assa kumma, wou die Grejmfettgäng desmal sauber mit dabei is.

Mitglieda[Weakln | Am Quelltext weakln]

Auszoachnung[Weakln | Am Quelltext weakln]

  • 2009: Kulturpreis des Bezirks Oberpfalz

Vaeffentlichunga[Weakln | Am Quelltext weakln]

Im Netz[Weakln | Am Quelltext weakln]