Millim

Aus Wikipedia
Zur Navigation springen Zur Suche springen
Der Artikl is im Dialekt Owaöstareichisch gschrim worn.

Millim (arabisch: ملّيم‎‎, DMG Millīm; Meazoih.: ملّيمات‎ Millīmāt; kimmt vum lateinischn Woat fia „Tausnd“, mille) is d'Bezeichnung vu ana Wearungsuntereinheit in mearare arabischsprochiger Lända. Heid san Millim owa netta nu in Tunesien ois Tausndstl vu am Dinar im Umlauf.

de tunesischn Millim[VE | Weakln]

a tunesische 20-Millim-Münzn

In Tunesien san de Millim (auf fraunzösisch Millimes) am 18. Oktoba 1958 eigfüahd woan und san 1960 zum easchtn Moi ois Münzn zu 1, 2, 5, 10, 20, 50 und 100 Millim außabrocht woan. De Münzn im Weat von 500 Millim (ob 1968 prägt) trong d'Weataungob ½ Dinar.

Ehemolige Millim-Wearungen[VE | Weakln]

Ägyptn und d'Vareinigte Arabische Republik[VE | Weakln]

Ägyptische Millim (englisch Millieme) bezeichnan s'Tausndstl vu am ägyptischn Pfund, wos außadem a Zehntl vu am Piasta (قرش‎ Qirsch). Früher san de Millieme-Münzn weid vabreitet gwen, heid sans owa nimma im Umlauf.

Eigfüahd woan hans bei da Wearungsreform 1916 und san unta'm Hussein Kamil aa in dem Joa s'easchte Moi ois Münzn in'dn Umlauf gem woan. D'letzte Millieme-Münzn, a 10-Milliemes-FAO-Ausgob, is 1980 prägt woan. Bis dohi san in vaschiedene Ausgobm Münzn mid de Nennweate ½, 1, 2, 2½, 5 und 10 Milliemes gmocht woan. In da Zeit, in dea Syrien und Ägyptn d'Vareinigte Arabische Republik büit hom, haum si beide Lända eana oide Wearung ghoitn, oiso aa Ägyptn de Milliemes.

Libyen[VE | Weakln]

1951, wia Libyen unobhängig woan is, hod ma s'libysche Pfund eigfüahd und des in 100 Piasta/Qirsch und 1000 Millim (Millieme) untateud. A easchte Serie Millim-Münzn (1, 2 und 5 Millim) mi'm Gfris vum Idris im I. is 1952 außakemma, a zweite (1, 5, 10, 20, 50 und 100 Millim) im 65a-Joa. Wia da Muammar al-Gaddafi Stootsowahaupt woan is, is d'Wearung umbnamslt woan, wesweng ma heid s'Tausndstl vum Dinar offiziöi Dirham nennd.

Sudan[VE | Weakln]

Ähnli wia in Ägyptn san aa im Sudan de Millim-Münzen (Millieme) aus'm Umlauf kemma, weus quasi nix mea weat woan. A Millim woa a Tausndstl vum sudanesischn Pfund, oiso a Zehntl vu am Qirsch. 1956 sans s'easchte Moi heagstöid woan, de letztn Serien san 1971 (1- und 2-Millim-Münzn), 1980 (10 Millim) und 1983 (5 Millim) prägt woan. Da im 92a-Joa eigfüahde Dinar is glei goa ned untateud gwen, s' 2007 außabrochte neiche Pfund is netta in 100 Qirsch/Piaster untateud.

Ähnliche Wearungsuntaeinheitn[VE | Weakln]

  • Da tausndste Teu vu am US-Dollar hoaßt offiziöi Mill; Mill-Münzn hods owa nia gem sondan netta Weatmarkn.
  • In mearare (zum Teu ehemolige) britische Kolonialgebiete hod da tausndste Teu vu da Wäarung Mil:
    • In Palästina san vu 1927 bis 1947 Mil-Münzn (مل‎ Mil) im Weat von 1, 2, 5, 10, 20, 50 und 100 Mils prägt woan. 1948 und 1949, bevoa auf Lirah und Prutah umgstöid woan is, hod Israel 25-Mils-Münzen aus Aluminium außagem.
    • Noch da Umstellung auf a Dezimalwearung woan de Mils aa in Züpan vu 1955 bis 1982 d'Untaeinheit vum Pfund
    • Da tausndste Teu vu da Maltesischn Lira hod emfois Mil ghoaßn. Münzn im Wert vu 2, 3 und 5 Mil san zwischn 1972 und 1982 prägt woan.

Quöin[VE | Weakln]

→ Dea Artikl basiad auf ara frein Ibasetzung vom säim Artike in da Wikipedia af Deitsch in da Version vom 31. Juli 2008.