Poimesl

Aus Wikipedia
Zur Navigation springen Zur Suche springen
A Poimesl, Untafrankn 15. Jh.
Poimesl, 14. Jh.

Da Poimesl (dt.: Palmesel) is a Figua ausm remisch-katholischn Brauchdum ba de Poimprozessiona om Poimsunnda.

De Poimprozession eainnad on an Eihzug van Jesus z Jerusalem, wo ea afm Ruckn vo am Esl griddn is. As Brauchdum is scho seitm 7. Joarhundad blegd. Uaspringli san de Pforra ba da Prozession af an echtn Esl griddn. Spoda san Esl aus Hoiz vawendd worn, wei de echtn Viecha z sterrisch woan. In da Zeid vo da Afklearung san de Poimesl weng da "Theatralik" vo da Kiach zan Tei vabodn worn. Des hod dozua gfiahd, doss vui oide Poimesl zastead worn san.

Poimesl is aa zan Schimpfwoat worn. An Buam, dea wo om Poimsunnda ois letzda mid seim Poimwedl in'd Kiach kemma is, hod ma friaha Poimesl gnennd. Z Wiazburg woas Brauch, Leitln de wo mid obdrogan Gwand zua Mess keman san, an mid Kreidn eigstaubdn Stoffesl afs Gwand z drucka. Heit no wead dea in da Famij, wo am Poimsunnda ois letzda afstähd, Poimesl gnennd.

Schau aa[VE | Weakln]

Literatua[VE | Weakln]

  • Vera K. Ostoia: A Palmesel at the Cloisters. The Metropolitan Museum of Art Bulletin, 14/7 Meaz 1956 (S. 170 ff). ISSN 0026-1521

Im Netz[VE | Weakln]

 Commons: Palmesel – Sammlung vo Buidl, Videos und Audiodateien