Syðradalur (Streymoy)

Aus Wikipedia
Zur Navigation springen Zur Suche springen
Uatsosicht fo Syðradalur
Da Murufelli mid da Ennisgjógv.

Syðradalur [ˈsiːɹaˌdɛalʊɹ] (dänisch: Sydredal, boarisch weatli: Siddoi) is a Uatschoft af d Färöer om Sidostgstod fo da Haptinsl Streymoy. Owa aa af da Insl Kalsoy gibs a Uatschoft, wos so hoassd, (schaug: Syðradalur). Seit 1997 ghead Syðradalur zua Tórshavna Kommune. Fuahea hods zua Argira Kommune ghead, bis dass zomgleg woan hand. Im Joa 2020 homb in Syðradalur bei ana Flech fo 4,06 km2 10 Leit auf zwoa Hef glebb (Dichtn: 2,46 EW/km2). D Postleitzoi is FO-177.

S Wuat Syðradalur sted im Nominativ, im Akkusativ sogg ma (á/av) Syðradal, im Dativ sogg ma (í/úr) Syðradali und im Genitiv sogg ma (til) Syðradals. Oan, wos z Syðradalur wohnd, nennd ma Syðradalsmaður (weibli: Syðradalskona, neutral Syðradalsfólk).

Eadkund[VE | Weakln]

Wia s neadliche Nochbaduaf Norðradalur ligg Syðradalur im Westn fo da Haptstod Tórshavn, an da Bucht Á Dølinum und am neadlichn Eigong vom Hestsfjørdur. Af Koltur und Vágar hod ma fom Uat aus a schene Aussicht.

Syðradalur is iwa d Stross 58 erreichboa, de wos z Velbastaður fo da Stross 12 obiagg, de wos auf Tórshavn und Kirkjubøur ged. Es is d oanzig Stross im Uat, ois onane hand Fejdweg. Sie ligg 100 bis fost 250 m iwan Mearesspiage, wei s Mea am Gstod direkt af d Fejswond triffd, wo koa Stross oda Weg sei kinnt. Bis 1982 hod ma in Ua sowiaso nua z Fuas oda mid kloane Bootei erreichn kina, wei an Hofn hod Syðradalur koan. Es gib Wondaweg, de auf Norðradalur und Tórshavn fiand, und de Rest fo dem Weg, dea wos iazat d Stross is.

Syðradalur bstehd aus drei Dala: s gleichnomige Hapttoi, Ovari/Niðarí Botnur (Owana/Nidana Bodn) im Nuadn und Millum Skørðini (Zwischn d Schoatn) im Sidn. Es gibt koane onan bwohnde Uatslong bis afs Duaf sejm.

Da grejsste Fluss is d Breiðá (Broade Achn), de wos fom Ovari Botnur owakimb. On da Reiðskarð (Reitschoatn), da hejchstn Stej fom Doi, is aa a kloas Seeai. Onane Fliss hand d Syðradalsa, wos fo Millum Skørðini owakimb und duachn Uat rinnd, d Tvørá (Zuakemada Boch) im Niðari Botnur und da Heitaløka (Hoaz-Bachei).

Syðradalur is fo steile Beag umrondet, bis aufn Tunguliðfjall (Zunga-Roa-Beag, 535 m) bfind si owa koa Gipfe afm Uatsgebiet. D onan hoassnd Murufelli (Manabeag, 479 m) und Konufelli (Weiwabeag, 491 m) und homb oi zwe eane Gipfen af da Velbastaðura Seit. Da Murufelli hod an markantn Riss im Fejs, de Ennisgjógv (Obhongsklomm).

Bfejkarung[1][VE | Weakln]

Schaug aa[VE | Weakln]

Beleg[VE | Weakln]

  1. https://statbank.hagstova.fo/pxweb/fo/H2/H2__IB__IB01/fo_vit_md_t.px/ Hagstova Forøya: Bfejkarungszoina 1985 - 2020 (färöisch).