Koinburg

Koimad is a Gmoa im niedaboarischn Landkroas Reng. A Teil vom Gmoagebiet, dorunta des gleichnomige Pfoardoaf, is staatle oerkannta Aholungsoat.

Eadkund

Log

De Gmoa liegt in da Region Doana-Woid inmittn vom Boarischn Woid neadle vom 1050 m houa Prölla zwischn Vejda (fünf Kilometa) und Englmo (sechs Kilometa). De zwou Stadt Bong und Reng hand jeweis 27 km entfernt, währand s af Degndorf und Cham jeweis 31 km san.

Gmoagliedaung

Koimad besteht aus de Gemarkunga Oiaschdoaf, Kirchoatna, Koimad und Rechertsrejd. Es gibt insgsamt 103 Oatsteil:

Gschicht

Bis zua Gmoagrindung

De Oatsgschicht is eng mit da gleichnomiga Buag vabundn, de wos 1153 erstmois ois Chalnberch awähnt werd. No 1685 hot er Klambeag ghaissn, währand des vo Berhard Grueber und Adalbert Müller in eahnam 1846 aschienan Buach Da boarische Woid ois Kohnbuag bezeichnat werd. In de "Beiträg zua Statistik vom Kinireich Baiern" werd da Oat ab dem Heft XXI aus dem Joahr 1869 ais Koinbuag bezeichnat. Koibuag gheat de Freiherrn vo Kastern. Da Oat war Eil vom Kuafiaschtndum Bayern, hot aba a gschlossane Hofmark buidt, dera ira Sitz Koinbuag war. Im Zug vo de Vawoitungsrefoaman in Baiern is mit dem Gmoaedikt vo 1818 de heitige Gmoa entstandn.

Eigmeindunga

Im Zug vo da Gebietsrefoam san am 1. Oktoba 1971 de Gmoa Rechertsrejd und am 1.Mai 1978 de Gmoa Oiaschdoaf und Kirchoatna in de Gmoa Koimad egliedat worn.

Eiwohnaentwicklung

Zwischn 1988 und 2018 is de Eiwohnazoi stagniert bzw. minimoi vo 2.800 aaf 2.795 um 5 Eiwohna bzw. um 0,2 % gsunga.

1867: 1027 Eiwohna
1871: 1060 Eiwohna
1961: 2764 Eiwohna
1970: 2695 Eiwohna
1987: 2786 Eiwohna
1991: 2838 Eiwohna
1995: 2905 Eiwohna
2000: 2970 Eiwohna
2005: 2891 Eiwohna
2010: 2894 Eiwohna
2015: 2787 Eiwohna

Politik

Gmoarot

Da Gmoarot setzt se seit da Kommunoiwoih vom 15. März 2020 wia foigt zamm:

CSU: 4 Sitz (33,42 % vo de Stimman)
FW: 5 Sitz (35,09 % vo de Stimman)
Biaga fia Koimad: 3 Sitz (18,76 % vo de Stimman)
GPÖ: 2 Sitz (12,73 % vo de Stimman)

Buagamoasta

Ersta Buagamoasta is seit 1. Mai 2020 Herbert Preuß (FW). Bei de Kommunoiwoin 2020 hot der mit 55,1 Prozent de Stichwoi am 29. März 2020 gega de bisherige Amtsinhobarin Josefa Schmid gwonna hot, de seit 2008 erste Buagamoastarin woa.

Wappn

Blasonierung: " Teilt duach oan vo Sejwa und Blau in drä Reihn grautatn Baikn; om gspoitn vo Sejwa und Roud und zinnanfeame teilt in vawechsalte Foama, untn gspoitn vo Sejwa und Roud." Wappngschicht: Des Gmoawappn vo Koimad vabindt Elemente aus de Familienwappn vo Adlsgschlechta, de fia de Gschicht vom Gmoagebiet vo Bedeitung warn. De weiß-blaun Rautn ainnan sowoi an de Koinbuaga (Kallnbeaga, Chalmbeaga), des erste, vom 12. bis zum 14. Joahrhundat in Koinbuag nochweisbore Gschlecht, ois aa an de Nußbecka, de 1363 aaf de Koinbuaga gfoigt san und de Buag bis zu eahnam Scheitan im Böcklakriag 1468/69 und zum Aweab vo Koimad duachn Herzog Oibrecht IV. 1472, dann speda nome vo 1531 bis 1551 inneghabt hommand. De Linbuaga und de Nußbecka ham urspringle zu de Ministerioin dea 1242 ausgstoamna Grafn vo Bong gheat und hommand desweng dene erane Rautn im Wappn khod. De foamoie Gliedaring vo dem Schuid orientiert se dodro, dass de Koinbuaga de Rautn im gspoitna Schejdl, die Nußbecka in am Baikn gfiaht hommand. De Rautn hand mit dem Bongna Erbe 1242 an de Wittlsbacha ibaganga und hand zum boarischn Landeswappn worn. Da Zinnanschnitt om symbolisiert de vamutle im 11. Joahhundat ois Ministerioinsitz vo de Grafn vo Bong arichtate Feste Koinbuag, vo der no Ibareste dahoitn hand. Des Wappn gits seit 1983.

Baudenkmäla

Buagruine Koimad: Buagruine mit Rundtuam und Buagbrunn
Buagstoi Koimad
Katholische Pfarrkiacha heilige Dreifoitigkeit
Wegkapejn Koimad
Katholische Filiaikiacha Mater Dolorosa Oiaschdoaf
Gedenkgräz Altoatna
Fejsnkella Oahof
Katholische Kapejn Herz Jesu
Gedenkkreiz Beaging
Oatskapöjn Einweging
Hauskapöjn Fellahof
Stoakreiz Händlan
Hofkapöjn Hartmannsbeag
Ehemolige Sägmej Hintaviechtach
Oatskapöjn Hof
Katholische Pfarrkiach St. Magdalena Kiachaitnach
Wegkapöjn Stodlföjd
Gedenkkreiz Schoazhof
Hofkapöjn Schweinbeag
Gedenkkreiz Sedlhof
Weilakapöjn Sedlhof
Gedenkkreiz Sedlhof
Heiliga Sebastian, Hoizfigur Tafetshof
Weilakapöjn Untadornach

Hofkapöjn Wieshof
Geißlchristus, Hoizfigur Windsprach
Ehemolige Mej, Zahrmuih

Statistik

Es hot 1998 noach da amtlichn Statistik im Bereich Land- und Forstwirtschoft 10, im prouzierandn Gewerbe 136 und im Bereich Handl und Vakeah 17 sozoivasicharungspflichte Bschäftigte am Oabatsoat gem. In sonstige Wirtschoftsbreich warn am Obatsoat 137 Personan soziovasicharungspflichte bschäftigt. Soziovasicharungspflichte Bschäftigte am Wohnoat hot's insgsamt 895 gem. Im vaoabandn Gewerbe hot's koane, im Bauhauptgewerbe 6 Betriebe gem. Zuadem ham im Joahr 1999 181 landwirtschoftliche Betriebe mit ana landwirtschoftle gnutztn Flächn vo 2735 ha gem, dovo warn 2178 ha Dauagreaflächn.

Wirtschoft und Infrastruktua

Tourismus

Ois Aholungsoat staatle oakannt san de Gmoateile Koimad, Boch, Baiaweg, Gnad, Hochstraß, Höfn, Hoanhof, Kagamuih, Karglhof, Marktbuchn, Oed, Ogleinsmais, Räkschdoaf, Reisach, Sattl, Schreinamuih, Stefflhof, Tafertshof, Untadoanach, Waldhof, Weggütl, Wieshof und Windsprach.

Buidung

Es gibt foigande Eirichtunga (Stand: 1999):

Kindagoatn mit 75 Kindagoatnplätz und 67 Kinda
Oa Grundschui mit 5 Klassn und 8 Lehrkräft im Zentrum vo Koinbuag

Perseanlekeitn

Josef Biebl (*1959), Oabatsrechtla und Richta am Bundesoabatsgricht
Florian Pledl (*1984), Akkordeonist vo Da Rocka & da Waitla