Bezirk Kufstoa

Aus Wikipedia
Bezirk Kufstoa
Lage im Bundesland Tirol
Lage des Bezirks Kufstein im Bundesland Tirol (anklickbare Karte)Bezirk ImstInnsbruckBezirk Innsbruck LandBezirk KitzbühelBezirk KufsteinBezirk LandeckBezirk LienzBezirk ReutteBezirk Schwaz
Lage des Bezirks Kufstein im Bundesland Tirol (anklickbare Karte)
Basisdaten
Bundesland Tirol
NUTS-III-Region AT-335
Verwaltungssitz Kufstein
Fläche 970 km2
Einwohner 113.090 (1. Jenna 2023)
Bevölkerungsdichte 117 Einw./km²
Kfz-Kennzeichen KU
Bezirkskennzahl 705
Bezirkshauptmannschaft
Bezirkshauptmann Christoph Platzgummer
Webseite www.tirol.gv.at/kufstein

Da Bezirk Kufstoa (amtli: Bezirk Kufstein) is a politischa Bezirk im östarreichischn Bundeslånd Tiroi. Doscht lem 105.469 Einwohna (Stånd 01.01.2016). Bezirkshauptmånn is da Christoph Platzgummer.

Geografie[Werkeln | Am Gwëntext werkeln]

Da Bezirk Kufstoa is mit 969,90 km² da kleanste Bezirk in Tirol, ågsechn vo da Statutarstådt Innschbrugg.

Er grenzt im Nordn an Bayern, im Südwestan an'dn Bezirk Schwåz und im Südostn an'dn Bezirk Kitzbichi.

Er umfåsst an untan Toal vom Untainntåi und vo dem zweing as Åipbåchtåi, as Brandnberga Tåi, di Wüdschnau, as Brixntåi, as Söllandl und as Thiaseetåi å. Wichtige Gebirge senn di Brandnberga Åipn (da westliche Toal davu werad a Rofan gnånnt), di Kitzbichla Åipn, as Koasagebirge und die Chiemgaua Åipn. Di heachste Erhebung is da Groaße Gåitnberg (2.424 m) am End vom Åipbåchtåi.

Bedeitende Gewässa senn da Reinthåia See, da Thiasee, da Hechtsee, da Hintastoana See und da Wåichsee.

Ab Kufstoa åbwärts ligg da Tåiboon auf unda 500 Meta Seeheachnd.

Vakeah[Werkeln | Am Gwëntext werkeln]

Durchn Bezirk Kufstoa fiad di Inntåi Autobåhn, de a wichtige Transitachsn vo Deitschlånd nåch Italien dårstöd. Vo dea weck zweigt in Wörgl die Lofara Stråß, de in'dn Bezirk Kitzbichi und dånn nåch Lofer fiad. Außadem fiad die Untainntåibåhn durch, vo dea die Såizburg-Tirola-Båhn, emso in Wörgl, åzweigt, wöache ålladings dånn durchs Brixntåi fiad.

In Långkåmpfn gibs an Flugplåtz, dea sea gern vo Seglfliagan gnutzt wead. Außadem håts vo Kufstoa bis Niedandorf amoi a Innschifffåhrt gem, de wos ålladings 2011 mångls Fåhrgästn eigstööd woan is.

Gemeindn[Werkeln | Am Gwëntext werkeln]

Wirtschåft[Werkeln | Am Gwëntext werkeln]

Di Wirtschåft im Bezirk Kufstoa is sea durch'n Dienstleistungssektor prägt, vor åim durch'n Håndl und an Tourismus.

Wichtige Industrieståndorte senn Brixlegg (Montanwerke), Kufstoa, Wörgl und Kundl (Sandoz). Wichtige Sparten senn die Pharmaindustrie, Heastellung vo Gummi- und Kunststoffwåren und di Bauwirtschåft.

Vom Bezirk Kufstoa pendl relativ vü Leit in die Nåchbårbezirke Schwåz und Innschbrugg aus.