Isaac Newton

Aus Wikipedia
Wexln zua: Navigation, Suach
Isaac Newton (Godfrey Kneller, 1689)

Sir Isaac Newton (*  4. Jenna 1643 in Woolsthorpe-by-Colsterworth in Lincolnshire, England †  31. Meaz 1727 in Kensington) woar a englischa Physika, Mathematika, Astronom, Alchemist, Philosoph und Vawoitungsbeomta.

In seina Zeid, wo zwischn natialicha Theologie, Natuawissnschoft und Philosophie no ned schoarf trennt woan is, hod ma an Newton an Philosophn gnennt.

1687 hod a de Philosophiae Naturalis Principia Mathematica aussabrocht. Se guit ois oans von de Weake mid'm greßtn Eihfluss af de Wissnschoftsgschicht und hod de Grundlong fian Groußtei vo da klassischn Mechanik gschoffa. In dem Weak bschreibt a de Gravitationsgsetze vo da universoin Gravitation und de Bewegunsgsetze. Domit hod'a iwa 300 Joar de Physik mitbstimmt. Er hod aa des easchte Spiaglfeanroah baut. In da Mathematik hod'a unobhängig vom Gottfried Wilhelm Leibniz de Infinitesimoirechnung entwicklt.

Zweng seina Leistunga, voa oim in da Physik und Mathematik, guit da Newton ois oana vo de greßtn Wissnschoftla vo oin Zeidn. De Principia Mathematica wean ois oans vo de wichtigstn wissnschoftlichn Weake eihgstuaft.

Wiadigung[VE | Weakln]

Nochm Newton san des Newtonsche Näharungsvafoahn und de SI-Eihheit vo da Kroft (Newton), de Newtonsche Axiome sowia de Newton-Cotes-Formeln bezeichnt worn, außadem da Asteroid (662) Newtonia sowia a Mondkrata.

Schriftn vom Newton[VE | Weakln]

  • Method of Fluxions (1671)
  • Of Natures Obvious Laws & Processes in Vegetation (unvaeffentlicht, c. 1671–1675)[1]
  • De Motu Corporum in Gyrum (1684)
  • Philosophiae Naturalis Principia Mathematica (1687)
  • Opticks (1704)
  • Reports as Master of the Mint (17011725)
  • Arithmetica Universalis (1707)
  • The System of the World, Optical Lectures, The Chronology of Ancient Kingdoms und De mundi systemate (posthum vaeffentlicht 1728)
  • Observations on Daniel and The Apocalypse of St. John (1733)
  • An Historical Account of Two Notable Corruptions of Scripture (1754)

Beleg[VE | Weakln]

  1. Newton's alchemical works online bei da Indiana University

Im Netz[VE | Weakln]

Wikisource
Boarischa Text: Isaac Newton – gmoafreie Originaltext (engl.)
 Commons: Isaac Newton – Oibum mit Buidl, Videos und Audiodateien
Spruch: Isaac Newton – Zitat af Boarisch