Roa am Lech

Aus Wikipedia
(Weidagloadt vo Roa am Leech)
Der Artikl is im Dialekt Westmittlboarisch gschriem worn.


Woppn Deitschlandkoatn
Woppn vo da Stadt Roa Rain Koordinatn fehjn
Huif zu Koatn
p1
Basisdotn
Bundesland: Bayern
Regiarungsbeziak: Schwoom
Landkroas: Doana-RiasVorlage:Infobox Gemeinde in Deutschland/Wartung/Landkreis existiert nicht
Vawoitungs­gmoaschoft: Roa am Leech
Hechn: 402 m ü. NHN
Flächn: 77,12 km2
Eihwohna: 8897 (31. Dez. 2015)Vorlage:Infobox Verwaltungseinheit in Deutschland/Wartung/Noch nicht auf Metavorlage umgestellt
Bevökarungsdichtn: 115 Einwohner je km2
Postleitzoi: 86641
Voawoien: 09090, 08276 (Hagenheim, Wallerdorf), 08432 (Etting, Gempfing, Staudheim)Vorlage:Infobox Gemeinde in Deutschland/Wartung/Vorwahl enthält Text
Autokennzeichn: DON, NÖ
Gmoaschlissl: 09 7 79 201
Address vo da
Stadtvawoitung:
Hauptstraße 60

86641 Roa
Rain
Webseitn: www.rain.de
Buagamoasta: Gerhard Martin (SPD)

Roa (amtli: Rain) is a Stod im schwabischn Laundkroas Doana-Rias und Siiz va da Vawoitungsgmoaschoft Roa am Lech.

S'ligg sou 40 km neadli va Augschburg, gaunz nachad ba da Mündung vom Leech in d' Doana. Voa da Gebietsrefoam zum 1. Juli 1972 hoot dia Stood zum Laundkroas Neiburg an da Donau gheat.

Stoodgliederung[Werkeln | Am Gwëntext werkeln]

Düüing, Ejdding (mit Dejdding, Bruunnahouf und Koupfmüü), Gejmpfing (mit Ibaacka), Middlschtejn (mit Neihouf), Oubabeiching (mit Sejgmüü), Soia, Stauda, Untabeiching, Wejchtaring, Woiadoaf

Nochbargmoana[Werkeln | Am Gwëntext werkeln]

Gschichtn[Werkeln | Am Gwëntext werkeln]

D' easchte Erwähnung va da Stod is am 4. Juli 1257 in a Urkundn vom Kloaschta Niederschönenfeld, s' wead doo ois „civitas nostra“ (lateinisch: unsare Stod), ois heazogliche Stood, bezeichnet. Mit groaßa Wohrscheinlichkeit vadaunkt Roa sei Grindung am boarischn Heazog Otto II. zwischn 1248 und 1253, spataschtns aba am Heazog Ludwig am Strengen voa 1257. Wegs dem is dia Oatschoft Bruckloch, a weani weida sidlich Richtung Düüing, umgsiedlt woan. Hejnt gibts blouß nou a Brucklochama Stross, wos va dem Doof ibabliim is. Da wohre Grund fia dia Stoodgrindung sejn wohrscheinlich wüddschoftliche und strategische Grind wia dia Sicharung vom Kuafiaschtntum Boan nooch Noadwejschtn gween. Dia Stood Roa hoot an heazoglichn Zui an da Leechbruck ejgnoumma.

1372 hoot Roa dia niedare Grichtsborkeit valiecha kriagg und is oiso Siiz va am heazoglich-boarischn Laundgricht woan.

1394 hoot dia Stood s'Umgödrecht aus da Soizniedaloog kriagg. Da Soiz-, Waii-, Viech-, Eisn- und Brucknzui hoot Roa innahoi va Boan dia drittheakschtn Ejnauma nooch Inglstood und Friberg brocht.

Dia Rechta sejn no nooch'm Laundshuata Eabfuigekriag 1505 valoan gaunga. Ba dem Kriag is no Grindung va Pfoiz-Neibuag gween, wejsweeng Roa iatzad Grejnzstood in drei Richtunga woan is. Nur in Richtung Sidn und Sidouschtn is koa Ausland gween.

In da Schlocht ba Roa im Dreißgjaarign Kriag hoot am 14./15. Aprüü 1632 da Graf von Tilly mit da boarischn Armee vageblich vasuacht, Kejni Guschtav Aduif va Schwedn ba Roa an Ibagang nooch Boan zum vaweahn. Da kaisaliche Föjdherr hoot si mit seine Truppn nooch Inglstood zruckziacha mian und is sööm am 30. Aprüü 1632 wega a Schussvaletzung am Fuaß gschtoam.

1806 is Roa und Umgebung am neian Kroas Oitmüükroas zuagoadnet woan, 1810 am Oubadoanakroas.

Dia Refoam, dia am 29. Novejmbba 1837 düüch an Kejni Ludwig I. vaoulosst woan is, hoot da Stood sei niedare Grichtsborkeit gnoumma. S'Laundgricht Roa is ab 1838 zum neian Regierungsbezirk Oberbayern gwechslt. Seit 1862 iss am neian Beziaksaumt Oacha zuagoadnet woan, ob 1880 am schwabischn Beziaksaumt Neibuag an da Doana. S'Aumtsgricht Roa is 1932 Spoormoßnauma zum Oupfa gfoin.

Am 1. Juli 1972 hoot no düüch dia Gebietsreform in Bayern dia lejtschte Vaejndarung in da Laundkroaszuageherigkeit stottgfuuna. Dia urspringlich oitboarische Stood Roa und sei Umlaund sejn schwabisch bliim (im Gegnsotz zur Stood Neibuag) und sejn zum neian Laundkroas Doana-Rias kejmma.

Zwischn 1972 und 1978 hoot si dia Stood düüch dia Ejgmeindung va dia bis doohi söbstäindign Gmoana Düüing, Ejdding, Gejmpfing, Middlschtejn, Oubabeiching, Soia, Stauda, Untabeiching, Wejchtering und Woadoof gaunz schea vagreaßat.

Mit am gaunzjaarign Programm - Konzerte, Ausstöiunga, Voatrejg, Untahoitung, Fejschta und Aktiouna – hoot Roa im Joar 2007 das 750-jaarige Jubiläum va da easchtn uakundlichn Eawähnung begaunga.

Vom 29. Moa bis 23. Auguscht 2009 hoot z'Roa dia boarische Regionalgortnschau "Natua in Roa" stottgfuuna.

Bolitik[Werkeln | Am Gwëntext werkeln]

Woppn[Werkeln | Am Gwëntext werkeln]

Dia Woppnbeschreibung lautet: Geteilt; oum in Schwooz da heeschauate, roat krönte Schejl va am guiddign Löwen, untn gwejckt va Süüba und Blau.

Stadtaportnaschoft[Werkeln | Am Gwëntext werkeln]

Persönlichkeitn[Werkeln | Am Gwëntext werkeln]

Filmografie[Werkeln | Am Gwëntext werkeln]

Z'Roa hoot da boarische Regisseur Franz Xaver Bogner dia Außnaufnauma va seina neiaschtn Serie, Der Kaiser von Schexing draht.[1]

Im Netz[Werkeln | Am Gwëntext werkeln]

 Commons: Roa am Lech – Sammlung vo Buidl, Videos und Audiodateien

Beleg[Werkeln | Am Gwëntext werkeln]

  1. Informationen auf der Homepage des Bayerischen Fernsehens zum fiktiven Ort „Schexing“