Der Bulle von Tölz: Salzburger Nockerl

Der Artikl is im Dialekt Obaboarisch gschriem worn.

Foig der Serie Der Bulle von Tölz
Originaltitl	Salzburger Nockerl
Produktionsland	Deitschland
Originalsproch	Deitsch/Boarisch
Läng	92 Minutn
Oitasfreigob	FSK 12
Einordnung	Staffel 9, Foig 2 39. Foig insgesamt
Easchdausstrohlung	30. Oktoba 2002 auf Sat.1
Stab
Regie	Werner Masten
Drahbuach	Ralph Werner
Produktion	Ernst von Theumer junior
Musi	Uli Kümpfel
Kamera	Rainer Lauter
Schnitt	Michael Breining
Bsetzung
Ottfried Fischer: Hauptkommissar Benno Berghammer Katerina Jacob: Hauptkommissarin Sabrina Lorenz Ruth Drexel: Resi Berghammer Heinz Marecek: Kommissar Leo Percht Karlheinz Hackl: Dieter Hepp Nina Bagusat: Martina Hepp Alexander Strobele: Herr Zaunschirm Christian Spatzek: Bernd Mühlbacher Bibiana Zeller: Vroni Marion Mitterhammer: Frau Palfinger Dierk Prawdzik: Alex Hinterholzer Andreas Wimberger: Dr. Schmutzler Erwin Leder: Sandler „Professor“ Karl Fischer: Herr Armanshauser
► Episodnlistn

Salzburger Nockerl is a deitscha Feansehfuim van Werner Masten ausm Joar 2002 noch on Drahbuach van Ralph Werner. Es is de 39. Foig vo da Krimiserie Da Bulle vo Däiz midm Ottfried Fischer ois Hauptkommissar Benno Berghammer. Da Fuim is zun easchtn Moi am 30. Oktoba 2002 af Sat.1 ausgstroit worn.

Handlung[Werkeln | Am Gwëntext werkeln]

De Kriminala Benno Berghammer und Sabrina Lorenz wean noch Soizbuag af on Kongress zua boarisch-östareichischn Zammorbat gschickt. D’Resi Berghammer nutz de Midfoarglengheit und bsuacht a oide Freindin.

Wia de Berghammerin on Powerdrink „Amadeus“ drunga hod, weads mid ara Barbituratvagiftung ins Kranknhaus eigliefad, kimmt oba schnej wieda af d’Fiaß. Oba wia da Rechtsanwoit Dr. Schmutzler se draf bringt, doss a Schmeaznsgejd valonga ko, wonns bleibade Schädn davotrogt, klogts af amoi iba Miadigkeit und Schädlweh und losst si im Rolli umanondaschiam. Ia Sohn Benno eafoart boid draf, doss eh bloß d’Vasicharung bscheißn wui, und setzt an Schauspui a gachs End.

Da Kommissar Berghammer frogt sein Soizbuaga Kollegn Leo Percht, ob da Heasteja van Powerdrink eapresst wead, wei am Vordog afm Mozartsteg a Mo mid de sejbn Symptome zammbrocha is, wias bei seina Muada aftredn san. Da Kommissar Percht glabt ned on a Eapressung, wei seina Eafoarung noch um de Joareszeit de Sejbstmoardrate steigt.

Da Benno Berghammer frogt an Dieter Hepp, an Chef vo da Heastejafiama, obs eapresst wean, oba dea stejd des in Obred. Af d’Frog, ob ebba nausgschmissn worn is, dea wo si ins Unrecht gsetzt fuid, nennt da Hepp on gwissn Armanshauser, dea wo in da Produktentwicklung gorbat hod, oba ea traut eam a soichene Tat ned zua.

Doss as Untanehman doh eapresst wead, eafoart da Berghammer eascht, wia in on Eapressaschreim mid Tode droht wead, wonn da Hepp ned drei Milliona Euro zoid.

Da Kommissar Berghammer findt außa, doss’s no on Vagiftungsfoi gem hod, und bsuacht s Opfa, a Sandla, wo si „Professor“ nenna losst. Dea hod on Powerdrink van Sandla „Blaumantel“ kriagt, bvor dea afm Mönchsberg z’tod kemma is. Van „Blaumantel“ wui ea eafoarn hom, doss dea a Frau gseng hod, wias in on Supamoarkt Dranglbixn deponiat hod und danoch in a Auto gstieng is. Laut Grichtsmedizin is da „Blaumantel“ duach on Schlog afn Hintakopf umbrocht worn und sei Gwand woar mid rodn Marmorstaub bedeckt. Schleifspuan im Gros deitn draf hi, doss Fund- und Tatort ned identisch san.

Dawei si de Polizei am vorgemnan Ibagabeort postiat, sogt da Dieter Hepp an Kommissar Percht am Telefon, doss da Eapressa an Ort vo da Gejdibagob ins Eikafszentrum „Europark“ valegt hod. Wia de Polizei dort eitrifft, findts an Hepp afm Doch van Eikafszentrum mid ara Schussvaletzung vor. Da Hepp sogt, doss ea an Eapressa mid da Woffn afhoidn woit; es häd a Grangl gem und do häd si da Schuss glest.

Da Benno Berghammer hod in da Zwischnzeit außagfundn, doss an Dieter Hepp sei Frau Martina a gschlampads Vahäitnis midm Fitnesstraina Alex Hinterholzer hod. Es kannt oiso sei, doss zammad mid iam Gspusi ian Mo eapresst.

Da Dieter Hepp vadächtigt sein Konkurrentn Zaunschirm, doss dea eam woarscheinli ruinian wui, wei dea sein Betrieb ibanehma mechad, oba da Zaunschirm moant, doss ea an Hepp sei Fiama friahra oda spada eh kriang wead.

Da Bernd Mühlbacher, an Hepp sei rechte Hond in da Fiama, is wega illegale Glicksspuie hoch vaschuidet und drum emfois vadächtig, oba de Kommissar kinnan eam nix beweisn.

Da Benno Berghammer und de Sabrina Lorenz entdeckn afm Doch van Eikafszentrum, doss de Schraubn vo da Obdeckung van Liftungsschacht glest worn san, emso de van Liftungsgitta vo ara Umkleidekabine vo on Bekleidungsgschäft. So eng, wia da Schacht is, deafad da Eapressa weiblich sei. Jedenfois hod si de Peason im Schacht obgseilt. A Vakaifarin eainnat si on a Kundin, de wo ungfähr a hoibe Stund long in deara Kabin woar und imma wieda ondane Gwanda probian woit. De Peasonanbschreibung passt ungfähr af de Martina Hepp, oba wia da Berghammer da Vakaifarin a Buidl vo da Frau Palfinger zoagt, an Hepp sei Sekretärin, is se si sicha, doss des de Kundin is. Oba de Palfingerin wui zua froglichn Zeit im Büro gwen sei.

Wia da Benno Berghammer an Kommissar Percht driba in Kenntnis setzt, doss an Hepp sei Sekretärin in de Soch vawickld is, eafoart ea vo da Hausduachsuachung ban Armanshauser, wo belastends Materioi gfundn worn is. An Hiweis draf hod a anonyme Oruafarin da Polizei gem. Da Berghammer is oba davo ibazeigt, doss as Beweismaterioi an Armanshauser untagschom worn is, und greift in de Trickkistn. Ea vaspricht an Bernd Mühlbacher, doss ea wega seine illegalen Glicksspuie ned ozoagt wead, wonn ea da Polizei huift.

Da Dieter Hepp und sei Sekretärin woin grod ian Eafoig feian, do kimmt da Bernd Mühlbacher dazua und fordad oa Million Euro, wonn ea s Mai hoid. Wia de Palfingerin a Woffn ziagt, taucht da Kommissar Berghammer ausm Hintagrund af und rodt ia vo iam Vorhom ob. Ea wiaft an Hepp vor, doss ea an Sandla „Blaumantel“ umbrocht hod, wei dea eam woahrscheinli eapressn woit. Da rode Marmorstaub am Gwand van Todn stommt nämli oadeiti van Eigongsbereich van Hepp sein Haus. Aft woin da Hepp und de Palfingerin obhaun, oba draußn woartn scho de Kriminala Lorenz und Percht.