Der Bulle von Tölz: Der Tölzi

Aus Wikipedia
Zur Navigation springen Zur Suche springen
Der Artikl is im Dialekt Obaboarisch gschrim worn.
Foig der Serie Der Bulle von Tölz
OriginaltitlDer Tölzi
ProduktionslandDeitschland
OriginalsprochDeitsch/Boarisch
Läng93 Minutn
OitasfreigobFSK 12
EinordnungStaffel 11, Foig 3
50. Foig insgesamt
Easchdausstrohlung6. Oktoba 2004 auf Sat.1
Stab
RegieWolfgang F. Henschel
DrahbuachDinah Marte Golch
ProduktionErnst von Theumer junior
MusiUli Kümpfel
KameraThomas Schwan
SchnittMichael Breining
Bsetzung
Episodnlistn

Der Tölzi is a deitscha Feansehfuim van Wolfgang F. Henschel ausm Joar 2004 noch on Drahbuach vo da Dinah Marte Golch. Es is de 50. Foig vo da Krimiserie Da Bulle vo Däiz midm Ottfried Fischer ois Hauptkommissar Benno Berghammer. Da Fuim is zun easchtn Moi am 6. Oktoba 2004 af Sat.1 ausgstroit worn.

Handlung[VE | Weakln]

Da Bauuntanehma Anton Rambold baut im Däiza Moos on umstrittnan Wohnpark. Dawei a Umwejtgruppn gega des Projekt protestiat, wead in da Baugruam a Leich gfundn. De Kriminala Benno Berghammer und Sabrina Lorenz wead da Zuatritt vaweaht, wei da Anthropolog Peter Schorlemmer zeascht am Fundort is und eakleart, doss’s a Moorleich aus da Kejtnzeit is. Ruckndeckung kriagt ea van Stootssekretär Schosser.

Scho am nächstn Dog wean da Berghammer und de Lorenz wieda zu on Tatort gruafa. Da Fotoreporter Michael Brandtner wead daschlong in seina Wohnung afgfunden. Ea hod bei da Nocht an Wachmo gschmiat und vabotnaweis de Mumie fotografiat. Es stejd si außa, doss da Brandner bei de Weiba on außagwehnlichn Vaschleiß ghobt hod und si mid vafängliche Buidln vo Großkopfadn a beträchtlichs Zuabrot vadeant hod.

Da Sepp Schorlemmer, dea wo Loata vo da Umwejtinitiative und a Bruader van Anthropologn is, grot in Fokus vo de Eamittlungan. Vor oan Joar woit da Fotoreporta on sei Ehefrau Angelika drokemma. Kuaz draf is de Frau spualos vaschwundn, seitdem hod da Sepp Schorlemmer schware Depressiona. A Moard aus Eifasucht noch oan Joar dascheint de Kriminala zwoar a weng weid heaghoit, oba raa ned ausgschlossn. Do foid an Benno Berghammer ei, doss’s no a zwoate Frau Schorlemmer gibt, nämli de Ehegattin van Anthropologn. Meglichaweis woar se dejenige, wo untam Nochnaman a Hotejzimma gnumma und midm Brandtner gnächtigt hod. D’Isabella Schorlemmer gibt glei zua, doss midm Fotografn a Gspusi ghobt hod, behaptet oba, doss mid eam Schluss gmocht hod. Do kimmt grod ia Mo hoam. De Kommissar frong eam noch sein Alibi, aft sogt sei Frau, doss ea dahoam im Bett woar.

Dawei hod ma d’Moorleich ins Anthropologische Institut z Minga brocht, oba vo dort vaschwindts, nochdem bekannt wead, doss a italienischa Anthropolog se beguatochtn soi.

Im Rahma vo da Beeadigung van Fotografen Michael Brandtner setzt da Sepp Schorlemmer afm Friedhof a Urne bei. De Kommissar lossns ausgrom und an Inhoit van Grichtsmedizina Dr. Robert Sprung untasuacha, oba es hondlt si um Gruikoin. Da Peter Schorlemmer hods sein Bruada gem, dmid dea ebbs hod, vo dem wo ea si vaobschiedn ko. Da Dr. Sprung vazejhd an Kommissar Berghammer, doss da Anthropolog imma wieda vagebli Oträg af Ibalossung vo frische Tode stejd, wei ea beweisn wui, doss ma Moorleichen taischad echt ausseng lossn ko. De Kommissar san si jetzad ziemli sicha, doss da Peter Schorlemmer sei Schwägarin umbrocht, mumifiziat und im Däiza Moos entsorgt hod.

Da Sepp Schorlemmer stejd sein Bruada wega da Gruikoin zua Red und entdeckt bei deara Glengheit de Buidln vo da Moorleich, de wo de Kommissarin Lorenz om Anthropologn zun Kopian ibalossn hod. Ea dakennt draf oadeiti sei Frau Angelika und wiaft an Peter vor, doss eas fia seine Experimente missbraucht hod. Oba dea argumentiat, doss ea eam hejfa woit, oba ea hod de Leich ned fia längane Zeid im Institut vastecka kinna. Da Peter sogt außadem, doss ea ned fian Tod vo seina Schwägarin vaontwortli is, weis a Unfoi woar. In dem Moment kemman de Kommissar dazua und woin an Peter Schorlemmer wegan Moard vahoftn, do gibt sei Bruada zua, doss ea sei Frau vor lauta Eifasucht im Streid gstessn hod, und do iss af on Stoa gfoin.

De Kommissarin Lorenz redt an Anthropologn ins Gwissn, weis glabt, doss ea de Leich ausm Institut vaschwindn lossn hod. Ea siagt schliaßli ei, doss sei Schwägarin a oständigs Begrebnis vadeant hod, und fiahd de Kriminala zu an Rambold seina Baustej im Däiza Moos, wo de Tode in da Zwischnzeit eibetoniat worn is.

Da Peter Schorlemmer reagiat unglaibi, wia ra eafoart, doss sei Frau a Gspusi midm Fotografn ghobt hom soi. S Alibi, des wo d’Isabella eam gem hod, is foisch; ea hod de Tatnocht z Minga vabrocht. De Kriminala wead oimähli kloar, doss de Schorlemmerin as Alibi fia si sejba braucht hod, wei ned se, sondan da Fotograf gega ian Wuin Schluss gmocht hod. Aus de Oanzlvabindungsnochweis geht heavor, doss se vor Mittanocht mehrane Moi eafoiglos ban Brandtner ogruafa hod. Da Berghammer und de Lorenz vawickln d’Isabella Schorlemmer in Widasprich und vasichan ia, doss de heidige Gentechnik aa kloanste Spuan vo ia am Kamerastativ findn wead. Do gibt's af und sogt aus, doss da Brandtner mid ia Schluss gmocht hod, weis eam koane Informationa ned gem woit, de wo ea zun Eapressn van Stootssekretär Schosser und an Anton Rambold vawendn woit. Se hod eam drenzad obettlt, oba ea hod si oafoch weggadraht und feangschaugt.

Hintagrund[VE | Weakln]

Gfuimt worn is haptsächli z Däiz;[1] ois Schaublotz fia de „Pension Resi“ homs as Hollerhaus Irschnhausn heagnumma.

Im Netz[VE | Weakln]

Beleg[VE | Weakln]

  1. Der Tölzi – derbullevontoelz.de