Joesi Prokopetz

Aus Wikipedia
Zur Navigation springen Zur Suche springen

Josef 'Joesi' Prokopetz (* 13. Meaz 1952 in Wean) is a estareichischa Liadschreiwa, Musika, Autor und Kabarettist.

Da Prokopetz is da Texta vom Austropop. 1971 is a duach sein legendean Text fia Wolfgang Ambros-Schloga Da Hofa schlogoatig bekaunt wuan. Fian Ambros hoda nod weidare Liadtexte gschriem, wia zum Beispü Es lebe der Zentralfriedhof, Baba und foi net oda Du bist wia die Wintasun. Aa fia de Austropopper Stefanie Werger, Wilfried oder Rainhard Fendrich hod a eafoigreiche Liadtexte gschriem. Zauman mitn Ambros und an Manfred Tauchen hod da Prokopetz 1974 des Oipn-Drama Der Watzmann ruft vafosst. Da Watzmann hod sowoi ois musikalisches Heaspü ois aa ois Bihnenstickl grosse Eafoige gfeiat.

Prokopetz woa Mitbegründer (zauman mitn Tauchen Fredi), Musika und Liadschreiwa vo da NDW-Gruppm DÖF. Gemeinsam mitn Manfred Tauchen, da Annette Humpe und da Inga Humpe hod DÖF 1983 mitm Liad Codo an intanationeun Eafoig ghobt. Ea woa aa kuaz ois Solokünstla aktiv: Sind sie Single? woa auf Plotz 1 vo da Hitparade.[1]. Weidare Eafoige woan: Na guat daun net und Parkverbot.

Mit seina eiganen Weabefirma Der Plan Prokopetz & Dr. Martschitsch GesmbH hoda Aunfaung vo de 1980a-Joa an legendean, heit no bekauntn, Slogan vafosst:„Lustig samma - Puntigamer“.[2][3],

Auszeichnungen[VE | Weakln]

  • 2003: Goldans Verdienstzeichn vom Laund Wean
  • 2009: Soizburga Stier
  • 2009: Verleihung vom Titl Professor

Weake ois Buachautor[VE | Weakln]

  • Joesi Prokopetz: Hose runter: Enthüllungen eines Kabarettisten, Valog: Molden, Wean 2007. ISBN 978-3854851998
  • Herbert Pirker und Joesi Prokopetz: Neichs fon de Weana, Ott Preiser, 2002 (Audio CD). ISBN 978-3708500140
  • Joesi Prokopetz: Und ewig lockt der Mann. Von Maria bis Magdalena. Jugend und Volk, Wean 1993. ISBN 978-3224176829

Im Netz[VE | Weakln]

Beleg[VE | Weakln]

  1. "Chartplatzierungen von Sind Sie Single?". austriancharts.at. http://www.austriancharts.at/showitem.asp?interpret=Joesi+Prokopetz&titel=Sind+Sie+Single%3F&cat=s. Retrieved on 31. August 2008. 
  2. Wirtschaftsblatt: „Stars in der Werbung“, 30. Dezember 2000, obgruafn am 27. August 2009
  3. Beschwerde beim Österreichischen Werberrat, 5. Juni 2008@1@2Vorlage:Toter Link/www.werberat.at (Seite nicht mehr abrufbar; Suche in Webarchiven), obgruafn am 27. August 2009