Montbrison (Loire)

Montbrison
	Montbrison (Frankreich)
Stoot	Fraungreich
Región	Auvergne-Rhône-Alpes
Département (Nr.)	Loire (42)
Arrondissement	Montbrison
Kantón	Montbrison (Haptort)
Gmoandvabaund	Loire Forez
Kóoerdinaten	45° 36′ N, 4° 4′ OKoordinaten: 45° 36′ N, 4° 4′ O
Heechen	370–552 m
Flächen	16,30 km²
Eihwóner	15.656 (1. Jénner 2018)
Bevëkarungsdichten	960 Eihw./km²
Póstloatzoi	42600
INSEE-Code	42147
Website	http://www.ville-montbrison.fr/
	; Montbrison

Montbrison is afranzesische Gmoa mid 15.656 Eihwohna (Stond: 1. Jenna 2018) im Département Loire in da Region Auvergne-Rhône-Alpes; se is Vawoitungssiez van Arrondissement Montbrison und Haptort van Kanton Montbrison.

Geografie

Montbrison liegd on da Grenz za da Ebane vo Forez, om Fuaß vo de Monts du Forez, 30 Kilometa vo Saint-Étienne entfeand.

Geschicht

De easchte Eawähnung van Ort stommd aus'm Joar 870. Unta de Grofn vo Forez is Montbrison Haptort vo da Grofschoft worn. Im Valaff van Hundadjearing Kriag is da Ort bfestigd worn. Unta Kini Franz I. is Montbrison on de Krone vo Frankreich kemma.

Vo Montbrison noch Montrond-les-Bains is vo 1839 bis 1848 de easchte, domois no vo Ressa zongne Stroßnboh vo Eiropa (→ Stroßnboh Montbrison–Montrond) valaffa.

Zan 1. Jenna 2013 is de Gmoa Moingt, seit 1973 assoziiad, noch ana Voiksobstimmung endguitig eihgmoad worn. Moingt gähd af on gallo-remischn Bodeort, Aquae Segetae, aus'm 1. und 2. Joarhundad zruck. Reste van remischn Theata san no z'seng.^[1]

Bevejkarungsentwicklung

Joar	1962	1968	1975	1982	1990	1999	2006	2015
Eihwohna	10.697	11.213	12.451	13.280	14.064	14.589	15.127	15.526

Sengswiadigkeitn

De gotische Kollegienkiache Notre-Dame-d’Espérance is in de Joar 1223–1466 eabaud worn und stähd ois Monument historique (seit 1840) unta Denkmoischutz.^[2]

Städtpartnaschoft

Mid da slowenischn Stod Sežana bstähd a Städtpartnaschoft.^[3]

Geboan in Montbrison

Claude d’Apchon (1721–1783), Bischof und Erzbischof
Marie Lavoisier (1758–1836), Chemikarin, Ijustratoarin und Salonnière
Michael Portier (1795–1859), remisch-katholischa Geistlicha, easchta Bischof vo Mobile (USA)
Victor de Laprade (1812–1883), Dichta
Marie-Alain Couturier (1897–1954), Dominikana, Glosmola und Kunstkritika
Pierre Boulez (1925–2016), Komponist
Yves Triantafilos (* 1948), Fuaßboispuia
Christophe Agou (1969–2015), Fotograf
Pierrick Cros (* 1992), Fuaßboispuia
Guillaume Cizeron (* 1994), Eiskunstlaifa, Wejd- u. Eiropamoasta im Eisdaunz

Literatua

Christian Bec: Montbrison et sa région, Horvath, 1985.
Claude Latta: Histoire de Montbrison, Horvath, 1994.

Im Netz

Commons: Montbrison – Sammlung vo Buidl, Videos und Audiodateien

Offizieje Website vo da Stod
Ijustrazion vo Frans Hogenberg vo 1570: Hauptman von Kunig Baron des Andrets gnant, Gwint Montbrison mitt sturmender Hant, ... (Digitalisat)

Beleg

↑ Website Montbrison. Archiviert vom Original [1] am 20. Novemba 2008; abgerufen am 31. August 2018.
↑ Église Notre-Dame in da Base Mérimée vom franzesischn Kulturministerium (franzesisch).
↑ lessor.fr. Archiviert vom Original [2] am 26. Mai 2015; abgerufen am 31. August 2018.

[1] Website Montbrison. Archiviert vom Original [1] am 20. Novemba 2008; abgerufen am 31. August 2018.

[2] Église Notre-Dame in da Base Mérimée vom franzesischn Kulturministerium (franzesisch).

[3] lessor.fr. Archiviert vom Original [2] am 26. Mai 2015; abgerufen am 31. August 2018.

[1]

[2]

[3]