Kirchbichi
| Der Artikl is im Dialekt Tirolarisch (Untalond) gschrim worn. |
| Kirchbichi Kirchbichl | ||
|---|---|---|
 |
| |
| Basisdatn | ||
| Stoot: | Östareich | |
| Bundesland: | Tirol | |
| Beziak: | Kufstein | |
| Kfz-Kennzeichn: | KU | |
| Fläch: | 14,97 km² | |
| Koordinaten: | 47° 31′ N, 12° 5′ O | |
| Hächn: | 515 m i. A. | |
| Eihwohna: | 5.873 (1. Jen. 2019) | |
| Dichtn: | 392 Einw. pro km² | |
| Postleitzoi: | 6322 | |
| Vuawoi: | 05332 | |
| Gmoakennziffa: | 7 05 11 | |
| NUTS-Region | AT335 | |
| Adress vo da Gmoavawoitung: |
Obandorfastråss 1 6322 Kirchbichi Kirchbichl | |
| Netzseitn: | ||
| Politik | ||
| Buagamoasta: | Herbert Rieder (SPÖ) | |
| Gmoarod: (2016) (17 Mitglieder) |
||
| Lage der Gemeinde Kirchbichi Kirchbichl im Bezirk Kufstein | ||
| ||
| Quelle: Gemeindedaten bei Statistik Austria | ||
Kirchbichi (åmtl.: Kirchbichl) is a Gemeinde im Bezirk Kufstoa in Tiroi, Östarreich. Sie is 1999 an Klimabindnis Tiroi beitretn.
Geografie[VE | Weakln]
Kirchbichi liegg im Untainntåi, gånz nachnd vo Wörgl.
Ortstoala[VE | Weakln]
Orf, Obandorf, Bichlwång, Kåstngstått, Winkelheim, außadem no Bodn und Bruckhaisl an da Mindung vo da Brixntåia Åchn in'n Inn.
Nåchbårgemeindn[VE | Weakln]
Ångath, Båd Hearing, Itta, Långkåmpfn, Schwoich, Söll, Wörgl
Gschichtn[VE | Weakln]
As Grattnbergl, wo si die gräßte Siedlung vo Nordtiroi in da Håistoazeit bfundn håt, wår a Schauplåtz vom Tirola Freiheitskåmpf geng di boarischn und französischn Truppn. Kåstngstått wår sowoi fi die Eisnvaorweitung aus'm Schmözwerk vo Jembåch ois a fi an Staplplåtz und an Schiffibauplåtz fi die Innschiffifåhrt bekånnt.
Wiatschåft und Infrastruktua[VE | Weakln]
Ånsässige Untanehma in Kirchbichi san:
- Di Mainza Gewirzmühln Moguntia produziad seit 2001 in Kirchbichi.
- Kirchbichi håt seit da Schliaßung vo da Voiproduktion a Zementindustrie in Form vo a Zementmåi- und und Vasandånlåg, dee di Firma Schretter & Co, a Porzellanzement- und a Kåikwerk in Vils im Bezirk Reutte betreibt. As Håibfabrikat Portlandzementklinker wead a vo Vils mit da Båhn (vo Vils bis Garmisch-Portnkirchn mit da Außafeanbåhn) uugliefat.
Vakeah[VE | Weakln]
Kirchbichi liegg an da Tiroia Stråssn B 171 (Kufstoa - Wörgl - Innschbrugg - Londeck) und an da Lofara Stråssn B 178 (Wörgl - St. Johann in Tiroi - Lofa). Natialich gibbs a Ånschluss an die A12 Inntåiautobåhn mit die Ånschlussstöön "Wörgl Ost" und "Kirchbichi".
Di Gemeinde liegg an zwoa Eisnbåhnstreckn, nämlich oamoi an da Untainntåibåhn (Kufstoa - Wörgl - Innschbrugg) und dånn no an da Giselabåhn (Soizburg - Bischofshofn - Zöi am See - Kitzbichi - Bruckhaisl - Wörgl; sie is a a Toalstreck vo da östarreichischn Westbohn: Si fiat vo Wean - Linz - Soizburg - Bischofshofn - Wörgl - Innschbrugg - Födkirch - Bregenz). Boade Båhnstreckn treffn beim Wörgla Hauptbåhnhof zåmm. Da Båhnhof Kirchbichi liegg an da Untainntåibåhn. Di Håitestöön Wörgl Süd-Bruckhaisl liegg auf da Giselabåhn im Wörgla Stådtgebiet im Stådttoal Wörgl Boon, gånz in da Nachnd vo da Ortsgrenzn zu Kirchbichi. Zsåmm mit'n Ortstoal Kirchbichi Boon bildet Wörgl Boon an Fluanåm Bruckhaisl.
Da Kirchbichla Båhnhof håt drei Båhnsteiggloasa, außadem vakeahn, wia om scho awähnt woan, einige Måi Gitazüg mit'n Klinka vo Vils.
Reglmäßige Vaonståitunga[VE | Weakln]
Jealich im Summa findt in Kirchbichi da Kirchbichi-Triathlon stått, dea 2010 zum 25. Måi austrång woan is.
Sehne und Techta vo Kirchbichi[VE | Weakln]
- Max Bamberger (1861-1927), Chemika
- Sebastian Feiersinger (1913-1984), Opansänga
- Otto Juch (1876-1964), Finanzminista
- Josef Lettenbichler (* 1970), Nationåiråtsåbgeordnata (ÖVP)
- Jakob Mayr (1924-2010), Weihbischof in Soizburg
- Flaminio Piccoli (1915-2000), Journalist und Politika
- Robert Strobl (1933-2009), Nationåiråtsåbgeordnata (SPÖ)
Büddl[VE | Weakln]
Pfårrkirchn in Kirchbichi
As Grattnbergl am Westrånd vo Kirchbichi
