Boarische Dialekte im Vagleich

Aus Wikipedia
Zur Navigation springen Zur Suche springen
Der Artikl is im Dialekt westlichs Nordboarisch gschrim worn.

Boarisch is koa standardisierte und oahaitliche Sprouch niat, sundern des setztse as an Haffa vaschine Dialekte zomm. Der Artikl ejtz bscheftichtse mit de gonzn Lautunga. De boarischn Dialektgruppm wern lautmasse vaglicha und d Sprouchgschicht vo de Lautt wead afzoigt.

Ainlaitung und Grundloung[VE | Weakln]

Wej da Vagleich afbaut is[VE | Weakln]

Wem'ma de boarischn Dialekte mitanond und mit da houchdeitschn Standardsprouch vagleicha mecht, nou mou'ma ins Mittlolter zruckgej zon Mitthouchdeitschn (und tolwais bis zon Olthouchdeitschn) ols Asgongspunkt. In de zwoa Vagleichstabölln stejt olso d Spoltn Mittelhouchdeitsch sprouchgschichtle gseang in Mittlpunkt. De ondern Spoltn zoing, wej dasse d Lautt in de vejer boarischn Dialekt-Haptgruppm (wejs aa in da boarischn Wikipedia unterschin wern) und in Standarddeitschn entwicklt hom.

D Wortbaispül han asu gwölt, dass d Gsetzmassekaitn ba de Lautentwicklunga afzoing. Dej göltn fia de meastn Werter, owa frale niat fia olle, wal aa es Mittlhouchdeitsche durtmols koa oahaitliche Sprouch wor (ner a "normalisierts Konstrukt" wej d Sprouchwissnschoftler song), und walse Sprouchn und Dialekte und d Entwicklunga dou iwa d Joarhundert niat immer in oafoche Regln fossn lejn. Waiters gejts niat um oanzlne Dialekte, sundern ner um d Haptgruppm und um d Untergruppm, wou Bsunderhaitn han.

D Schreibung[VE | Weakln]

D Bouchstom und Sunderzaichn in de Dialektspoltn orientiernse o de Regln, wejs in Artikl Wikipedia: Boarische Umschrift festgholtn han. In de Laut- und de Baispül-Spoltn is ollas asu gschrim, wejs gsprocha wead (phonetisch), und de longa Vokale wern dopplt gschrim, das'ma d Lenga guat siat. Um persenliche Schreibwaisn und Feinheitn ba Ortsdialekte gejts niat (in Gechasoz zo de Artiklbaitrech). Standarddeitsch und Mittlhouchdeitsch han in da Standardschreibwais gschrim.

Wej es Boarische vo de Sprouchwissnschoftler agordnat wead[VE | Weakln]

Da Boarische Sprouchraum

Wichte is, das es Wort "Houchdeitsch" in da Sprouchwissnschoft ondeascht ogwendt wead aswej efters in da Umgongssprouch und in de Dialekte, wou "Houchdeitsch" fia de deitsche Standardhouchsprouch stejt, ols Gechasoz zo de Dialekte. Su iss douda owa niat gmoant, sundern sprouchwissnschoftle. Grob atolt, und ner fias Boarische gnauer ogem und tejfer gonga:

Wej es Boarische zaitle atolt wead[VE | Weakln]

Betont wead nuamol, das Houchdeitsch dou in sprouchwissnschoftlinga Sinn zon vastej is. Atolt weadsaa in gschichtliche Sprouchstoufan. Es Boarische ghejert zon Houchdeitschn, es is owa koa Dialekt vo da haintinga deitschn Standardsprouch.

Zeid Boarisch Houchdeitsch sprouchliche Unterschid zon jewals öltern Sprouchstond
500 - 750 D Ofaungszaitn germanische Oanzlsprouchn Noun End vo remischn Reich bsidln vaschine Gruppm vo 5. Joarhundert o de Gebejter sidlich vo da Doana, wou ejers d Remer in haintinga Oltbayern gwen han. Umara 500 schlejssnse Naristn, Skirn, Alemannen, Heruler, Langobardn, Romanen und Slawn zommat und bildn a neie Gruppm, de Baiern oder Boarn. Dej entwickln in da zwoatn Hölft vo 1. Joartausad und in da easchtn Hölft vo 2. Joartausad schej stad an ainge Sprouch. Schriftle nouwaisbor wead dej owa eascht in spejtn 8. Joarhundert. As de easchtn Schriftwerk dasiat'ma, dasse se dej Sprouch durtmols owa nu kam vo derer vo de Alemannen und de Langobardn unterscheitt. De grejssern Unterschid entwicklnse eascht in da easchtn Hölft vo 2. Joartausad.
750 - 1050 Olt-Boarisch Olthouchdeitsch, Oanzlsprouchn Ner a Zommafossung vo deane Sprouchn, dej wou de Zwoate (= houchdeitsche) Lautvaschejbung mitgmocht hom, des han Olt-Boarisch, Olt-Alemannisch, Olt-Frenkisch one Niderfrenkisch und ondere. Vaschum homse: Germanisch p, t, k wern zo oltboarisch/olthouchdeitsch pf/ff/f, ts/'ss/'s, kch/ch, waiters wern b, d, g zo p, t, k, und þ/ð zo d. Dej Lautvaschejbung houtse zwischan 5. und n 9. Joarhundert hizung, und onhond derer wead es Deitsche ins Nider- und s Houchdeitsche aftolt.
1050 - 1350 boarischs Mittlhouchdeitsch Mittlhouchdeitsch, nu stork regional pregt In unbetonte Nemsülm wern d Vokale ogschwecht, baispülswais gilaubiu zo geloube (= ich glaube), heilegemo zo heiligen (= dem heiligen), almahtigon zo almehtigen (= allmächtigen).
Waiters wern Vokale in betonte Sülm umglautet, wenn in da Folngsülm a i oder a j kummt, baispülswais gibarida zo gebærde (= Gebärde), horjan zo hœren (= hören), wurfil zo würfel (= Würfel), guoti zo güete (= Güte).
Es Boarische houtse dou spejter mit da Entrundung a weng ondeascht entwicklt wej es haintiche Standarddeitsch.

In da mittlhouchdeitschn Zeid houtse a Oart recht oahaitliche Literatursprouch entwicklt, as Boarisch, Alemannisch-Schwebisch, Ost-, Rhain- und Mittlfrenkisch, Thüringisch und spejter - nouch 1250 - aa owasechsisch und Schlesisch. Des wor d Sprouch vo da owaschicht. Glaichzaite gits a gaistliche Literatur in de Regionalsprouchn. Dej worn ols Volkssprouchn in Mindlinga lewende.
In Spejtmittolter (13. - 15. Joarhundert) kummt ar a bircherliche Literatur af. In derer Zeid fejern Bayern und Estareich in da Literatur. vo 13. Joarhundert o wead iwahapps mejerer in de Regionalsprouchn gschrim.
1350 - 1650 frejneizaitles Boarisch (gredt), owadeitsche Literatursprouch (gschrim) Frejneihouchdeitsch D Vokaldenung. Es Boarische hout zousetzle d Oasülberdenung mitgmocht.
Waiters han unbetonte e asgstoussn worn, baispülswais gelīch is zo gleich worn, gelücke zo Glück, vrouwe zo Frau. Es Nord- und es Mittelboarische han ban Weggaloun vo de e in Aslaut bsunders konsequent.
D Vazwilautung vo de oltn Longvokale i, u und ü.
Umkejert houts a Vaoalautung gem, des hoisst, das de oltn Zwilautt uo, ie und üe zo longe u, i und ü worn han. Es Boarische hout dej owa niat mitgmocht (asgnumma zaitwais es Nordboarische).

In Sidn: Schou in 15. Joarhundert houtse a voöltnismasse oahaitliche Schriftsprouch entwicklt ghott, dej hout zwischa Augschburch, Nirmberch, Innschbruck und Wejn goltn, ghoissn worn iss Gmoans Deitsch. Dej Sprouch hout a inn mittldeitschn Raum asgstrolt. In derer Zeid hom bsunders d Stedt Nirmberch und Augschburch, owa aa ondere owadeitsche Stedt in Bouchdruck gfejert.
In Mittldeitschlond: Martin Luther iwasetzt d Büwl ins Deitsche. Sai Deitsch is in maissnisch-sechsischn Raum mit an deitlinga Ainflus vo boarisch-estareichische Elemente entstondn, mit ara Schriftform, dej wouse in ostmittldeitschn (voras ling de ostmittldeitschn Kanzlaisprouchn) und ostfrenkisch-boarischn Raum assagformt hout. Des houtse noucha mit da Luther-Bibl und da Reformation vabroitt. Es owasechsisch-maissnische Deitsch setztse nou in mittl- und norddeitschn Raum durch, und aa es boarische Schrifttoum orientiertse vo 16. Joarhundert o schou tolwais o da mittldeitschn Literatursprouch. Bis ins 19. Joarhundert aine is dej oumaf. Leipzig wead aa es Zentrum vo Bouchdruck und n Bouchhondl.
In Norddeitschlond: vo 16. Joarhundert o a radikaler Sprouchwechsl, des hoisst de niderdeitsche Schreibsprouch wead afgem und d Sprouch vo Sidn iwanumma. Dej durn neie Schriftsprouch wead owa norddeitsch asgsprocha, dej Assprouch büldt spejter aa d Grundlouch vo da haitinga Standardsprouch.
1650 - 1750 Neihouchdeitsch In Groussn und Gonzn asgformt. Zwoa gechalaifiche Entwicklunga:
a) Es Neihouchdeitsche wead gor zo da haintinga deitschn Standardsprouch asbaut, standardisiert durchn ollgemoana Gebrauch in Schriftlinga, und seitn 16. Joarhundert schou durch Reglbejcher, spejter aa durch Werterbejcher - de Deitsche Bina-Assprouch (Siebs) 1898, en Duden 1880 und es Estareichische Werterbouch 1951.
b) Vo da Mittn vo 18. Joarhundert o wead Boarisch immer wenger gschrim, wal d Sprouch asn Noadn inn Sidn iwanumma wead. Boarisch iwalebt owa ols a Sprechsprouch mit an Haffa Dialekte.
1750 - haint boarische Dialekte

Sprouchliche Entwicklunga[VE | Weakln]

Dej ko'ma nouchad olle in da iwasichtstabölln studiern, ejtz wead zeascht amol bschrim, wos hinter deane steckt.

D Vokaldenung[VE | Weakln]

In da olthouchdeitschn Zeid houts schou kurze und longe Vokale gem. Dej hom owa mit da Lautumgebung und da Sülmstruktur nix zon tou ghott. In da mittlhouchdeitschn Zeid (schriftle nougwisn seitn 12. Joarhundert) han d Vokale in de offna Tonsülm in mejersülbate Werter dent worn, baispülswais mhd. wa-gen zo boar. Wòòng (stdd. Wagen), e-sel zo boar. Eesl (stdd.Esel), vo-gel zo boar. Voogl (stdd. Vogel). Aa Werter, wou in Genitiv und in Dativ zwoasülbat gwen han, han asu dent worn, baispülswais mhd. tac - Gen. tages - Dat. tage zo boar. Doog (stdd. Tag). In gschlossne Sülm hans owa kurz blim, baispülswais mhd. waz-zer zo boar. Wosser (stdd. Wasser), mhd. ac-ker zo boar. Ocker (stdd. Acker), mhd. kas-te zo boar. Kostn (stdd. Kasten). Dej Denunga han bol in gonzn deitschsprouchinga Raum possiert, ner niat in sidlinga Alemannischn. Es Boarische hout dej nu besser mitgmocht wej ondere Regionalsprouchn und es Standarddeitsche.

De Boarische Oasülberdenung[VE | Weakln]

Dou gejts um oasülbate Werter, dej wou urspringle an kurzn Vokal ghott hom. In ondere Regionalsprouchn, asgnumma de Nochbarn vo Boarischn, und in da Standardsprouch is dej Denung niat vawirklicht worn. Fir an Tol vo de boarischn Dialekte (bsunders in Oltbayern, owaestareich, Niderestareich, Solzburch) hout d Oasülberdenung ('deitsch: Einsilbendehnung) ba olle oasülbatn Werter mit an Vokal + an Fortiskonsonant oder a Konsonantngruppm gwirkt. Olle Werter in da Tabölln, wou de boarische Oasülberdenung gwirkt hout, han mit an houchgstölltn Oanser "1" kennzoichnat.

D Entrundung[VE | Weakln]

In vül boarische Dialekte han de mittlhouchdeitschn Vokale "ö", "œ", "ü", "iu" (= longs "ü"), "öü", "üe" zo "è"/"èj"/"èă", "i", "ai", "iă"/"ej" entrundet worn. Dej Erscheinunga find'ma aa in ondere Dialektgruppm in Bayern, Siddritschland, Estareich (owa niat in Vorarlberg) und in ostmittldeitschn Raum. Ogfongt hout d Entrundung in 13. Joarhundert in boarischn und in alemannischn Raum, nou houtsase inn rhainischn Westn in 15. Joarhundert und inn mittldeitschn Ostn in 16. Joarhundert asbroitt. D Werter mit Entrundung han mit an houchgstölltn Zwoarer "2" kennzoichnat.

A ondere Erscheinung hout in nordboarische, waldlerische und ostmittlboarische Dialekte zo enliche Lautt wej de grundetn Vokale "ö" und "ü" gfejert, nemle d Vaschmölzung vo aran gonz oder holwat vokalisiertn "l" mit "e" und "i". Des derf owa niat mit ara unterblima Entrundung in deane Dialekte vawechslt wern.

D Zwilautt[VE | Weakln]

In de boarischn Dialekte find'ma mejerer Zwilautt wej in da Standardsprouch. In da mittlhouchdeitschn Zeid houts d Zwilautt "ie", "uo" und "üe" gem. Dej homse in da Standardsprouch und oft in de mittldeitschn Dialekte zo de oafochn Lautt "i", "u" und "ü" entwickelt, in da Fochsprouch: Dej han monophthongiert worn, und dej drei Vaenderunga hoissn neihouchdeitsche Monophthongierung, dej loutse seitn 12. Joarhundert schriftle nouwaisn. In de boarischn Dialekte (wej in de schwebischn, de alemannischn und tolwais in de ostfrenkischn) han dej Zwilautt blim: "iă", "uă", "iă/üă". Ner in de nordboarischn Dialekte hans zeascht Oalautt worn, owa noucha wider Zwilautt, owa ondere: "ej", "ou", "ej". Dej hoissn immer nu "gestürzte" Zwilautt, wal'ma frejers gmoant ghott hout, das dej oafoch umdrat worn warn.

Wenn as Oalautt Zwoalautt wern, nou hoisst des in da Fochsprouch Diphthongierung. Des is in da Standardsprouch und in de boarischn Dialekte possiert, owa ba deane efters. Aa dej loutse seitn 12. Joarhundert nouwaisn. In de meastn boarischn Dialekte han de mittlhouchdeitschn Longvokale "ī", "ū", "iu" (a longs "ü") zo "ai", "au", "ai/ui/oi" worn (in de houch- und hejchst-alemannischn Dialekte hans owa Oalautt blim). D Sprouchwissnschoftler song neihouchdeitsche Diphthongierung, wenns dej drei Vazwilautunga moana. In de nordboarischn Dialekte han fost olle mitthouchdeitschn Longvokale zo Zwilautt worn (wej in an Tol vo de ostfrenkischn Dialekte), und sugor tolwais d Kurzvokale. Aa vül siidboarische Dialekte hom a enliche Entwicklung mitgmocht, owa oft mit an ondern Lautergebnis. D Werter mit derer Vazwilautung han mit an houchgstölltn Draier "3" kennzoichnat. De mittboarischn Dialekte hom vo dou her wenger Zwilautt, owa wecha eanerer "l"- und "r"-Vokalisierung wider ondere.

D Vadunklung vo "a"[VE | Weakln]

Es "a" is in Boarischn vadunklt worn, des hoisst, dass vadumpft (olso waiter hint in Mundraum assprocha) und ghum (olso mit ara gschlossnern Mundstöllung asgsprocha) worn is, wej d Sprouchwissnschoftler song. Dej Vadunklung gits in da deitschn Standardsprouch niat, und aa niat in da westlinga Nochbardialektgruppm, en Schwebischn. In da ondern Nochbardialektgruppm, en Ostfrenkischn, wead es "a" wenger vadunklt. Wej stork das es "a" in Boarischn vadunklt worn is, hengt vo de oanzlna Dialektgechadn o. D Vadunklung gejt vo dunkln "o", iwas offne "ò" bis zon gschlossna "o". Om wengstn vadunklt han de kurzn in westlinga Oltbayern, de longa dageng han dunkler, wej iwahapps in estlinga Oltbayern, in Estareich und in Sidtirol. Schriftle nouwaisn loutse d Vadunklung seitn 12. Joarhundert. D Werter mit derer Vadunklung han mit an houchgstölltn Vejerer "4" kennzoichnat.

D Senkung vo "ä"[VE | Weakln]

Es "ä" is in Boarischn zo ran hölln "à" gsenkt worn. Aa dou unterscheittsase vo de Nochbardialektgruppm, en Schwebischn und en Ostfrenkischn, wej aa vo da deitschn Standardsprouch. Drum gült des ols a boarische Kennlautung. Schriftle nouwaisn loutsase seitn 13. Joarhundert. Waiters han es mittlhouchdeitsche "ou" und da Umlaut vo dean, es "öü" in an groussn Tol vo de boarischn Dialekte zo ran hölln bis mittlhölln "a" worn. Aa ba Len- und Fremdwerter asn Standarddeitschn han de "a" normalerwais ols hölle bis mittlhölle "a" iwanumma worn. D Werter mit derer Vadunklung han mit an houchgstölltn Fimfer "5" kennzoichnat.

Es "oa"[VE | Weakln]

Des is wait bekonnt fias Boarische. Entwicklt houtsase asn oltn "ei", schriftle nouwaisn ko'mas seitn 13. Joarhundert. Entwicklt houtsase asu: ei --> ai --> oi --> oa. Virkuma touts owa niat blouß in Boarischn, sundern aa in an kleanern Tol vo Schwebischn und vo Alemannischn. In Nordboarischn, Nordmittlboarischn und in Waldlerischn toltsase in Ploz min "oi". In Nordost-Nordboarischn weadszo ran "oo", in Ostmittlboarischn zo ran "aa".

Es Kollmersche Gsez[VE | Weakln]

In Boarischn gits zwoa vaschine "e"- und "o"-Lautt. Des zo ran ò vadumpfte "a", wej oumat beschrim, und es o. Aa es "e" gits zwoamol: Oans wou asn Primärumlaut-"e" und asn entrundetn "ö" entstondn is (a gschlossns "e"), und oans wou asn germanischn "ë" entstondn is. In Oltbayern iss asu, das des in Mittlboarischn kurz e und long èè gsprocha wead, in Nordboarischn umkejert kurz è/ä und long ee. In mittlern Ostn vo Oltbayern is a Gebejt, wou da Effnungsgrod vo "e" niat vo da Leng ohenkt, sundern vo urolte Lautumgebunga nu as da olthouchdeitschn Zeid. Es Kollmersche Gsez sogt: Ma ko a offne Lautung in Werter mit da Endung "-el" oder "-eln" finna (bèèdln), waiters in Werter wou a Nasalkonsonant, der wou af olthouchdeitsch "-ōn" oder "-ūn" zruckgejt, min Wortstomm vaschmülzt (fèèng), und zletzt nu ba mennliche und waibliche Substantiv, dej wou in Olthouchdeitschn in Nominativ d Endung "-o" ghott hom (Stècka, Hèx). Bol olle ondern Werter wern mit an gschlossna "e" gsprocha (leesn, Weeder). Nouch de gleichn Regln han aa d Folgelautt vo olt-/mittlhouchdeitschn "a" vatolt. Ner vadumpfa Lautumgebunga, wou a offas "e" bewirka, a "a" stirker, nemle zo o (ansunstn wars a ò).

D Entwicklung vo "l"[VE | Weakln]

In de meastn mittlboarischn Dialekte und in an Tol vo de nord- und siidboarischn Dialekte in da Nejchtn vo de mittlboarischn (d "l"-Vokalisierung broittse as) is es "l" hinter Vokale und vor Konsonantn oder in Aslaut zo "i" vokalisiert worn, wobei da Vokal aa efters mit vaendert worn is. In de nordboarischn Dialekte is es "l" oft zo ran "ü"-holtinga Holbvokal worn, wej'ma in da Sprouchwissnschoft sogt, und aa donn is da Vokal efters mit vaendert worn. In de meastn siidboarischn Dialekte is es "l" ols Konsonant daholtn blim, und aa d Vokale han desweng niat vaendert worn. In de druntern Tabölln is d "l"-Entwicklung mit an houchgstölltn Sechser "6" kennzoichnat.

D Entwicklung vo "r"[VE | Weakln]

Wej dass in Oltbayern is: Hinter Vokale und vor Konsonantn oder in Aslaut wead es "r" haintzatoch in de meastn Dialekte zo "ă" vokalisiert. A konsequente "r"-Vokalisierung houts vor 70 Jouer ner in de Dialekte in estlinga Oltbayern (wej waiter in Ostn in Estareich) gem, seitdean iss in Bayern nouch Westn tolwais bis onn Lech (d Westgrenz vo Boarischn) gwondert. In Sidwestn, wou d Dialekte siidboarische Ainghaitn hom, is es "r" urspringle niat vokalisiert worn. Waiter in Noadn one an siidboarischn Ainflus, ner tolwais. In de druntern Tabölln is d "r"-Entwicklung mit an houchgstölltn Simer "7" kennzoichnat.

Wenn Konsonantn gschwecht wern oder weggfolln[VE | Weakln]

Wenn d Konsonanten "p", "t", "k" schwecher assprocha wern und se desweng mejerer wej "b", "d", "g" ohejern, sprecha d Fochlait vo Konsonantnschwechung. Dej gits aa ba ondere owadeitsche und ba mittldeitsche Dialekte, in Boarischn iss owa niat su stork aspregt. Wejs in de boarischn Dialekte is: In de nordboarischn und in de mittelboarischn Dialekte wern d Konsonantn "p", "t" und "k" (ner vor Konsonantn) schwecher asgsprocha, in Onlaut asser in an Tol Fremdwerter ollamol, ansunstn kommt's afn Sülmtyp o: entweder Longvokal + schwocher Konsonant oder Kurzvokal + storker Konsonant. "b", "d", "g" und "p", "t", "k" homse aa nu waiter oglicha, wals olle stimmlous und unbehaucht (ner "k" is in Onlaut vor Vokale behaucht) assprocha wern. In de druntern Tabölln is dej Entwicklung mit an houchgstölltn Ochter "8" kennzoichnat.

Waiters wern in Inlaut "b" und "p" hinter longe und dopplte Vokale zon (holwatn) Raiblaut "w" afgwoicht. In vül nordboarische Dialekte wead aa nu es "g" hinter longe und dopplte Vokale in Inlaut vor Vokale und in Aslaut zo "ch" (aa "gh" gschrim) afgwoicht. Spirantisierung hoisst'ma des in da Fochsprouch. In de druntern Tabölln is d Spirantisierung mit an houchgstölltn Neiner "9" kennzoichnat.

Weggfolln tejn "ch" in Aslaut und "d" und "t" vor "n" efters. Es "n" follt hinter Vokale in Aslaut efters wegg, da Vokal wead nou nasaliert. Hengtse a Vokal hinters "n", nou daschaints wider und da Vokal valejst sei nasale Assprouch. In de druntern Tabölln is da Asfoll mit an houchgstölltn Zianer "10" kennzoichnat.

De siidboarischn Dialekte hom d Konsonantnschwechung niat mitgmocht, es "b" wead sugor efters ols "p" gsprocha, und es "k" is in da Regl affriziert "kch", des hoisst: a Vaschluslaut + a Raiblaut. Des kumt nu vo da zwoatn (= houchdeitschn) Lautvaschejbung zwischan 5. undn 9. Joarhundert, wou de woichn Konsonantn b, d, g hirt worn han zo p, t, k, und de hirtn p, t, k affriziert worn han zo pf, ts, kch. Es "d" gits owa extra, wal des vo [θ] kummt. Des hout es Olt-Boarische in Sidn ollas mitgmocht ghott. In de druntern Tabölln is d Affrizierung vo kch mit an houchgstölltn Ölfer "11" kennzoichnat.

Es Sülmschnitgsetz[VE | Weakln]

In de meastn mittlboarischn und nordboarischn Dialekte gült es Sülmschnitgsetz. Des wead aa de Pfalzsche Regl hoissn, noun estareichischn Germanistn Anton Pfalz, der houts 1913 formuliert. Wos dass assogt: In betonte Sülm is vor an hirtn oder an gschirftn Konsonant (Fortiskonsonant) ner a kurzer Vokal megle, und nouch an longa Vokal ner a woicher Konsonant (Leniskonsonant). A Baispül fia an gsponntn Sülmschnit mit ara Fortis- oder schorfgschnina Sülm is Votter, a Baispül fia an ungsponntn Sülmschnit mit ara Lenis- oder schwochgschnina Sülm is Vooder. Woiche und hirte Forma hom olle Vaschluslautt ([] - [p], [] - [t], [] - [k], Nordboarisch: [ç]/[x] - []) und olle Raiblautt ([f] - [], [s] - [], [ʃ] - [ʃː], [ç]/[x] - [çː]/[]).

Wej de boarische Oasülberdenung, es Sülmschnitgsetz und d Konsonantnschwechung zommaspüln kinna[VE | Weakln]

Ba ran Haffa Werter endertse da Sülmtyp in Plural. Da oasülbate Singular is dent und da Konsonant is afgwoicht (lenisiert) worn: Driid, Schiif, Soog, Spruuch, da urspringle zwoasülbate Plural (es -e hint is weggfolln) is kurz blim und da Konsonant is hirt blim: Dritt, Schiff, Sekk, Sprich.

iwasichtstabölln[VE | Weakln]

Vokal-Phoneme[VE | Weakln]

In da druntern Tabölln stenga ner de wichtinga Phoneme, dej wou in praktisch olle Dialekte fiakumma. Wal Boarisch weder a standardisierte, nu a oahaitliche Sprouch is, toltse a jeders in a por Lautt af. Vo deane han de haptsechlinga afgnumma worn. Waiters kamadn je noun Dialekt nu Phoneme dazou. Ogem wern jewals es Phonem (in Schregstrich), nou da Laut in da IPA-Schreibwais und in da Wikipedia-Boarischn Umschrift, und de mittlhouchdeitschn Lautt. Mejerer und Gnauers findts in da groussn Vagleichs-Tabölln. De houchgstölltn Ziffern entsprecha de drowan Beschreibunga.

vorn hint
Phonem Laut mhd. Phonem Laut mhd.
houch /i/ 2
i
[i]
i
i, ü /u/
u
[u]
u
u
mittl /e/ 2
e
[e], [e̝]
e, e
e, ö /o/
o
[o], [o̝]
o, o
o
/ɛ/
è
[æ], [ɛ], [e]
ä, è, e
ë /ɔ/ 4
o
[ɒ], [ɔ], [o]
o, o, o
a
tejf /ạ/ 5
a
[ạ]
a
ä

Vokal-Lautenwicklunga iwa d Joartausad[VE | Weakln]

Wem'ma de Sprouchwissnschoftler eanere Forschungsergebniss zommafosst, nou ko'ma quase es Boarische lautmasse bis ins Indoeiropäische (in da deitschn Sprouchwissnschoft aa Indogermanisch ghoissn) zruck vafolng. Wej dasse d Vokale vaendert hom, is nouch gwisse Regln ogloffa.

De druntere Tabölln ols a iwasicht zoigt, wej dasse de Vokale in Groussn und Gonzn entwicklt hom. Olle Oanzlhaitn und Feinheitn han owa niat ogem, und aa niat d Zwilautt und onders, wosse as de Konsonantn-Vokalisierunga (vo "l", "r" und "n") dagem hout. Gnauers und mejerer zo de sprouchliche Entwicklunga findts in Gsatzl zo deane. In Mittlpunkt stejt d Entwicklungslinie zon Boarischn hi, es Rundumadum wead owa aa afzoigt. Baispül fia de oanzlna Dialektgruppm findts in de zwoa groussn Tabölln waiter drunt. D Lautt han in Groussn und Gonzn normalschriftle gschrim. Da Longstrich (Makron) - baispülswais "ā" - stejt fia longe Vokale. "ǝ" is da olte Schwa-Laut, "ë" is a offnerer "e"-Laut (germanischs "e"), dageng is "e" a gschlossnerer (Primär-Umlaut). D Zwilautt "ei" und "eu" stenga fia "e-i" und "e-u". Firs Boarische wead d Wikipedia-Boarische Umschrift hergnumma. D Hümmlsrichtunga moana en gonzn boarischn Sprouchraum. De larn Zölln song as, dasse dou nix mejer (grouß) vaendert hout.

De drei mittlern Spoltn zoing, zo wos das es jewals Voiche worn is. D Sprouch houtse nemle furter waiterentwicklt.

Intressant is aa, das da mittlhouchdeitsche Lautstond om bestn in de hejchst-alemannischn Dialekte daholtn blim is, wous weder de neihouchdeitsche Diphthongierung (ī --> ai, ū --> au, ǖ --> oi), nu de neihouchdeitsche Monophthongierung (ie --> ī, uo --> ū, üe --> ǖ), nu d Entrundung (ö --> e, ü --> i), nu d Vokaldenung git. In Boarischn (nu mejerer vazwilautet, aa entrundet, nix vaoalautet, u. o.) und in Standarddeitschn (oanstols vazwilautet, onderntols vaoalautet) houtse seit durtmols mejerer tou.

Indoeiropäisch, Indogermanisch Germanisch Olt-Boarisch, Olthouchdeitsch (boarischs) Mittlhouchdeitsch Boarisch haintzatoch (de wichtinga Entwicklunga)
i i i    
ë vor a, e, o   è - e; ej wenn deent, in Sidn
e ë ë
i vor i, j, u, Nasal    
u u u u  
ü vor i, j i
o vor a, e, o o o; uu, uă wenn deent, in Noadn wisawi en Ostfrenkischn; ou, öu wenn deent, in Sidn
ö vor i, j e; ii, iă wenn deent, in Noadn wisawi en Ostfrenkischn; ej wenn deent, in Sidn
o, ǝ, a a a a o; o wenn kurz blim, in westlinga Oltbayern
ä vor i, j a
e vor i, j   e; ii, iă wenn deent, in Noadn wisawi en Ostfrenkischn; ej wenn deent, in Sidn
ī, ei ī     ai; äe in da estlinga Mittn
ū ū   ū au; oo in da estlinga Mittn
ǖ vor i, j ai; äe in da estlinga Mittn
ē ǟ ā ā oo; ou in Noadn
ǟ vor i, j aa; aa, èj in Noadn
ō, ā ō uo uo uă; ou in Noadn; ui gonz in Ostn
üe vor i, j iă; ej in Noadn
ēi ē ie   iă; ej in Noadn
oi, ai ai ai ei oă; oă, oi in Noadn; aa in Ostn
ē vor r, h, w   èè; èj in Noadn; èă in Sidn + gonz in Westn
ou, au au au ou aa; in Doanaraum wej ban mhd. ū
öü vor i, j aa; in Doanaraum wej ban mhd. ū-Umlaut ǖ
ō vor germ. h und Dental ō ou in Noadn + Westn; oo in Ostn; oă in Sidn + gonz in Westn; eo, oe u. o. in da Mittn
ȫ vor i, j èè; èj in Noadn; èă in Sidn + gonz in Westn
eu eu io ie iă; ui, oi in da estlinga Mittn; ej in Noadn
iu vor i, j, u ǖ ai neier; ui, oi ölter + in Sidwestn nu

Vokale[VE | Weakln]

D Merkmol vo iwagongs- und Mischdialekte (Nordmittlboarisch, Sidmittlboarisch und ondere) han in zwoa (oder ejamol aa in drei) Spoltn zon finna. De houchgstölltn Ziffern entsprecha de drowan Beschreibunga.

D Lautgruppm, wejs noucharanond in da Tabölln stenga:

  • mittlhouchdeitsche oafoche Kurzvokale
  • mittlhouchdeitsche oafoche Longvokale
  • mittlhouchdeitsche Zwilautt
Standarddeitsch Mittlhouchdeitsch Westmittlboarisch Ostmittlboarisch Nordboarisch Siidboarisch
Baispül Laut Baispül Laut Baispül Laut Baispül Laut Baispül Laut Baispül Laut
Wasser a wazzer a Wossă4 (W),
Wossă4 (O)
o,
o
Wossă4, Wossă4 o, o Wossă4 (W),
Wossă4 (O)
o,
o
Wossăr4 o
Platz a plaz a Blooz1, Blooz1 (W)
Blooz1, Blooz1 (O)
oo, oo, oo Blooz1, Blooz1 oo, oo Blooz1, Blooz1 oo, oo Plotz o
Plätze ä plätze, pletze ä, e Blatz5, Bletz a, e Bletz e Blatz5, Bletz a, e Platz5 a
Wagen (Oazol) aa wagen a Woong, Woong (W)
Woong, Woong (O)
oo, oo, oo Woong, Woong oo, oo Woong, Woong oo, oo Woong, Woong oo, oo
Wägen / Wagen (Mejerzol) ää / aa wägene, wegene ä, e Waang5, Weeng aa, ee Weeng ee Waang5, Weeng aa, ee Waang5 aa
Bett e bette e Bett e Bett e Bett e Bètt è
Esel ee esel e Eesl ee Eesl ee Eesl,
Iisl (W/NW),
Iăsl3 (NO)
ee,
ii,
Eesl, Ejsl ee, ej
essen e ëzzen ë essn, èssn e, è essn e èssn, essn è, e èssn è
Dreck e drëc ë Dreeg1, Drèèg1 ee, èè Dreeg1 ee Dreeg1 ee Drèkch è
Feder ee vëder ë Feedă, Fèèdă ee, èè Feedă ee Feedă ee Fèèdăr, Feedăr, Fejdăr èè, ee, ej
bitten i bitten i bittn i bittn i bittn i bittn i
Fisch i visch i Fiisch1 ii Fiisch1 ii Fiisch1 ii Fisch1 i
nieder ii nider i niidă, niădă3 ii, iă niidă, niădă3 ii, iă niidă ii niidăr ii
Glocke o glocke o Glockn o Glockn o Glockn o Glokchn o
Frosch o vrosch o Froosch1 oo Froosch1 oo Froosch1,
Fruusch1 (W/NW),
Fruăsch3 (NO)
oo,
uu,
Frosch o
Vogel oo vogel o Voogl oo Voogl oo Voogl,
Vuugl (W/NW),
Vuăgl3 (NO)
oo,
uu,
Voogl, Vougl oo, ou
Frösche ö vrösche ö Fresch2 e Fresch2 e Fresch2 e Fresch2 e
Vögel öö vögel ö Veegl2 ee Veegl2 ee, öö Veegl2,
Viigl2 (W/NW),
Viăgl23 (NO)
ee,
ii,
Veegl2, Vejgl ee, ej
dumm u tumb u dumm u dumm u dumm u dumm u
Guss u guz u Guus1 uu Guus1 uu Guus1 uu Guss u
Schlüssel ü slüzzel ü Schlissl2 i Schlissl2 i Schlissl2 i Schlissl2 i
Flügel üü vlügel ü Fliigl2 ii Fliigl2 ii, üü Fliigl2 ii Fliigl2, Fliăgl23 ii, iă
Brücke ü brücke, brucke ü, u Bruck u Bruckn u Bruck u Brukchn u
Schaf aa schoaf aa Schoof, Schoof oo, oo Schoof, Schoof oo, oo Schouf3 ou Schoof, Schoof oo, oo
Käse ää kæse ää Kaas5 aa Kaas5 aa Kaas5 aa Kchaas5 aa
Schnee ee snee ee Schnèè
Schnèă3 (W)
èè
èă
Schnèè ää Schnèj3 èj Schnèă3 èă
Eis ai is ii Àis,
Ääs, Ejs (wald.)
ai
ää, ej
Äes äe Àis ai Àis ai
rot oo rot oo roud3
roăd3, rood (W)
ou
oă, oo
rood, rood oo, oo roud3 ou roăt3
böse öö bœse öö bèès2
bèăs23 (W)
èè
èă
bèès2 èè bèjs23 èj bèăs23 èă
Haus au hus uu Haus,
Haas, Hoos (wald.)
au,
aa, oo
Hous ou Haus au Haus au
Häuser oi hiuser üü Haisă2,
Hääsă2 (wald.)
ai,
ää
Häesă2 äe Haisă2 ai Haisăr2 ai
Feuer oi viur üü Faiă2,
Fääă2, Fejă2 (wald.)
ai,
ää, ej
Fäeă2 äe Faiă2 ai Fuiăr, Foiăr
Faiăr2 (O)
ui, oi
ai
Baum au boum ou Baam aa Baam aa Baam aa Baam aa
Bäume äu böüme öü Baam2, Baim2 aa, ai Baam aa Baim2, Baam2 ai, aa Baam aa
breit ai breit ej broăd oa broăd,
braad (NO)
,
aa
broăd,
brood (N)
oă,
oo
broăt
Leiter ai leiter ej Loătă oa Loătă,
Laată (NO)
,
aa
Loităn oi Loătăr
fliegen ii vliegen ii fliăng,
fluing, floing (wald.)
,
ui, oi
fliăng,
floing, fluing (N/O)
,
oi, ui
flejng ej fliăng
Kuh uu kuo uo Kuă Kuă,
Kui (O)
,
ui
Kou ou Kchuă
Kühe üü küe üe Kiă2 Kiă Kej2 ej Kchiă2

Konsonantn-iwasicht[VE | Weakln]

De druntere Tabölln zoigt olle Konsonantn, dej wou'ma in de boarischn Dialekte normalerwais findt. Olle Lautt, wou mit an Sterndl "*" kennzoichnat han, kinna niat sicher ols Phoneme ogseang wern. Bailaife hans 20 Phoneme mit 25 Lautunga. Omirkunga zo deane stenga unter da Tabölln, dou han aa Vawais af de drowan Beschreibunga.

  bilabial labio-
dental
alveolar post-
alveolar
palatal velar glottal
Plosive p *   t *     k * (ʔ) *
Affrikaten pf   ts   kx *  
Nasale m   n     ŋ  
Vibranten     r        
Frikative   f s * ʃ ç * x * h
Approximanten β̞ * ʋ     j    
Laterale     l        

Konsonantn-Lautenwicklunga iwa d Joartausad[VE | Weakln]

Wem'ma de Sprouchwissnschoftler eanere Forschungsergebniss zommafosst, nou ko'ma quase es Boarische lautmasse bis ins Indoeuropäische (in da deitschn Sprouchwissnschoft aa Indogermanisch ghoissn) zruck vafolng. Wej dasse d Konsonantn vaendert hom, is nouch gwisse Regln ogloffa. vo Indoeiropäischn zon Germanischn kumt'ma durch de easchte - de germanische - Lautvaschejbung. Dej hout vor iwa 3.000 Jouer ogfongt ghott und houtse iwa a por Joarhundert hizung. De zwoate - de houchdeitsche - Lautvaschejbung vo 5. bis 9. Joarhundert unterscheitt es Olt-Boarische und iwahapps es Olthouchdeitsche vo Niderdeitschn und iwahapps vo Germanischn. De durtmolinga Regionalsprouchn hom owa d Enderunga niat olle gleich stork mitgmocht, sundern de owadeitschn mejerer, de mittldeitschn wenger. Vo de owadeitschn es Houch- und Hejchst-Alemannische und es Siidboarische om meastn. Spejter houtse nu mejerer vaendert. Konsonantnmasse vo Olthouchdeitschn zon Mittlhouchdeitschn und nou zon Neihouchdeitschn wenger. Und aa in Siidboarischn houtse dou nemmer vül vaendert. Es Nord- und es Mittlboarische hom owa de binnahouchdeitsche Konsonantnschwechung tolwais mitgmocht, und bsunders es Mittboarische houtse nu waiter fia sich vaendert.

De druntere Tabölln ols a iwasicht zoigt, wejse de Konsonantn in Groussn und Gonzn entwicklt hom, olle Oanzlhaitn und Feinheitn han owa niat ogem. Gnauers zo de sprouchliche Entwicklunga findts in Gsatzl zo deane. Baispül fia de oanzlna Dialektgruppm finnts in da groussn Tabölln waiter drunt. D Kirzl ba de endgültinga Lautforma stenga fia de boarischn Dialektgruppm Nordboarisch (NB), Mittlboarisch (MB), Siidboarisch (SB) und Gsomtboarisch (B). Zon Vagleicha is Standarddeitsch (STD) aa ogem. D Lautt han in ara grob-phonetischn Schreibwais nidergschrim (χ = "ch", ʃ = "sch", z = stimmhafts "s"), owa niat direkt af IPA, wal um d Lautfeinheitn gejts ja niat. Su wejs holt gern d Sprouchwissnschoftler in eanere Tabölln schreim. In da Baispülspoltn han fia a jede Entwicklung oa oder zwoa Baispül mit an tippischn Entwicklungswech gnennt. Okirzt han: i. = Indoeiropäisch, g. = Germanisch, ahd. = Olthouchdeitsch, oltb. = Olt-Boarisch, b. = es haintiche Boarisch.

Indoeiropäisch, Indogermanisch germanische Lautvaschejbung houchdeitsche Lautvaschejbung Waiters Baispül
b p pf B, STD   g. plegan --> ahd. pflegan --> b. pfleeng
f B, STD   i. 'slāb- --> g. 'slǟpan --> ahd. 'slāfan --> b. 'schloffa
p f   i. pǝtēr --> g. fader --> ahd. fater --> b. Voda
b STD p SB gschwecht: b NB, MB i. bʰergʰ- --> g. berga- --> oltb. perg --> b. Beăg
'stöllungswais spirantisiert: w NB, MB g. librō(n) --> ahd. lebara --> b. Lewa
d t ts B, STD   i. dont- --> g. tanþ- --> ahd. zan(d) --> b. Zoo
s B, STD   i. ed- --> g. etan --> ahd. ezzan --> b. essn
t θ d B, STD   i. bʰrātēr --> g. brōþēr --> ahd. bruoder --> b. Bruăda
d t SB, STD gschwecht: d NB, MB i. dʰegʷʰ- --> g. daga- --> ahd. tag --> b. Doog
'stöllungswais asgfolln: -- NB, MB g. 'slidōn --> ahd. 'slito --> b. Schliin
g k STD SB gschwecht: k NB, MB i. grǝno- --> g. kurna- --> oltfrenk. korn, oltb. kchorn --> b. Koăn
gschwecht: g NB, MB i. agros --> g. akraz --> ahd. ackar --> b. Ogga
χ B, STD   i. mag- --> g. mak-ō- --> ahd. mahhōn --> b. mocha
k χ h B, STD   i. ker- --> g. hurna- --> ahd. horn --> b. Hoăn
g STD k SB gschwecht: g NB, MB i. gʰeu- --> g. guþ --> ahd. got, oltb. kot --> b. Good
'stöllungswais spirantisiert: χ NB i. wegʰ- --> g. wega- --> ahd. weg --> nordb. Weech
STD als k(w) kχw SB als kχ(w) gschwecht: k(w) NB, MB i. gʷeiǝ- --> g. quekka --> oltfrenk. quec, oltb. kchwek --> b. Queck-suiwa
χw vaoafacht: χ B, STD  
χʷ hw vaoafacht: w B, STD i. kʷod --> g. hwat- --> ahd. (h)waz --> b. wos
h vastummt oder χ B, STD i. leikʷ- --> g. leihw-a- --> ahd. līhan --> b. laicha, stdd.: leihen
gʷ --> w B, STD      
gʷʰ    
w B, STD       i. wokso- --> g. wahsa- --> ahd. wahs --> b. Wochs
j B, STD       i. jeug- --> g. juka- --> ahd. joh --> b. Jooch
l     daholtn: l NB, SB, STD  
'stöllungswais vokalisiert: i MB  
    vor an Vokal: l B, STD i. lei- --> g. laima --> ahd. leim --> b. Loăm
s s   s B, STD i. 'septm --> g. 'sebun --> ahd. 'sibun --> b. 'siim
"sk" und stöllungswais: ʃ B, STD i. 'skei- --> g. 'skībō --> ahd. 'skība --> b. Schaim
i. 'slāb-
--> g. 'slǟpan --> ahd. 'slāfan --> b. 'schloffa
z --> r B, STD      
r   daholtn: r SB  
'stöllungswais vokalisiert: ɐ NB, MB, STD  
    vor an Vokal: r B, STD i. roto- --> g. raþa- --> ahd. rad --> b. Ràdl
n     Endung daholtn: n n-NB, SB, STD  
Endung vokalisiert: ɐ s-NB, MB  
nouch an Vokal in Aslaut asgfolln: -- NB, MB  
    vor an Vokal: n B, STD i. nizdo- --> g. nista- --> ahd. nest --> b. Neesd
m B, STD       i. mel- --> g. mal-a- --> ahd. malan --> b. mòin

Bsunderhaitn gitts ba de Laut p und tsch. Dou wead aa iwahapps zoigt, das schou ollawal Werter afgnumma und büldt worn han.

Hainticha Laut Wou'a herkummt Baispül
p Durch de zwoate Lautvaschejbung han de germanischn p zo pf, ff oder f worn. Werter mit an p han nouch da Lautvaschejbung as ondere Sprouchn afgnumma worn. Waiters kummt es p in lautmolade Werter fia. In Nord- und in Mittlboarischn is es p zo ran b ogschwecht worn. niat lautvaschum: lat. pār --> b. Bòòa, stdd. Paar
lautvaschum: lat. planta --> ahd. pflanza --> b. Pflonzn
lautlmolad: papp- --> b. Bopp, Bàppm
tsch Werter mit tsch kumma tolwais as ondere Sprouchn, tolwais hans lautmolad, tolwais han ondere Lautt (t, ts) ogwondlt worn. tschech. kolač (Koucha) --> b. Kolàtschn, Golàtschn
ladin. lač --> b. Lààdschn (a Bam)
lautmolad: patsch- --> b. botschn
Intensivum zo gräten = grätschen --> b. grààdschn
Oblaitung zo mhd. hotzen --> nordb. Hetschn (= Hötsche), frenk. aa Hotschl, Hötschl

Konsonantn und Onders[VE | Weakln]

In da druntern Tabölln gejts niat um olle Konsonantn, sundern ner um Bsunderhaitn in Boarischn. De houchgstölltn Ziffern entsprecha de drowan Beschreibunga.

Standarddeitsch Erklerunga Westmittlboarisch Ostmittlboarisch Nordboarisch Siidboarisch
Baispül Laut     Baispül Laut Baispül Laut Baispül Laut Baispül Laut
Mann an Nasalierung
und Asfoll vo "n"
Moo, Moo oo, oo Mauau auau Mauau (W),
Moo (S, O),
Moă3 (N)
auau,
oo,
Mon, Moun on
Stein ain Schdoă Schdoă,
Schdaa (NO)
,
aa
Schdoă, Schdoi,
Schdoo (N)
oă, oi,
oo
Stoăn oăn
alter
Wald
al "l"-Vokalisierung
und d Vokalvaenderunga durch dej
6
oită
Woid
oi oită
Woid
oi oltă
Woold
ol
ool
oltăr
Wold, Wolt
ol
Geld el Gejd, Gèjd, Goid
Gööd (wald.)
ej, èj, oi
öö
Gööd öö Göld öl Gèld, Gèlt, Gald èl, al
wild il wuid (W)
wejd, wèjd (O)
wüüd (wald.)
wiid (S)
ui
ej, èj
üü
ii
wüüd üü wüld ül wilt il
Holz ol Hoiz oi Hoiz oi Hulz
Holz (S/SO)
ul
ol
Holz, Hulz, Holz ol, ul
weil; Maul eil; aul wai, Mai ai wẽu; Mẽu ẽu wal; Mal al wal, weil; Mal, Maul al
Schnabel, scheppern -b-, -p- Konsonantnschwechung
Konsonantnasfoll
Spirantisierung
Affrizierung (bo "kch")
Lautvaschejbung

8 9 10 11
Schnoowĕ, scheewăn -b-, -w- Schnoowü, schèèwăn -w- Schnoowl, scheewăn -w- Schnoobl, schebban, tscheppeern -b-
Weg, mager -g Weeg, moogă -g Weeg, moogă -g Weech, moochă -ch Weeg, Weg, moogăr -g
ich, noch -ch i, nu / no ---- i, nu ---- i, nu ---- i, no, no ----
reden, Schlitten -d-, -t- reen, Schliin ---- reen, Schliin ---- reen, Schliin ---- reen, Schlittn, Schlitn -d-
Pech, Platz, Pratze p- Beech, Blooz, Brotzn b- Beech, Blooz, Brotzn b- Beech, Blooz, Brotzn b- Pech, Plotz, Protz(n) p-
Tag, Traum t- Doog, Draam d-, dr- Doog, Draam d-, dr- Dooch, Draam d- Dog, Traam t-, tr-
Kanne k- Konnă k- Kaunn k- Konnă k- Kchonn, Khondl kch-
gehören geh- keăn k- keăn k- kèjăn k- keăn, kern k-
Kluppe, Krampf, Knie kl-, kr-, kn- Glubbăl, Grompf, Gniă
Kluppăl, Krompf, Kniă (S/SW)
g-
k-
Glubbm, Graumpf, Gniă
Klubbm, Kraumpf, Kniă (S/SW)
g-
k-
Glubbăl, Grompf, Gnej g- Kchluppăle, Kchrompf, Kchniă, Kluppm kch-
Acker, dreckig -ck- Ogkă, dregkăd
Okkă(r), drekkăd (S/SW)
-gk-
-kk-
ogkă, dregkăd
okkă, drekkăd (S/SW)
-gk-
-kk-
Ogkă, dregkăd -gk- okchăr, drekchăd, drekhig -kch-
backen, Kalk -ck-, -k- bochă, Koich -ch-     boch-ă/-n, Koolch -ch-    
erst, Ferse, Kasper s' Entwicklung vo
"rs", "sp", "st"
eăscht, Feăschn / Feăsn, Kaschbăl sch, s' eăscht, Feăschn, Kaschbăl sch' eăscht, Feăschn, Kaschbăl sch' ersch(t), Fersch(n), Kchaschbăle, Khaschpr sch'
fest, du sagst st' fest, du sogst,
fescht, du sogsch(t) (W/SW)
scht, sch(t)' fest, du sogst st' fest, du sogst st' fescht, du soggsch scht, sch'
leben, reden, legen -en Infinitiv-Endunga leem, reen, leeng -m, -n, -ng leem, reen, leeng -m, -n, -ng leem, reen, leeng -m, -n, -ng leem, reen, leeng -m, -n, -ng
kommen, kennen, singen -en kemmă / kummă, kennă, singă -a kummă / kemmă, kennă, singă kummă, kennă, singă kchemmen, khejmen, kchennen, khejnen, singen -en
schauen, schneien, bauen -en schaung, schneim, baun -ng, -m, -n schauun, schaugn, schnoaim, bauun -n, -m, -n schauă, schneiă, bauă schaung, schneibn, baun, paudn -ng, -bn, -n
hoffen, stechen, hocken -fen, -chen, -ken hoffă, stechă, hoggă -fă, -chă, -gă hoffm, stechn, hoggn (tolwais + wien.)
hoffă, stechă, hoggă (tolwais)
-fm, -chn, -gn
-fă, -chă, -gă
hoffm, stechn, hoggn (N)
hoffă, stechă, hoggă (S)
-fm, -chn, -gn
-fă, -chă, -gă
hoffm, hofn, stechn, hokchn, hukhn -fm, -chn, -kchn
Acker -er "r"-Vokalisierung
Endsülm "-er"
7
Ogkă,
Okkă, Okkăr (SW)

-ă, -ăr
ogkă Ogkă okchăr, okchr (W)
okcho, okcha (O)
-ăr, -r
-o, -a
mehr
Joar
Bier
Schnur
 
"r"-Vokalisierung
Zwi-, Drailautt
7
meeă
Joar / Jooă
Biiă
Schnuuă
 
meeă
Jooă
Biiă
Schnuuă
 
mèjă3 / mèèă
Jouă3 / Jooă
Bejă3 / Biiă
Schnouă3 / Schnuuă
1. (W/N) / 2. (S/SO)
mer
Joar
Bir / Pioar
Schnur / Schnueer
 
fahren
schwarz
Dorf
Wort
"r"-Vokalisierung 7 foon / foorn / fooăn
schwooz / schworz / schwoăz
Doăf / Dorf
Woăt / Wort
fooăn
schwoăz
Doăf / Duăf
Woăt / Wuăt
fooăn
schwoăz
Doăf / Dorf
Woăt / Wort
foorn
schworz / -rschz / -schz / -chz
Dorf
Wort / -rscht / -scht / -cht / Wort
-lein / -chen (Oazol)
-lein / -chen (Mehrzahl)
Vakleanerungs-Nouchsülm -l / -ăl / -ai / -ei / -i / -ĕ
-ln / -ăln / -ai / -ei / -i / -ĕ
-l / -ăl
-ln / -ăln
-l / -ăl
-lă / -ălă
-ăle
-ălen
an-
ab-
ein-
hinein-
hinunter-
Vorsülm oo-
oo-
oai-
oainĕ-
owĕ-
auau-
oo-
oai-
oainĕ-
owĕ-
auau- (W) / oo- (S, O) / oă- (N)
oo- / oo-
oaoa- / oai-
oai- / oainĕ- / oaichĕ-
oi- / oichĕ- / oinĕ-
 

D Kirzl:
(N)/(S)/(O)/(W) = in an Tol vo Sprouchgebejt, Hümmlsrichtunga innerholb vo Dialekthaptgruppm-Sprouchgebejt
(wald.) = waldlerisch, des is (Nord-)Mittlboarisch in Boarischn/owapfölzer/Bejmerwold

Beleg[VE | Weakln]

Schau aa unter[VE | Weakln]