Adria
| Der Artikl is im Dialekt Klassisches Bairisch gschriem worn. |
 
| |
De Log vo da Adria im Middlmeea |
Koordinaten: 43° N, 16° O
De Adria oda's Adriatische Meea (Latein: Mare Adriaticum; italienisch : Mare Adriatico) is as longgstreggde neadliche Seitnbeggn vom Middlmeea zwischn Italien und'm Balkan. Se gehd vo Venedig bis zun Obsotz vom italienischn Stiefe (da Stross vo Otranto). Geografisch gheads Middlmeea und desweng aa de Adria zun Atlantischn Ozean.
In Nam hods vo da Stod Adria in da Region Venezien in Italien (Provinz Rovigo).
De Adriaregion is a recht beliabts Zui fia Touristn.
De Log
[Werkeln | Am Gwëntext werkeln]
De Adria is 820 Kilometa long und im Schnidd 160 Kilometa broad. Da Sidzipfe um de Stross vo Otranto is 71 Kilometa broad. Se hod a Fläch vo 132.000 Quadratkilometa. Im Noadn is de Adria seichta ois wia im Sidn. De Diafn geht vo 40 Meta bis 1260 Meta zwischn Bari (Italien) und Durrës (Oibanien).
De Stootn um de Adria san: Italien, Slowenien, Krowozien, Bosnien und Herzegowina, Montenegro und Oibanien.
Galerie
[Werkeln | Am Gwëntext werkeln]-
De Adria, Montenegro 1976 -
Blick af de Stod Korčula af da Insl Korčula, Krowozien -
Om Strond vo Rimini -
De Lagune vo Venedig
Schau aa
[Werkeln | Am Gwëntext werkeln]- Meta iwa da Adria (MiA)
Im Netz
[Werkeln | Am Gwëntext werkeln]
Commons: Adria – Sammlung vo Buidl, Videos und Audiodateien