Alkbottle

Der Artikl is im Dialekt Ostestareichisch gschriem worn.

Alkbottle

Alkbottle live im Weana Gasometa 2009 Alkbottle live im Weana Gasometa 2009
Oigmoans
Richtung	Heavy Metal, Hard Rock, Fun Metal
Grindung	1990
Auflesung	1998, 2021
Neigrindung	2001
Hoamseitn	http://www.alkbottle.at
Aktuelle Bsetzung
Gsang	Roman Gregory
E-Gitarre	Christian Zitta
Bass	Marco Billiani
E-Gitarre	Didi Baumgartner (seit 2006)
Schlagzeug	Christoph „Mad“ Ullmann (seit 2009)
Ehemolige Mitglieda
Schlagzeug	Alex „Mungo“ Brunner (1990-1991)
Schlagzeug	Michi Klapper (1992)
E-Gitarre	Willi Keck (1992-1993)
E-Gitarre	Christian Breier (1992-2004)
Schlagzeug	Peter Wagner (1992–1997, 2001-2007)
Schlagzeug	Robert „Bertl“ Baumgartner (1997–1998)
Schlagzeug	Ernst Luttinger (2007-2009)

Alkbottle woar a Weana Rockband, de wos bsundasd in de 1990a Joa in Östareich recht präsent woa. Bekaunnt sans vua oim wegn eahnare ironischn und aa deuweis deabm Textln auf Weanarisch.

Musi und Sproch

Stilistisch haum si de Alkbottle in easchta Linie aun an Rock und Heavy Metal aus de 1980a Joa ghoidn. Se haum owar aa Coverversionan vo Klassika ausn Rock, ausn Metal und ausn Austropop gspüd, nua hoid mit eigane Textln. So haums z. B. aus „Thunderstruck“ vo AC/DC „Fanta Light“ gmocht. Vo da Sproch hea san de meistn Liadln in an modeanan Weana Dialekt ghoidn, bsundast auf de letzn zwaa Scheibm san aa Sochn auf Hochdeitsch. In vüüle vo eahnare Gsangl gehts umma s Tschechan und de Foign vo ana Lettn oigemein, oft garniat mit recht harbe Sprüchln. Zweng dem sans vom Aufaung au ois „tiaf“ kritisiad und aa vom Östareichischn Radiosenda Ö3 boykodiad wuan. Auf da aundan Seitn hod eahna da „Weana Prolo“ – Schmäh aa vüüle Fans eibrocht. De Musika sööwa betonan owa, dass de Textln ironisch und net 100% ernst gmaant san.

Gschicht

Alkbottle san aum Aufaung vo de 1990a Joah aus ana Spülarei vom Roman Gregory (Gsangl) und sein Hawara Peter Fiala entstaundn. 1994 sans in Östareich mit eahnara zweitn Scheibm „Blader, Fetter, Lauter & A Bissl Mehr“ oigemein bekaunnt wuan. Fia des Album haums in Östareich sogoar a goidene Schoiplottn kriagt. Noch Streidarein in da Band haums sa si 1998 aufglest, und da Roman Gregory hod a Solokarrier augfaungt. Trotz oidem haums aa nochn offiziölln End no a poa Konzertln gspüüt, a Live DVD aussebrocht, und a Liadl fiar a Fan – CD vom Fuaßboiklub SK Rapid Wien eigspüüt. 2006 haum sa si aufs Neiche zaumgschlossn.Im Herbst 2010 haum de Alkbottle fia s 20 –jaarige Jubiläum a CD/DVD-Box aussabrocht. Aussadem haums bei da Östarreichische Voarentschaidung fian Eurovisions Song Contest midgmocht. Fia des haums a Promotionvideo gmocht, wo aa da Hans Krankl, da Toni Polster, de Maunschoft vom SK Rapid und de Vamummtn middau haum. Aum 2. März 2021 hod da Roman Gregory auf seina Facebookseitn bekaunnt gebm, doss si de Band endgütig aufglest hod.

Diskografie

Oibn

• No Sleep Till Meidling (1993)
• Blader, fetter, lauter & a bissl mehr (1994)
• Wir san auf kana Kinderjausn (1995)
• Live statt Nüchtern (1996)
• Trivialkbottle (1997)
• The Last of (Doppel-CD) (1998)
• Live im Zelt (Doppel-CD) (2004)
• Hier regiert der Rock n' Roll (2008)
• S´Ollagrösste & a bissl mehr [Best Of (tw. neich eigspüt); 2011]
• Für immer (2012)

Singles

• Geh scheissn! (1995)
• Fliesenlegen (1995)
• Wir trinken auf Rapid (1997)
• 6 Bier (2004)
• Rockstar in Austria (2009)
• Wir san do ned zum Spass (2011)

DVD

• 5 nach XII - Lights Out Over Meidling (2002)
• 20 Joa in Ö / Fett wia Christkindl (Doppel-DVD) (2010)

Schau aa

• Oipnrock

Im Netz

• Offiziölle Webseitn
• Offiziölla Kanäu auf Youtube
• Alkbottle Interview (2006)
• Alkbottle auf Stormbringer.at