Hebräisch im Boarischn

Hebrejsch in n Boarischn moint d Weata, dea wou von n Hebrejschn i s Boarisch eina san. Zou d Weata, wou iwa s Jiddisch un aschkenasische Hebrejisch i s Boarischa kumma han schau unta Jiddisch im Boarischn. Vill vo de hebrejschn Weata, wou ned iwa s Jiddisch han, han an Umweḡ iwa s Aramejsch, es Griechisch oda es Latein ganga. Feana git s owa aa spadane Weata u ganz neia Weata, wou mid da jingan Gschicht seit n Zwoatn Weltkrejḡ zammhenka.

Biblische Weata

In n Folngatn findt se a List vo biwlischa Loanweata.

Woat	Latein	Griechisch	Hebrejsch
Allelujah, Halleluja	Alleluia	ἁλληλουϊά	הַלְּלוּיָהּ‎ hallelu jah „Luabts en Herrgott“
Amen	amen	ἀμήν amēn	אמן‎ āmēn „aso is s“
Juwalejum	iubilaeus	ἰωβήλ	כְּרֻבִים‎ Jōḇēl [jo'vɛl] „Scholl von n Widdahorn“
„S Widdahoan is u. A. zan oi 49 Joar eihtretandn Hoibjoar blosn worn, wo Fejda und Weingeatn ned bebaud wean hom deafn. In da Vulgata hod se des mid da lat. Wiedagob van hebr. Woat midm vlat. jubilum „s Jauchzn“ aus lat. iubilare „jauchzn“ vamischd. Aus dera Vamischung is annus iubilaeus entstondn, do draus Jubejoar, iubilaeum, do draus Jubiläum, und iubilarius, do draus Jubilar.“
Kerubim	Cherubim	χερουβείμ	כְּרֻבִים‎ Kerūbîm
Lewjatan	Leviathan	Λεβιάθαν	לִויָתָן‎ Liwjāṯān
Manna	Manna	μάννα	מן‎ mān
Messias	Messias	Μεσσίας	משיח‎ Maschiach [ma'ʃiaχ] „Gsolbta“
Fareseja (NT)	Pharisaeus	Φαρισαῖος pharisaios	פְּרוּשִׁים‎ Perūschîm
Rabbi (NT)	Rabbi	ῥαββί	רַבִּי‎ Rabbi „mei Lehra“
Satan	Satan	Σατανᾶς Satanâs	שָׂטָן‎ Sātān
Schabbat	Sabbatum	Σάββατο	שבת‎ Schabbāṯ „Rouh, Pausn, Lusum“.
Von n hebrejschn Schabbat kumt mid grichischa Vamittlung wuhl aa da Samstdoḡ un iwa s Englisch aa s Woat Sabbatical.
Serafim	Seraphim	σεραφείμ	שְׂרָפִים‎ Śerāfîm
Tohuwabohu (direkt)			תהו ובהו‎ tohu wa-ḇohu „wejst un oaschichte“

Iwa d Biwl han aa ganz vill hebrejscha Nama u Bnenunga von n Hebrejschn u Jidisch-Aramejschn iwanumma woan, doudrunta u. a. dea folngatn Toponymm un Aingnama.

Woat	Latein	Griechisch	Hebrejsch
Ådam	Adam	Αδάμ	אָדָם‎ Ādām
Babel	Babylon	Βαβυλών Babylṓn	בבל‎ Bāḇel
Betlehem	Bethleem	Βηθλεέμ	בֵּית לֶחֶם‎ Bêṯ Leḥem
Daniel	Daniel	Δανιήλ	דדָּנִיּאֵל‎ Dānijēl
Dawid	David	Δαυίδ	דָּוִד‎ Dāwîd
Ejva	Eva	Εὕα Heúa	חַוָּה‎ Chawwā
Ezechiel	Ezechiel	Ιεζεκιήλ	יְחֶזְקֵאל‎ Yechesk-Ēl
Galilea	Galilaea	Γαλιλαία	גָּלִיל‎ Gālîl
Goljat	Goliath	Γολιάθ	גָּלְיָת‎ Gåljāṯ
Gomorra	Gomorrha	Γόμορρᾰ Gómorrha	עֲמֹרָה‎‎ ‘Ămōrāh
Israel	Israël	Ισραήλ	יַעֲקֹב‎ Jisrā'ēl
Jakob	Iacobus	Ιάκωβος	יַעֲקֹב‎ Ja'akôḇ
Jeremia	Ieremias	Ἰερεμίας Ieremías	יִרְמְיָהוּ‎‎ Jirmejah(u)
Jerusalem	Jerusalem	Ἰερουσαλήμ Ierousalḗm	יְרוּשָׁלַיִם‎‎ Jeruschalajim
Jesus	Iesus	Ἰησοῦς	יֵשׁוּעַ‎‎ Jeschua
Josef	Iosephus	Ιωσήφ	יוֹסֵף‎ Jōsēf
Juda, Judea	Iudaea	Ἰουδαία Judaía	יהודה‎ Jehuda
Judas	Iudas	Ἰούδας	יהודה‎ Jehuda
Lazarus	Lazarus	Λάζαρος	אֶלְעָזָר‎ Elʿāsār
Mattheius	Matthaeus	Μαθθαῖος Matthaĩos	מתתיהו‎ Mattaṯjāh(u)
Mathias	Matthias	Ματθίας Matthias	מתיתיהו‎ Mattiṯjāh(u)
Simon	Simon	Σίμων	שִׁמְעוֹן‎ Schimʿon
Sodom	Sodoma	Σόδομα	סדום‎ Seḏōm
Tobias	Tobias	Τωβίας	טוביהו‎ Tūḇjāh(u)
Zacharias	Zacharias	Ζαχαρίας	זְכַרְיָהוּ‎ Secharjāh(u)

Nouchbiwlische Loanweata

Es git vill weitane Weata, wou vill efta an direktn Weḡ gnumma hom u bsundas mid jidischa Releḡion, Tradeziona u Festt zen tou hom. Des han Weata, wou evtl. in an gstudiatanen Kontext iwanumma woan han. Doudazou loua se d folngatn Weata rechna:

Woat	Latein	Hebrejsch	Iwasetzung
Chanukka		חֲנֻכָּה‎ Chanukkā(h)	Es acht-toḡata Lejchtafest, wou en 25. Kislev õfangt.
Golem	id.	גולם‎ Golem	A Figua vo da jiddischn Litratua u Mistik.
Haggada	Haggadah	הַגָּדָה‎ Haggādā(h)	Dea Gschichtln und Handlingsõweisunga fia d Zeramoni am Oumd vua Pessach. Dej Haggada is ned zen vawechsln mid da Aggada, dej wou von n Jidisch-Aramejschn kumt u d dazellarischn u nedgsetzlichn Inhaltt vo da antikn rabbinischn Literatua umfasst.
Halacha		הֲלָכָה‎ Halāchā(h)	Es jidischa religjesa Gsetz, wou af mindlicha u schriftlecha Torah basiad.
Jeschiwa		ישיבה‎ Jeschiwā(h)	Jidischa Houchschul fia s relegjesa Studium.
Kabbalah		קַבָּלָה‎ Qabbālā(h)	D jidische Mistik.
Menora	id.	מְנוֹרָה‎ Menorā(h)	A sim-ormata Kiazastock oda Kandelowa.
Midrasch		מִדְרָשׁ‎ Midrāsch	D jidische Biwl-Exeges.
Mischna		מִשְׁנָה‎‎ Mischnā(h)	D mindlicha Torah.
Mitzwa		מִצְוָה‎ Mitzwā(h)	Es releḡjesa Gebot.
Mikwe		מִקְוֶה‎ Mikwe(h)	Es jidischa Tauchbod
Pessach	Pascha	פֶּסַח‎ pésach	Pascha resp. Paßcha is iwa s Grichisch von n Aramejschn.
Rab, Rav	id.	רב‎ Raḇ	A Titl vo jiddischn Glehrtn.
Schwa		שְׁוָא‎ Schəwā'	Da IPA-Vokal [ə].
Schibboleth		שִׁבֹּלֶת‎ Schibboleṯ	A Kennwoat oda Miakmol vonrana Sprechagruppn.
Talmud	id.		A zentrola Text von n rabbinischn Judntum u Primerquelln vo da Halacha u da rabinischn Theologi.
Tenach		תַּנַ״ךְ‎‎ Tenach u Tanach	D hebrejscha Biwl.
Tora		תּוֹרָה‎ Torā(h)	Da Pentateich.

Za d Nama vo d hebrejschn Mounat, Wochataḡ u Festt schau aa unta Jidischa Kalenda.

Weata vo da jingan Zeit

Nou en Afkumma von n Nazionalismus u mid da jinganan Gschichtt sida n Zwoatn Weltkrejḡ u da doudadraf gfulgtn Grinding von n Stoot Israel san vill neia Weata von n Hebrejschn bakannt woan. Doudadrunta dea Folngatn:

Woat	Latein	Hebrejsch	Iwasetzung
Alija		עֲלִיָּה‎ Alijā(h) „Afstejḡ“	D jidischa Eiwandarung i s 'Haaliḡa Land'.
Kibbuz		קִבּוּץ‎ Kibbuz „Sammlung“	A Kollektivsidlung oda a Oat jidischa sozialistisch-pragta Bauangmoa z Israel.
Haaretz		הָאָרֶץ‎ Hā-'Ārez „es Land“	A israelischs Toḡbladl.
Krav Maga		קרב מגע‎ Krav-Maga „Kontaktkampf“	A israelischa Kampfsport.
Mosad		המוסד‎ ha-Môßād „d Instetuzion“	D israelischa eissana 'Ghaima'.
Schoa		שׁוֹאָה‎ Scho'ā(h) „Katastrofn“	Da Holokaust.
Uzi		עֻזִּי‎ ʿUzzi weatle „mei Stiakn“	Da Nama von n Leitnant Uzi Gal, da wou d Maschinapistol dafunna houd.
Yad Vashem		יד ושם‎ Jad Waschem „Hent u Nama“	D isrealischa Gedenkstettn vo d Märtyra u Heldn in n Holokaust.

Schau aa

• Jidischa Kalenda
• Jiddisch im Boarischn