Tanganjika Binkekobf
| Der Artikl is im Dialekt Flochgaurisch gschriem worn. |
| Tanganjika Binkekobf | ||||||||||||
|---|---|---|---|---|---|---|---|---|---|---|---|---|
Cyphotilapia frontosa | ||||||||||||
| Systematik | ||||||||||||
| ||||||||||||
| Wissnschoftlicha Nama | ||||||||||||
| Cyphotilapia frontosa | ||||||||||||
| Boulenger, 1906 |
Da Tanganjika Binke- oder Dywekobf (Deitsch: Tanganjika Beulenkopf, wiss. N.: Cyphotilapia frontosa) is a grosser Buntbarsch, der endemisch im Tanganjikasee iwam Fejsgrund leeb'. De bis za 35 Zantimeeter launger Schrotzen bevurzung a Tiaff zwischer zwoanzk und fuchzk Meta. Da Binke am Scheedel soid ban Manderl sterker ausprägg seih wia ban Weiwerl. D' Aussog is ower a' oahschlägige Forn eher umstritten. D' Weiwerl haum derertweng a kyrzerne Bauchflossen. A' da seinig Hoamad is da Cyphotilapia frontosa a Speisefiesch.
A' da Aquaristik
[Werkeln | Am Gwëntext werkeln]OiGmoa
[Werkeln | Am Gwëntext werkeln]De C. frontosa hand ruige Schwimmer. Im Aquarium soid a Gruppm vo oam Manderl mid mererne Weiwerl pfleegg wern, wei dodurch unnedige Aggressioner im Aquarium vamien wern. As Aquarium soidad ned z' stork beleichtt sah, wei d' Fiesch an natyrlichen Leemsraum ehernter a' gresserne Tiaffm virkemmernd. Im Taunk reichen Stoahafbauten (Fejsaquarium) as Lochstoaner bzw. soin a' de Stoahafbauten gnua Hejner virkemmer bzw. gnua Fluchtweeg za da Vafiagung steh, damid kleanerne bzw. schwächerne oder junge Fiesch vur d' aundern greessern bzw. aggressiavern Schrotzen flychten kennernd. De Schrotzner braucher an dunklern Bongrund, entsprechend noch eanerm natyrlichen Vabreitungsgebiat. Pflaunzner hand an Aquarium ned nedig und deanern netta glei za Dekorazion. Anubias (Zwergspeerblaal), Valisneria bzw. Pflaunzner de recht dicke Blaal haum, biaten se do auh.
IwasichtsDatn
[Werkeln | Am Gwëntext werkeln]- Aquarium: 800 l: Tempratur: 24 - 27 °C, ø25 °C, pH-Wert: 7.5 - 8.3, ø8.0, Loatfähigkeid: 560 µS/cm, Gsaumthärten: 12 °DH
- Haundelsnaum: Frontosa, Tanganjika-Beulenkopf
- Fundortt: a' da nerdlichen Seehejften vabroatt
- Habitat: Fejs
- Gress: 30 cm
- Norung: Kreebs, Fiesch
- Furtpflaunzung: maternoier Majbriater
Vagsejschoftung
[Werkeln | Am Gwëntext werkeln]Aunderne Hejnbriater as da Gottung Altolamprologus und Neolamprologus kennernd guad an Aquarium mid eaner vagsejschoft wern. Ba aner guaden Pfleeg kennernd de Fiesch merer ois wia 25 zantimeeter gross wern. Da Gottung Cyphotilapia is noh a weiderne Oart auhgherig (C. gibberosa Takahashi & Nakaya, 2003).
Ad moasten Aquarien hand d' Fiesch Gmoasaum mid d' Malawi-Buntbarsch wia z. Bsp. d' Mbuna z' finden. A Vagsejschoftung vo de is zwor meglich, waunn unter d' Malawi-Buntschrotzner eher friadlicherne Oarten an Aquarium virkemmernd, ower ned rootsaum, wei d' Fiesch an natyrlichen Leemsraum ned midnaunder in Konktakt kemmernd bzw. an Vahoiten „Kommunikazionsschwierigkeiden“ aftreeden kennernd.
Fuadermittel
[Werkeln | Am Gwëntext werkeln]D' Schrotzner fressen sowoi leewendigs- ois wiaraa Trockenfuadermittel. An Fochhaundel gibs seid oaniger Zeid a speziejs Schrotzenfuadermittel wia Cichlidenstangerl, Cichlidenflockenfuader, Tabletten ect. Leewendfuadermittel hand z. Bsp. Artemia, Bochflossenkreebs und Garnejn.
Furtpflaunzung
[Werkeln | Am Gwëntext werkeln]D' Binkekebf han Majbriater. s Weiwerl nimmb d' eppa 50 Oa as Maj (Muaderfamij) und bwocht aa d' junger Fiesch bis za sex Wochern noch'm Schlupfer.
Bijdelgallarie
[Werkeln | Am Gwëntext werkeln]_by_Ark.JPG)
-1.JPG)
Im Netz
[Werkeln | Am Gwëntext werkeln]
Commons: Cyphotilapia frontosa – Sammlung vo Buidl, Videos und Audiodateien- Cyphotilapia frontosa in da Rotn Listn vo de gfäadatn Oatn vo da International Union for Conservation of Nature and Natural Resources (IUCN) 2006. Eingestellt von: Bigirimana, 2005. Ogruafen am 12. Mai 2006