Kufstoa

Der Artikl is im Dialekt Tirolarisch (Untalond) gschrim worn.

Kufstoa
Basisdatn
Bundeslond:	Tiroi
Flächn:	39,37 km²
Koordinatn:	47° 35' N, 12° 10' O
Höhe:	499 m i. A.
Inwoner:	17.388
Bevölkerungsdichtn:	442 Inwoner pro km²
Sunschtige Datn
Poschtloatzoln:	6330–6333
Vurwol:	05312
Gmeindevawoltung:	Unterer Stadtplatz 22 6330 Kufstoa
Websaitn:	www.kufstein.at
Politik
Birgermoaschter:	Martin Krumschnabel (Die Parteifreien)
Loge vun da Bezirkshauptstådt Kufstoa

Blick iwa Kufstoa ausm Panoramalift auf di Festung Kufstoa

Kufstoa (åmtlich: Kufstein) is a Stådtgemeinde in Tiroi, knåpp an da Grenzn zum Freistååt Bayern, und is da Vawåltungssitz vom Bezirk Kufstoa. Sie lieg im Untainntoi und is mit 17.388 Einwohnan die zwoatgräßte Stådt vo Tiroi hinta da Låndeshauptstådt Innschbrugg.

Geographie

Lage

Die Stådt lieg beidseitig am Inn und auf knåpp 500 Meta Mearesheachnd. Die befindet si am Ausgång vom alpinen Inntoi und is nua wenige Kilometa vom bayrischn Åipnvoalånd entfeant.

Im Stådtgebiet mindn zåhlreiche Bäch in den Inn, wia zum Beispiel die Weißåchn, im Sidn da Kaiserbåch, da Mitterndorferbåch, da Kienbåch und da Kreizbåch.

Stådttoala

Kufstoa låsst si in fünf Stådttoala gliadan:

• Zentrum
• Sparchen
• Weissach
• Endach
• Zell

Nåchbårgmeindn

Ebbs, Ellmau, Kiefasfödn, Kirchdorf in Tirol, Långkåmpfn, Scheffau am Wüdn Kaisa, Schwoich, Söll, Thiasee

Beveikarung

In Kufstoa lem deazeit mea ois 17.000 Menschn und zwischn 1991 und 2001 is die Beveikarung um 14 % g'stiing, deazeit um etwa 1 % jealich. Im Groaßraum Kufstoa lem rund 45.000 Menschn.

In Kufstoa wead a westmittlboarischa Dialekt gsprochn, dea si relativ stårk vom innschbrugga Dialekt untascheidet.

Kuitua und Sehnswüadigkeitn

Festung Kufstoa

Sehnswüadigkeitn

• As bedeutenste und bekånnteste Bauweak is die Festung Kufstoa aufn 90 Meta hoachn Festungsbeag im Zentrum da Stådt, die im 13. Jåhrhundat zum eastn Måi awähnt woan is. Im 18. Jåhrhundat wäarend da Besatzungszeit nåchm Zwoatn Wödkriag håt sie vor ållem als Gfängnis diant.

• Die stådtweit horchbåre Heldnorgl auf da Festung Kufstoa is die greaßte Freiorgl da Wöd.

• Die Burgruine Thierbeag und as Schloss Hohenstaffing befindn si aufn Thierbeag.

• Teile da Oidstådt, vor ållem a as Rathaus mit de Wappn da Tirola Städte Innschbrugg, Stearzing, Imscht, Vils, Lianz, Råttnberg, Brixn, Bruneck, Schwåz, Klausen, Kitzbichi, Glurns, Bozn, Låndeck, Meran, Hall unta da Gieblspitze Kufstoa.

• Da barocke Turm da St. Vitus-Kirchn.

• In da gånzn Stådt gibs vüü Denkmäla, zum Beispüü des vom Friedrich List.

• Im Jåhr 1998 is die Innschifffåhrt wiedaeigfüaht woan, die vom Fischergries üba Kiefasfödn, Ebbs und Niedandoaf bis nåch Obaaudoaf in Bayern fiat. Es is plant woan, die Linie bis nåch Rosnheim z'valängan, dies is jedoch wegn an dazwischnliegendn Kråftweak und den manglndn Passagierzåin, de im Summa 2010 sogoa fi die Diskussion fi die Eistöung g'sorgt håm, sea schwiarig.

Musigg

As Kufstoaliad, des im Jåhr 1947 vom Karl Ganzer gschrim woan is, is as wödweit meistgsunngenne und as meistvakaffte Volksliad. As Liad håt da Stådt an Nåm Di Peale Tirouls gem und am Inn dåå an Beinåm Da greane Inn.

Parks

• Stådtpark (im Stådtzentrum)
• Innpark (am Fischergries)
• Kinkpark (in Endach)
• Zellabeag (in Zell mit a Foastmeile und an Natualehrpfad)
• Kalvarienbeag (am Kienbichl mit'n Andreas-Hofer-Denkmal)
• Innpromenade (beidaseits des Inns im gsåmtn Stådtgebiet)

Öffntliche Eirichtunga

• Beziakshauptmånnschåft Kufstoa
• Biziaksgericht Kufstoa
• Stådtweake Kufstoa
• Finanzåmt Kufstoa Schwåz
• Beziakspolizeikommando Kufstoa (Bundespolizei)
• Beziakskrånknhaus Kufstoa
• Polizeiinspektion Kufstoa (Bundespolizei)
• Fåchhochschui Kufstoa, Bundesrealgymnasium (BG/BRG Kufstoa), und die Heachere Learånståit fi wiatschåftliche Berufe
• Stådtpolizei Kufstoa (Gemeinewåchkörpa)

Freizeit

Reglmäßige Vaonståitungen

• Da Kufstoana Vorsilvester findet jäalich am 30. Dezemba stått.
• Tåg da 1.000 Liachta
• Tånzsumma
• Kaisafest
• WoasstEh!-Wundaliche Kultuatåg in Kufstoa
• Weifest
• Kufsteiner Operettensommer (seit 2007 auf da Festung Kufstoa)
• Ostermarkt
• Nightshopping
• Låndlem in Kufstoa (Bauern- und Håndweakamårkt)
• Weihnachtszauber auf da Festung
• Åimåbtrieb
• Herbstmårkt
• Ritter-Fest (seit 2009 auf da Festung Kufstoa)

Spoat

Da FC Kufstoa spüüt in da Regionalliga. Die Sport-Union Kufstein Vikings san 2002 und 2004 Meista in da Austrian Baseball League woan. Die HC Kufstein-Dragons spüün in da Tirola Elite-Liga.

In da Kufstoa-Arena findet jäalich da Generalie Bambini Cup stått, zu dem vüü Nåchwuchs-Tennisspüüa aus da gånzn Wöd kemman.

2005 und 2007 wår Kufstoa a Etappnzüü da Deitschlånd Tour.

Nåchtlem

Vüü Lokale gibs vom Båhnhof üba an Unteren und Oberen Stådtplåtz bis zum Franz Josefs Plåtz und zua Georg Pirmoser-Stråss. Am nördlichn Stådtende in Sparchen und Eichelwang gibs a einige Lokale.

Vakeahr

Stråss

Kufstoa håt auf da A12 Inntåiautobåhn zwoa Ånschlussstöön (Kufstoa Noad und Kufstoa Süd). Die A12 fiat vo Rosnheim bis in Tirola Obainntåi. Die B171 fiat ebenfois durch Kufstoa.

Öffntlicha Personalvakeahr

Da Stådtbus Kufstoa wead vo die Stådtweake Kufstoa und vo da Firma Achhorner betriem. Es vakeahn drei Linien im 20-Minutn-Takt. Außadem is Kufstoa a Ausgångspunkt vo vüü Regionalbuslinien in die Umgebung.

Schienenvakeahr

Da Båhnhof Kufstoa is da deitsch/estareichische Grenzbåhnhof da Westbåhn und håt a Fåhrgastaufkommen vo 5.000 Reisendn pro Tåg. Vo eam geht a die Untainntåibåhn Kufstoa - Innschbrugg aus und di wichtige Streckn Minga-Innschbrugg-Verona durchqueat an Båhnhof.

Fi 2012 is die Arrichtung vo a Båhnstation Kufstoa Süd g'plant.

Schifffåhrt

Im Summa findet die Innschifffåhrt zwischn Kufstoa und Obaauddorf stått.

Luftvakeahr

Wenig außahåib da Stadt gibs an Flugplåtz Kufstoa-Långkåmpfn (LOIK), vo dem voa ållem Seglfliaga startn.

Bruggn

Im Stådtgebiet gibs folgende Bruggn iwan Inn:

• Autobåhnzuabringa (A12)
• Endacher Steg (Fuaßgänga und Radlfåhra)
• Wendlinga Bruggn (B171)
• Båhnhofsbruggn (Mingna Stråßn)
• Fischergries-Steg (Fuaßgänga und Radlfåhra)
• Wildbichler Bruggn (A12 und B175)

Städtepartnaschåftn

• Italy Rovereto, Trentino-Sidtirol
• Switzerland Frauenfeld, Thurgau

Bekånnte Persenlichkeitn

• Robert Blunder
• Siegfried Dillersberger
• Karl Ganzer, Dichta vom Kufstein-Lied
• Max Grießer, Schauspüüa
• Franz Hetzenauer
• Walter Holzner
• Matthäus Hörfarther
• Anton Kink
• Franz Kneissl, Grinda da Firma Kneissl-Ski
• Manfred Linzmaier
• Joseph Madersperger, Afinda da Nahmaschiin
• Adolf Pichler
• Christian Planer
• Harald Planer
• Johannes Rauch, Politika (ÖVP)
• Hans Reisch, Grinda da SPAR Estereich
• Max Reisch
• Cornelius Rost
• Walther Simmer
• Karl Wendlinger, Rennfåhra und ehemåiga Formel-1-Fåhra
• Walter J. Mayr, Politika (ÖVP)
• Johannes Bodner, Politika (ÖVP)

Weblinks

Commons: Kufstoa – Buidl, Videos und/oda Audiodatein

• Stådtgemeinde Kufstoa