Verband deutscher Schriftstellerinnen und Schriftsteller

Logo

Da Verband deutscher Schriftstellerinnen und Schriftsteller is de Intressnvatretung vo professionejn Autorn in Deitschland und Tei vo da Dienstleistungsgweakschoft ver.di (friaha: IG Druck und Papier). Da VS mid Siez in Berlin is om 8. Juli 1969 mid Untastitzung vom Günter Grass, Heinrich Böll und Martin Walser ois Zammschluss vo da Bundesvaeinigung vo de deitschn Schriftstellavabänd, am Vaband deitscha Iwasetza und'm Vaband deitscha Kritika grindd worn. Mid 4000 Midglieda is'a da gressde Bundesvaband fia Autorinna/Autorn und Iwasetzarinna/Iwasetza in Deitschland. Ea untateid se in vaschiedane Spartn wia Iwasetza, Journalistn und Schriftstella.

Da VS is in Landesgruppn und Beziaksgruppn untateid. Da midgliadasteakste Landesvaband is Nordrhein-Westfalen, mid iwa 150 Midglieda is Köln de gressde Beziaksgruppn.

Da VS hondld zum Beispui Normvaträg mid am deitschn Buachhandl aus, gibd Empfehlunga zu de Honorare und biadd sei Midglieda zuasätzliche Leistunga wia a kostnlose Rechtsberotung und an Rechtsschutz.

Nem sei gweakschoftlichn Afgom tritt da VS voa oim af Beziaksebene, oda aa bei sei reglmäßing Landesgruppntreffn ois Vaostoita vo literarischa Events af.

Midglieda kenna olle hapt- und nemberuaflichn deitschsprochign Autorinna und Autorn, Iwasetzarinna und Iwasetza sowia olle afm Gebiet vo da Bundesrepublik lemdn fremdsproching Schriftstella wean.

Om 18. Juni 2005 is Imre Török zan Bundesvoasitzndn vom Verband deutscher Schriftstellerinnen und Schriftsteller gwejt worn.