Augschburg

Aus Wikipedia

Der Artikl is im Dialekt Obaboarisch gschriem worn.

Wappn	Kartn
Augschburg

Basisdaten
Bundesland:	Bayern
Regierungsbezirk:	Schwobm
Landkreis:	Kroasfreie Stodt
Geografische Lage:	Koordinaten: 48° 22' N, 10° 54' O 48° 22' N, 10° 54' O
Höhe:	446-561 m ü. NN
Flächn:	146,93 km²
Einwohnera:	263.804 (1. Januar 2006)
Bevölkerungsdichtn:	1795 Einwohner je km²
Bostleitzoin:	86150-86199 (alt: 8900)
Vorwoi:	0821
Autonumma::	A
Gmoaschlüssl:	09 7 61 000
Stådgliederung:	41 Stadtbezirk 17 Planungsreim
Adress vo da Stådverwaltung:	Maximilianstraße 4 86150 Augsburg
Intanet:	www.augsburg.de
Politik
Obabuagamoaschda:	Kurt Gribl
Regierende Parteien:	SPD, Greane, FBU, Freie Wähler, ödp
Buidl

Augschburg (hochdeitsch: Augsburg) is d Hauptståd vom boarischen Regierungsbeziak Schwobm. Sie is mid meah ois 264.000 Einwohna nach Minga und Niamberg de drittgreßte Ståd in Bayern.

Da Nam gehd af de remische Provinzhaptstodt Augusta Vindelicorum zruck, de 15 v. Chr. unta'm remischn Kaisa Augustus ois Castra grindt won is. Damit gheat de "Fuggerstodt" zu dena äitastn Städt vo Deitschland.

[dro werkln] Geografie

Augschburg liegt am Lech und da Wertach. Im Südn liegt s'Lechfejd, a nocheiszeitliche Schottaebene zwischn de zwoa Fliass. Do hod si zum Teil a Urlandschoft erhoidn, de zu den oartenreichstn in Mittleiropa zejd.

Dea Naturpark Augsburg – Westliche Wälder (aa Stauden gnennt), a grouß Woidgebiet grenzt unmittlboa an Augschburg. Oba aa dees Stådgebiet is stoark begreant. Dafia hod de Stodt den Eiropäischn Preis Greanste und lebenswertaste Stodt erhoidn. Augschburg is aa da greßte kommunale Woidbesitza in Bayern und dea drittgreßte in Deitschland.

[dro werkln] Gschicht

Augschburg is 15 v. Chr. vo de Röma ois Augusta Vindelicorum gründt worn. Damit is nach Trier de zwoatêîteste Ståd in Deitschland. Allerdings håts scho friah a bår keltische und germanische Siedlunga gem. In Haunstettn håt ma Urnengräber aus da Bronzezeit gfun. Weil do da Lech mit der Wertach zammfliesst wår des recht guad fia gloine Siedlunga die wo sie ågsiedlt ham, weil da Bodn recht guad war unds an Haufn Nährstoffe ghabt håt.

Im Mittloita war Augschburg oane vo de reichstn Städt in Eiropa, wo a d' Fugga und d' Welsa erane Ladn ghabt ham.

[dro werkln] Sehnswirdigkeitn

Am meistn bsuacht wead d'Fuggarei, a mittloitaliche Armensiedlung. Da Dom Unsa Lieba Frau und de Basilika St. Ulrich und Afra san wichtige Kiachan. In da Näh vom Rathaus san a bår sengasweate Brunna. Oft bsuacht werd vo Tourischdn aa d'Maximilianstraßn und aa de Annastraßn.

[dro werkln] Buidung

Seit 1970 håt Augschburg a Universität und seit 1971 aa a Fachhochschui.

[dro werkln] Medien

De greßte Tageszeitung is d'Augschburger Allgemeine. Nem an Haufa gloinere Zeitunga wia z.B. d'Stadtzoitung håts no an oigner TV-Sender, der hoisst Atv.

[dro werkln] Wirtschaft

In Augschburg håt's net nur mehrane groaße Brauereien (wia zum Beischbial de Brauerei Riegele), sondern a mehrane DAX-Firm wia Siemens oder MAN, d'KUKA oder d'EADS.

[dro werkln] Fuaßboi

In Augschburg gibts an bekanntn Fuaßboiverein, an FC Augschburg. Da Verein spuit im Rosenaustadion. Momendan werd a a neus Stadion an da B17 baut - de "impuls Arena".

[dro werkln] Biacha üba Augschburg

Günther Grünsteudel (Hrsg.): Augsburger Stadtlexikon. 2., völlig neu bearb. und erheblich erw. Aufl. Augschburg 1998, ISBN 3-922769-28-4
Bernd Roeck: Geschichte Augsburgs. Beck, Minga 2005, ISBN 3-406-53197-0
Wolfgang Zorn: Augsburg - Geschichte einer europäischen Stadt. Von den Anfängen bis zur Gegenwart. Augschburg 2001, ISBN 3-89639-319-7