Biermösl Blosn

Aus Wikipedia

De Biermösl Blosn is a boarische Musi- und Kabarettgruppn, de 1976 vo de Briada Hans (* 1953), Christoph (gnennt Stopherl, * 1959) und Michael Well (* 1958) gründet worn is. Da Nam Biermösl kimmt vom Beerenmoos, am Teil vom Haspelmoor im Landkroas Feastenfejdbruck, des in an Flughafn und a Graffegruam umgwandelt wern hät soin.

De Gruppm spuit boarische Voiksmusi kombiniert mit Mundarttextn, de politisch-satirisch san. De Mitglieder vo Biermösl Blosn stamman aus a 17-köpfign Lehrafamilie aus'm Dorf Günzlhofen bei Feastenfejdbruck. Aus'm Kroas vo da Well-Familie kemman z. B. aa de Wellküren oda de Well-Buam.

Sie spuin Instrumente wia Dudelsack, Alphorn, Harfe oder Didgeridoo und singan eanane Gstanzln im Dialekt.

Bekannt worn san's 1981, ois sie „versehentlich” zum Starkbieranstich auf'n Nockherberg eigladn worn san und de CSU scharf kritisiert ham. 1981 ham's in Mainz den Förderpreis zum Deutschen Kleinkunstpreis kriagt. In Bayern warn sie seither bei da CSU und am Boarischen Rundfunk weniger gern gseng. 1990 warn's mit am Gerhard Polt am Erfolgsalbum vo de Toten Hosen Auf dem Kreuzzug ins Glück - 125 Jahre Die Toten Hosen dabei. Da 1999 bayernweit bekannte Streit um de Errichtung vo am McDonald's am Irschenberg håt sie zu am Liad vom Irschenberg inspiriert.

In de letztn Jahr håt si des Verhäitnis zum Boarischen Rundfunk a bisserl entspannt, sie wern nimma ganz boykottiert. A Schuibuach mit am Liad vo da Biermösl Blosn is aba no 2001 auf Oweisung vom Kultusministerium glei wieda eingstampft worn.

Inhoitsvazeichnis 1 S'Werk 1.1 Tonträga 1.2 Liadabiachl 1.3 Theata Stickl 2 Auszeichnunga 3 Weblinks

[dro werkln] S'Werk

[dro werkln] Tonträga

• 1980 Ex voto
• 1982 Grüß Gott, mein Bayernland
• 1985 Tschüß Bayernland
• 1987 Freibank Bayern (mit Gerhard Polt)
• 1991 Jodelhorrormonstershow
• 1994 Wo samma (inkl. Da boarische Hiasl mit de Toten Hosen)
• 1998 Welcome to Bavaria
• 2002 Räuber & Gendarm
• 2002 Der unbekannte Valentin (mit Gerhard Polt und Gisela Schneeberger)
• 2003 Unterbayern (live)
• 2004 Sepp Depp Hennadreck (Kinderliader-CD)
• 2007 Klampfn Toni (mit am Hans Söllner)

[dro werkln] Liadabiachl

• Biermösl Blosn: Das Liederbuch. Haffmans Verlag, Zürich 1994, ISBN 3-251-00149-3
• Biermösl Blosn: Grüß Gott, mein Bayernland. Das zweite Liederbuch. Haffmans, Zürich 1994
• Biermösl Blosn: Grüß Gott, mein Bayernland. Econ & List, München 1999, ISBN 3-612-26613-6
• Christoph Well, Hans Well, Reinhard Michl: Sepp, Depp, Hennadreck. Max Hieber Musikverlag, Minga, ISBN 978-3-938223-14-7
• Christoph Well, Michael Well, Hans Well, Reinhard Michl: Zing Zang Zing. Hieber, Minga, ISBN 978-3-938223-27-7
• Christoph Well, Michael Well, Hans Well, Reinhard Michl: Grüaß di Gott Christkindl. Hieber, Minga, ISBN 978-3-938223-21-5
• Hans Well: Rundumadum. Kein & Aber Verlag, Zürich, ISBN 978-3-0369-5509-4

[dro werkln] Theata Stickl

• 1984 München leuchtet Münchner Kammerspiele
• 1988 Diridari Münchner Kammerspiele
• 1993 Tschurangrati Münchner Kammerspiele
• 1996 Bayern Open Münchner Kammerspiele
• 2002 Crème Bavaroise - Obatzt is Bayerisches Staatsschauspiel
• 2005: Abvent. Regisseur: Hanns Christian Müller; Musik und Kabarett, Tour zusammen mit Gerhard Polt und Die Toten Hosen durch vaschiedene Theata und Opernhaisa.
• 2006 Offener Vollzug - ein Staatsschauspiel Bayerisches Staatsschauspiel

[dro werkln] Auszeichnunga

• 1997 Prix Pantheon, Kategorie: Sondapreis "Reif und bekloppt"
• 1999 Bayerischer Kabarettpreis, Kategorie: Musik-Kabarett
• 2005 RUTH - Der deutsche Weltmusikpreis
• 2007 Großer Karl-Valentin-Preis
• 2008 Göttinger Elch

[dro werkln] Weblinks

• Hoamseitn vo Biermösl Blosn