Boarische Voiksmusi
Aus Wikipedia
| Der Artikl is im Dialekt Obaboarisch gschrim worn. |
Ois boarische Voiksmusi oda oipnlendische Voiksmusi vaschdäd ma de Musi, de im Voaoipn- und Oipnland vo Bayern und Östareich gschbuid wead.
Inhoitsvazeichnis |
[dro werkln] Kategorien
- Oima
- Jodln
- Schnadahibbfen
- Schuaplattla
- Poika
- Zwiafacha
[dro werkln] Trachtnkabeina
Oft wead's vo Trachtnkabeina gschbuid, de a original boarische Drachd trongd. Dodazua werd vo Trachtnvereine oft nach strenge Choreografien danzt, beispuisweis Schuaplattla oda Dirndldraahn. Aba áá zum Danzn ohne Choreografie werd aufgspuit, do derfn dann olle midmacha, de se an Zwiafachn oda a oafache Poika zuatraun. De Trachtnkabeina spuin aba áá oft auf (katholische) Prozessiona oda Pfarrfestln.
[dro werkln] Stubnmusi
Nachand gebts áá Gruppn, de se "Stubnmusi" nennan, de tretn áá meistns in Drachd oda Diandl auf und spuin eha auf de leisan Zupfinschtrumente, wahrscheinle wei ma dés in da Stubm sonst ned so lang aushoit. Va sulle Gruppn heat ma a oft, dass an "Boaraschn" spün. Der Nam "Boarischer" hot owa in dem Foll nix mit Bayern zan toa, sundern vümehr mitm Bauan. Des san oiso die Stickln, de traditionell aus die Boarischn Kroas kumman.
[dro werkln] Blosmusi
Gruppn, de fast blos mit Blosinschtrument bsetzt san, nennt ma "Blosmusi". Do unterscheidet man aba a wieda in grouße und kloane Bsetzung. De große besetzung is ned fest glegt nua wenns hoid meahra leid san ois de kloane und de hod zwöfe. De Instrumenta de ma haptsächli dafia braucht san 1. und 2. Flüglhoan, a Trompetn, 1., 2. und dritte Klarinettn, a Tenorhorn und A Bariton, Begleitung: meistns zwoa leid z.B. Posauna, F-Horn oda Bariton mid da 3-4 Stimm, an Bass und natürlich a Schlogzeig (komibnierts oda grouße-, kloane Tromme und Dschinäin). In da Blosmusi unterscheidet ma dann áá no zwischn da Boarisch-Ästreichischn, da Bemischn und da Mährischn. Im Südostcheamgau zum Beispui wead vui Bemisch-Boarische Blosmusi gmacht. Sehr beliabta Komponist is in dem Bereich da Mosch Eanst dea mid seine Ägaländer Musikantn an riesign Eafoig ghabt hod. De Boarischn Trachtn Kabaina san a zu na groussn Gemeinschaft zammaddo (an Musibund Ober- und Niederbayern) dea drifft si oa moi im Johr zum Bezirksmusifest (des letzte war in Siagsdoaf www.mk-vogling-siegsdorf.de). Wos a no erwänensweat is is de Mäahrische Blosmusi de echt sauba klingt und immer meara gschbuid wead. Do san so leid wia Vlado Kumpan und seine Musikantn, Gloria und Mistrinaka ziemlich berühmt.
[dro werkln] Dreigsang, Viergsang, Fünfgsang...
De "a capella" Variantn gebt's áá, dann spricht ma beispuisweis vo am "Dreigsang", wann a Gruppn aus drei Sänga bschteht.
[dro werkln] Jodln
Jodln nennt ma des Singa ohne Werta, grod auf tipische Silbnfoign, de aba nix hoassn. Richtig guade Jodla nemman Technikn her, de beim gwehnlichn Singa ned so üblich san. Gjodlt is freara in de Berg worn, wei ma des gscheid weid hern duad. So ham de Oimara "sms" gschickt bevors übahaupt Telefon gem hod. Áá in andane Lända auf da Wäid, wo's Berg oda schwierigs Gelände hot, gebt's oide Jodl-Traditiona.
[dro werkln] Neie Voiksmusi
Nem da streng traditionelln Voiksmusi existiert seit de 1980er de "Neie Voiksmusi", de se auf zeitgmässe Oart um de Weidaführung vo de oidn Traditiona umschaugt, manchmoi aa indem dass'es mid moderne Elemente mischn. Zu dene Musika ghern z.B. de Biermösl Blosn, de Wellküren, Haindling, da Hubert von Goisern, da Fredl Fesl, da Ringsgwandl, ...
[dro werkln] Voiksmusi ≠ Volkstümliche Musik
Untascheidn muass ma zwischn da do bschriebmna "Voiksmusi" und da rein kommerzielln "volkstümlichn Musi", wia ma's ausm "Musikantnstadl" kennt. Des oa hot mitm anda net vui zum doa. Man merkt des scho an da Schreibweis des oane is Voiksmusi und des andane Voikstümliche.
