De Spurtvereinigung Maddersburg, kurz SV Mattersburg is a östareichischaFuaßboiverein aus da burgnländischn Stod Mattersburg. Da Verein is 1922 gründt woan und spüd nochdem ea in Aufstieg 1965 scho amoi eascht am letztn Spütog verpasst hod, mit ana Unterbrechung vo 2013 bis 2015 seit 2003 in da Bundesliga. De Hamspü vom „SVM“ wern seit 1952 im Pappelstadion austrong, de Vereinsfoarbn san Grean-Weiß.
Da SV Mattersburg hod in da jüngaren Vagangenheid sogoa a boa Eafoige eifoan kennan. In da Seson 2005/06 haums im Kapfinale vom ÖFB-Kap 3:0 gegen di Austria valuan, 2006/07 woans wieda im Kapfinale, wieda gegen di Austria, haum oba daunn droz 1:0-Füarung zua Bause no 2:1 valuan.
Außadem woans in dera Seson in da drittn Rund vo da UEFA-Kap Quali, haum oba gegn Wisla Krakau 1:1 und 0:1 valuan. In da Seson 2007/08 sans scho in da zweitn Qualirunde eigstiegn, haum aa gegn FK Aqtöbe aus Kasaxtan knop gwunna, san oba donn in da drittn Rund wieda gscheitat, und zwoa am FC Basl. Di beste Platzierung in da Bundesliga woa da dritte Plotz in da Seson 2006/07.
Martin Pucher
Wisla Krakau
FK Aqtöbe
FC Basel