Gschicht vo Asien

Aus Wikipedia
Der Artikl is im Dialekt Owaöstareichisch gschriem worn.
Asien af da Wödkugl

Da Eadteu is so groß, dass ma de Gschicht vo Asien oft noch vaschiedne Zonan afbaut. Do se de Eaeignis in da Gschicht se owa nia an iagandwöche Eiteulungan oda Grenzn ghoidn hom, kimts oft fua, das aa Gschichtstheman gibt, de wos fia mearane Lända gütig san. Des kimmt aa efta gbiatsiwagreifand vua.

Im foigandn wiad da Eadteu in 6 Zonan eiteud.

Russlaund mid Sibirien[Werkeln | Am Gwëntext werkeln]

Vo de easchtn Bsidlungsschpuan iwa de finno-ugrischn Vöka und de easchtn Indoeiropäa iwa de Kiewer Russ, de Heaschoft vo de Mongoin und de Russischn Heascha, de russischn Oktobarevolution bis Heid. Owa aa de easchtn Reidavöka und de Eaobarung vo Sibirien keat do dazua.

Schau aa[Werkeln | Am Gwëntext werkeln]

Zentralasien[Werkeln | Am Gwëntext werkeln]

Do kean de Reidavöka eina owa aa de indoeiropäischn Tocharer sowia des mongolische Teureich, Kanat Tschagatei. Des Reich vom Timur Leng bis za de heitign Stootn Kasachstan, Usbekistan, Turkmenistan, Tadschikistan, Kirgisien und da Mongolei.

Schau aa[Werkeln | Am Gwëntext werkeln]

Ostasien[Werkeln | Am Gwëntext werkeln]

Do wead de Gschicht vo de grossn Kuituvöka wia de Kinesn, Japana, Sid- und Nuadkoreana bschrim. A dea ewige Kaumpf da Kinesn mid de nuadlign Reidavöka. Owa a da Haundl af da Seidnschtrossn und iwa de Gschicht dea Schtootn bis Heid.

Schau aa[Werkeln | Am Gwëntext werkeln]

Sidostasien[Werkeln | Am Gwëntext werkeln]

Do wead de wexlhofte Gschicht vo de Vöka vo de heitign Stootn Mianmar, Thailaund, Malaysia, Kambotscha, Vietnam, Philippinen, Indonesien, Timor bschrim. Vo eanane grossn Kuituan iwa de Indochina Zeit bis Heid.

Schau aa[Werkeln | Am Gwëntext werkeln]

Sidasien[Werkeln | Am Gwëntext werkeln]

Des ia a gschichtli recht intaressants Gebiet. Do gehts mid de Easchtn Hochkuituan o. Iwa de Indoaria, de Moguln, iwa de Kollonialzeit, de Indisch-pakistanischn Kriag, bis zua Gschicht vo de heitign Stootn Afghanistan, Pakistan, Indien, Nepal, Bhutan, Bangla Desch, Sri Lanka und de Malediven.

Schau aa[Werkeln | Am Gwëntext werkeln]

Westasien[Werkeln | Am Gwëntext werkeln]

In Westasien ligt aa des Gebiet vom goidanan Hoibmond und somit a des vo de easchtn Hochkuituan wia de da Sumera, Elam, Akkad, Babylon, Assyrer, oidn Egypta, Hethita, Peasa und de hebräischn Stootn. De Eafindung vo da Keuschrift, egyptische Hieroglyphn, vom Alphabet und da arabischen Schrift. In dem Gebiet hom se aa de Gschichtn ogschpüd vo de Reich vo de Ostrema, de Kalifn, Tiakn, Sassanidn, Partha, Kreizfohra, vom IlKhanat (Mongoin), Mamluken, Assasinen bis za de heitgn Stootn vo Persien, Tiakei und de Arabische Hoibinsl und aa olle eanane Ausanaundasezungan.

Schau aa[Werkeln | Am Gwëntext werkeln]

Literatua[Werkeln | Am Gwëntext werkeln]

  • Martin Krieger: Geschichte Asiens. Böhlau-Verlag (UTB), Köln 2003, ISBN 3-8252-2382-5
  • Donald Johanson, Blake Edgar: Lucy und ihre Kinder. Spektrum Verlag, Berlin 1998, ISBN 3-8274-1049-5
  • Steve Olson: Herkunft und Geschichte des Menschen. Berlin Verlag, Berlin 2003, ISBN 3-8270-0500-0
  • Albert Hourani: Die Geschichte der arabischen Völker. Fischer (Tb.), Frankfurt 2001, ISBN 3-596-15085-X
  • Kulke/Rothermund: Geschichte Indiens. 2. Auflage. Beck Verlag, Minga 1998, ISBN 3-406-43338-3
  • Jacques Gernet: Die Chinesische Welt. Suhrkamp Verlag (Insel-Verlag), Frankfurt 1997, ISBN 3-518-38005-2
  • Gottfried-Karl Kindermann: Der Aufstieg Ostasiens in der Weltpolitik 1840–2000. Deutsche Verlags-Anstalt, Minga 2001, ISBN 3-421-05174-7