Buffalo

Aus Wikipedia

Wexln zua: Navigazión, Suach

Der Artikl is im Dialekt Obaboarisch gschrim worn.

Stodtbuid
Buffalo

Basisdatn
Staat:	Vaeinigte Staatn
Bundesstaat:	New York
County:	Erie County
Zwischnnetz:	www.buffalo.com
Spitznam vo da Stodt:	Queen City of the Lakes, Nickel City City of Good Neighbors, City of Light

Buffalo (Spitznam: Queen City of the Lakes) is mit ca. 283.000 Eiwohna de zwoatgresste Stodt vum US-Bundesstaat New York. De Metropoinregion Buffalo-Niagara hod a Gsamtbeväikarung vo 1,1 Millionen. Buffalo liegt im Erie County an da Nordostspitzn vum Eriesee, ned weit vo de Niagarafoi weg, und is heit a moderne Industrie- und Hafnstodt.

Buffalo is um 1789 ois kloana Handlsplotz am Buffalo Creek (in Buffalo sogns Buffalo River) grindt worn.^[1] Nach da Eaeffnung vum Erie Kanal 1825 is Buffalo schnäi gwochsn und a wichtige Eisnbahnstation worn. Um 1900 wor Buffalo de achtgresste Stodt vo de Vaeinigtn Staatn und da wichtigste Stoihindustriestandort vo da ganzn Wäid. Heit is nua no af'n 46. Platz und hod weniga Einwohna wia domois. De Ändarung vo de Vakeahsweg af de Groussn See, zum Beispui durch de Eaeffnung vum Sankt-Lorenz-Seeweg (englisch: Saint Lawrence Seaway), und de Abwandarung vo da Stoihindustrie worn de wichtigstn Faktorn fir den Niedagang.

Im boarischn Sprochraum is Buffalo woahscheinli vuin durch dees Gedicht John Maynard vo Theodor Fontane bekannt. De Gedichtzein „…und no (x) Minutn bis Buffalo…“ is zum gfliagltn Wort worn. 1997 is in Buffalo a Bronzetafe enhuit worn, de an dees Gedicht erinnat.

[drå werkln] Erdkunde

Buffalo, wanns bliaht…

Buffalo liegt am estlichn End vum Eriesee, gegniba vo da kanadischn Stodt Fort Erie, Ontario, am Ofang vum Niagara River, vo dem da See entwässat wiad und dea noch Nordn zum Ontariosee fiaht.

Noch de Ogobm vum United States Census Bureau hod de Stodt a Flächn vo 136,0 km², davo entfoin 105,2 km² af Land und 30,8 km² (= 22,66 %) af Gwässa.

In da Region heascht a feichts Kontinentalklima, wos oba durch de Groussn Seen a Seeklima-Komponentn hod. De Ibagangszeitn zwischn Summar und Winta san in Buffalo so ziemli kurz.

De Summa san sonnig und trockn, de Winta san koid und schneereich und dauan vo Mitte Novemba bis Ofang Aprui.

De Lag am See, bringt im Summa a gmässigts Klima, ko im Winta oba zu riesign Schneemengen und Blizzards fiahn. Vum Schneefoi san ca.50% durch an Erie-See vaursocht. In dem Augnblick wo da See zuafrorn is, nimmt da Schneefoi sofuat ob.

[drå werkln] Stodtlandschafd

[drå werkln] Stodttei

Buffalo hod 32 Stodttei: Allentown, Bailey-Lovejoy, Black Rock, Central Park, Cold Springs, Delaware District, Downtown, East Side, Elmwood Village, Fillmore-Leroy, First Ward, Fruit Belt, Hamlin Park, Hospital Hill, Humboldt Park, Kaisertown, Kensington, Kensington Heights, Lower West Side, Masten Park, North Buffalo, North Park, Parkside, Broadway Fillmore, Riverside, Schiller Park, South Buffalo, University District, University Heights, Vernon Triangle, Upper West Side, and Willert Park.

Nach da American Planning Association is da Stodttei Elmwood Village in Buffalo ois drittbesta Stodttei vo de Vaeinigtn Staatn eingstuft.^[2]

Buffalo, New York, vo da Interstate 190 - ausn Nordn gsegn

Buffalo am Horizont (neideitsch: Skyline)

[drå werkln] Wirtschafd

Buffalo wor fir lange Zeit a wichtiga Standort fir de Stoih- und Automobuiindustrie. Ein Groußtei vo da Industrie ist obgwandat.

Seit'n Ofang vum 21. Jahrhundert hod si Buffalo immer mehr zu an Bioinformatik- und Genforschungszentrum. De Forschung wiad mit Huif vo da University at Buffalo und am Roswell Park Cancer Institute betriem.