Eazbeag

Aus Wikipedia
Zur Navigation springen Zur Suche springen
Eazbeag
Erzberg
Da Eazbeag vom Pfaffenstein gseng

Da Eazbeag vom Pfaffenstein gseng

Häh 1.466 m i. A.
Log Steiermark, Österreich
Beag Eisenerzer Alpen
Geographische Log 47° 31′ 30″ N, 14° 54′ 42″ O47.52514.9116666666671466Koordinaten: 47° 31′ 30″ N, 14° 54′ 42″ O
Eazbeag (Steiermark)
Eazbeag
Bsundaheidn Die Höhe vor Beginn des Tagbergbaus betrug 1.532 m i. A.
Stolleneingang um 1910

Da Eazbeag (dt.: Erzberg) is a Beag im Steirischn bei da Stood Eisenerz in da Gebiagsgruppn vo de Eisneaza Oipn. Wenigstns seitn 11. Joarhundat wiad dodan Eisneaz obaut, zum greßtn Täu Siderit. Es is da greßte Dogbau vo gaunz Middleiropa und fia Siderit speziöö übahaupt vo da gaunzn Wööd. Ma haaßt den Beag as „Steirischer Brotlaib“, wäu a aa heit no wiatschoftlich fia de gaunze Gegng, de jo a bißl schwach auf da Brust is, a eche Aussereißa is. Wichtige Eirichtungan wia de Voestalpine mid eanare Stoiweak in Linz und Leobn-Donawitz odaraa de Montanuniversität Leoben vadaunkn dem Beag eana Existenz. Ea woa de Grundlog fian wirtschaftlichen Aufschwung vo da Region Eisenwurzen und da estlichn Obasteiamoak vom 16. bis zum 20. Joahundat. Heit betreibt do de „VA Erzberg GmbH“, de wos aa zum Voestalpine-Konzean gheat, in Beagbau.

Geologie[VE | Weakln]

Da Eazbeag gheat zua Grauwackenzone. Ea güüt ois des allagreßte Vuakumman wöödweit vo Siderit (fia de Chemika: FeCO3). Danem is im obautn Materiäu no aa Ankerit und des eisnreiche Gstaa Dolomit. Wegn dera Mischung mit weniga eisnreichn Zeig liegt da effektive Eisngehoit bei 22-40 %, im Durchschnitt sans ziaka 33 %.

Im Joa wean vuileicht 2 Millionen Tonnen Eaz obaut, de daun mid da Eisnbau entweda noch Linz (1,5 Millionen Tonnen) oda noch Leoben-Donawitz (750.000 Tonnen) gschickt wean.[1] Noch aktuöön Schätzungan maanan de Fochleit, doss de Eazvuarät no fia viazg bis fuffzg Joa reichn wean.

Beleg[VE | Weakln]

  1. Eisneaz – da wichtigste Rohstoff fia de Eisn- und Stoi-Industrie (PDF; 89 kB) bei da VOESTALPINE ogruafn am 25. Mai 2015

Im Netz[VE | Weakln]

 Commons: Eazbeag – Sammlung vo Buidl, Videos und Audiodateien
Normdatn: GND: 4015467-1 | VIAF: 242065878