Långkåmpfn

Långkåmpfn liegg im Untainntåi auf da nördlichn Innseitn zwischn Kirchbichi und Kufstoa. Då da Tåiboon a Au wår, lieng die Siedlunga ebbas am Hång auffigruckt am Tåirånd.

Ortstoala

Långkåmpfn wead in siem Ortstoala gliedat:

Morsbåch, Au, Schaftenau, Untalångkåmpfn, Owalångkåmpfn, Niedabroadnbåch und Dornau

In Schaftenau gibs a Håitestöön vo da ÖBB-Westbåhn. Doo håm si a vüü Industriebetriebe uugsiedlt.

In Untalångkåmpfn stehts Gemeindeåmt.

Nåchbårgemeindn

Ångabeag, Ångath, Kirchbichi, Kufstoa, Mariastoa, Schwoich, Thiasee

Sehnswüadigkeitn und Ausflugszüüa

As Schloss Neuwörth in Niedabroadnbåch is a umbauda Wohnturm aus'm 13. Jåhrhundat.
Obahåib vo Långkåmpfn håts im frian Mittloita a Befestigungsånlåg, die sognånnte Ruderburg, gem, vo dea heid no einige Gländadenkmåi ibrig bliem senn.
Da Flugplåtz Kufstoa-Långkåmpfn (LOIK) liegg im nördlichn Toal vo Långkåmpfn, vo dem voa ållem Seglfliaga startn. As Restaurant då am Flugplåtz wead vo Eiheimische und Gästn guad bsuacht und vo då aus kuu ma an Flugbetrieb beowåchtn.
In da Nachnd vom Flugplåtz liegg a Bådesee, da Stimmasee. Ea wead a guad bsuacht, obwoi as Wåssa a im Summa relativ kåid is.
Rund um an Stimmasee fiad a måiarischa Spaziarundweg und am Eigång vom Seegrundstick betreim di Besitza vom See a Gåsthaus mit Pensionsbetrieb und an urigm Gåstgårtn.

Wiatschåft und Infrastruktua

Gräßare Untanehma und Produktionsbetriebe san:

Sandoz (Pharmaindustrie)
UNTERLAND, Vapåckungsmaterial
Stork Prints Austria, Maschinabau
Kurz, Bauntanehma
Viking GmbH, Gårtngeräte
Heliotherm, Wärmepumpn
Verival, Bioprodukte

Galerie

St. Georg, Obalångkåmpfn
St. Ursula, Untalångkåmpfn
Deckenfresko in St. Ursula, Untalångkåmpfn