Boarisch Eisnstoa

Aus Wikipedia
Wexln zua: Navigation, Suach
Wappm Koartn
Woppm vo Boarisch Eisnstoa}
Boarisch Eisnstoa
Koartn, Position der Gmoa Boarisch Eisnstoa hervorgehoben
49.1213.2724Koordinaten: 49° 7′ N, 13° 12′ O
Basisdatn
Bundesland: Bayern
Regiarungsbeziak: Nidabayern
Landkroas: Reng (Stod)
Häh: 724 m ü. NHN
Flächn: 47,34 km²
Eiwohna: 986 (31. Dez. 2013)[1]
Dichtn: 21 Eiwohna je km²
Postleitzoi: 94252
Voawoi: 09925
Kfz-Kennzoachn: REG
Gmoaschlissl: 09 2 76 115
Gmoagliedarung: 16 Ortsteile
Adress vo da
Gmoavawoitung:
Anton-Pech-Weg 2
94252 Bayer. Eisenstein
Hoamseitn: www.bayerisch-eisenstein.de
Log vo Boarisch Eisnstoa im Reng (Stod)
Kortn

Boarisch Eisnstoa, amtle: Bayerisch Eisenstein (seit 1951; vorher: Eisnstoa) is a Gmoa im nidaboarischn Landkroas Reng und a staatle oerkannta Luftkuaoat direkt an der Grenz zu Tschechien.

Eadkund[VE | Weakln]

Geografische Log[VE | Weakln]

De Gmoa im Boarischn Woid is im dicht bewoidadn Toi voum Groußn Reng, dem „Eisnstoina Toi“ zwischn de Berg Zwercheck, Spitzberg, Špičák und Panzer Nerdle, Groußn Arba Wesdle und an Foikastoa im Siadn, Künischs Gebirg gnennt. Wega da Grenz zua Tschechei is des Toi teit, bis zum Foi vom Eisan Vorhang wor a Ibatritt grod mid an Visum megle, af da tschechischn Seitn liegt nua 3 km entfernt da Oat Železná Ruda (Moarkt Eisnstoa). S´Toi umfasst des Gebiat vo da oidn Gmoandn Moarkt Eisnstoa und Doaf Eisnstoa, heit kead Boarisch Eisnstoa zu de Gmoandn am Nationalpark und is de nerdlichste Gmoa vom Landkroas Reng und doduach a vo ganz Nidabayern. Boarisch Eisnstoa is za. 15 km nerdle vo Zwiesl und 26 km vo da Kroasstod Reng wegad.

Gmoagliedarung[VE | Weakln]

De Gmoa Boarisch Eisnstoa hot 16 amtli benannte Oatstei [2]:

  • Arbahittn (Arberhütte)
  • Arbaschutzhaus
  • Arbasähaus (Arberseehaus)
  • Boarisch Eisnstoa
  • Brennes
  • Eisnstoinamui (Eisensteinermühle)
  • Grafhittn (Grafhütte)
  • Naihittn (Neuhütte)
  • Naiwoidhaus (Neuwaldhaus)
  • Renghittn (Regenhütte)
  • Schachtnbo (Schachtenbach)
  • Schwaiheisl (Schwellhäusl)
  • Säbochhittn (Seebachhütte)
  • Säbochschleife (Seebachschleife)
  • Stoahittn (Steinhütte)

Gschicht[VE | Weakln]

Nochweisboa fangd de Gschicht vom Eisnstoina Toi anno 1569 o, ois unta behmischa Obahoheit vo boarischn Berg- und Hammaleit a Eazbergweak mid Eisnhamma dabaut worn is, des oba 1577 scho wida am End woa. Oba dem Obbau vo Eisneazn vodankt des ganze Gebiat sein Nama. In da Mitt voum 17.Joahundat hom se de erschdn Bauan vo de Freigrichten voum Behmawoid und voum Boarischn Woid ogsiedlt ('schaug Künisches Gebirg). 1691 is afn Bon vo da spadan Oatschaft Moarkt Eisnstoa de erschde Gloshittn gründ worn und boid draf hom se a andare Handwerka do nieda glossn.

Bis ins Joa 1764, ois de Grenz zwischan Kurfürstentum Bayern und Behmen duachan Vatrog festglegt worn is, wars ganze Gebiat a politische Oaheit gwen.

Ois im 18. Joahundat de Glosmocharei in ira hexdn Voiendung woa, is in dem Gebiad a wiatschaftle afwerts ganga.

Bohhof Boarisch Eisnstoa im Juni 2012
A Mui am Reng bei Boarisch Eisnstoa (1880)

Vo 1835 o, buid se da boarische Tei vom Toi untam Nama Eisnstoa ois königlich bayerische Landgmoa. Midm Bohbau und da neien Eisnbolinie vo Bladdling noch Pilsn iban Grenzbohhof Eisnstoa 1877, hod de eigandliche Entwicklung voum Oat ogfangt. S groußziagig baude Bohhofsgebaide steht jewois zua Häift af boarischm und af tschechischem Gebiad. Da Grenzvalauf fiat mittn duachs Gebaide. Douristn und Hoizindustria hom nochn Zafoi da Glosmocharei an neien Afschwung brocht.

Om 21. Feba 1951 is da Gmoanama amtli vo Eisnstoa in Bayerisch Eisenstein umgnennt worn.[3] Boarisch Eisnstoa hod se weng seina Ogschidnheid, da Nat zum Groußn Arba und Schnäreichtums zu an beliabtn Urlaubsoat entwicklt. Da Bundespräsident Theodor Heuss hod se 1954 a in Eisnstoa ahoit.

Eigmoandunga[VE | Weakln]

Am 1. Jenna 1978 is a Tei vo da afglestn Gmoa Romstoa (Oatstei Renghittn) eigliedat worn.[4]

Kuitur[VE | Weakln]

Seit 1994 is afn Glend voum Grenzbohhof s`Lokoibohmusäum, wou dokumentiert wiad, wia Bayern und de ogrenzanden Bereiche in Estarreich und da Tschechei erschlossn worn san. Vo olle Epochn vo da boarischn Lokoiboh san mehr ois 20 historische Foarzeig ausgstäit. Jeds Joa ofang August, san Dampfzugfoarten zwischn Zwiesl und Boarisch Eisnstoa [5]

Sengswert is aa de Pfarrkirche St. Johannes Nepomuk ausm Joa 1908.

Sport[VE | Weakln]

Da SV Boarisch Eisnstoa is oana vo de gräßtn und bedaitatstn deidschn Vaeine im Biathlonschbort. In da Hohenzollern Biathlonarena san 2004, 2008 und 2011 de deidschn Moasdaschaftn im Summabiathlon ausdrong worn, 2011 mit 1300 Midmocha. 1990, 1993 und 1997 wor do da Austrogungsoat vo de Deidschn Winta-Moastaschaftn im Biathlon.

Literadua[VE | Weakln]

  • Das Eisensteiner Tal. In: Volkskundlicher Arbeitskreis für den mittleren Böhmerwald (Hrsg.): Im Lande der künischen Freibauern – Heimatbuch für den mittleren Böhmerwald (Landkreis Bergreichenstein und angrenzende Gebiete). Verlag Morsak, Grafenau 1979; ISBN 9783875531015; S. 806–825.
  • Franz Wudy: Dorf und Markt Eisenstein sowie Bayerisch Eisenstein. Eisensteinbuch. Selbstverlag, Lindberg 2005.

Im Netz[VE | Weakln]

 Commons: Boarisch Eisnstoa – Sammlung vo Buidl, Videos und Audiodateien

Beleg[VE | Weakln]

  1. Bayerisches Landesamt für Statistik – Tabelle 12411-001: Fortschreibung des Beölkerungsstandes: Bevölkerung: Gemeinden, Stichtage (letzten 6)  (Huif dazua)
  2. http://www.bayerische-landesbibliothek-online.de/orte/ortssuche_action.html?anzeige=voll&modus=automat&tempus=+20111211/004843&attr=OBJ&val=771
  3.  Wilhelm Volkert (Hrsg.): Handbuch der bayerischen Ämter, Gemeinden und Gerichte 1799–1980. C.H.Beck’sche Verlagsbuchhandlung, München 1983, ISBN 3-406-09669-7, S. 553.
  4.  Statistisches Bundesamt (Hrsg.): Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. W. Kohlhammer GmbH, Stuttgart und Mainz 1983, ISBN 3-17-003263-1, S. 622.
  5. Bayerischer Localbahn Verein e.V.
Des is a beriga Artike.
Dea Artike is ois zimfti in de Hall of Fame (Ruhmeshoin) aufgnumma worn.